Ethiopian ministry of education news

Ethiopian ministry of education news

Public

Can't Join? @ethiopian_ministry_of_education

0

6.4k Members

Updated: May 16, 2026 at 12:40 PM

Ethiopian ministry of education news

Join @ethiopian_ministry_of_education for exclusive Business News content and discussions in 1

Ranking

Global Ranking

#456

+2

Language Ranking

#45

+1

Category Ranking

#23

-1

Participant Growth (Last 5 Days)

Total: 6.4K

24h growth: -113 2%

Loading posts...

Rating

Login required

Loading reviews...

Loading recommended channels...

Latest Posts

Ethiopian ministry of education news

May 21, 2026, 10:17 AM

📷 Photo

የከፍተኛ ትምህርት ተቋማት ተልዕኮ ማስፈጸሚያ ቁልፍ የተግባር አመላካችና የአገልግሎት ጥራትን ለማሳደግ እየተሰራ ነው።
--------------------------------------------------
(የካቲት 26/2017 ዓ.ም) የትምህርት ሚኒስቴር ከሁሉም ዩኒቨርሲቲዎች እንደ መነሻ ያሰባሰባቸውን 91 ቁልፍ የተግባር አመላካችና የአገልግሎት እርካታ ትንተና እና ሰነድ ዝግጅት ስራዎችን እያከናወነ ነው።

ትንተናውን መሠረት አድርጎ የሚዘጋጀው ሠነድ የከፍተኛ ትምህርት ተቋማትን ቁልፍ ተግባራት አፈጻጸምና የአገልግሎት አሠጣጥ እርካታ ላይ ያለውን ጥንካሬና ክፍተት በመለየት ለቀጣይ አፈጻጸም ግብዓት የሚገኝበት መሆኑን በትምህርት ሚኒስቴር የከፍተኛ ትምህርት ስርዓተ ትምህርትና ፕሮግራሞች ዴስክ ሀላፊ አቶ ተስፋዬ ነጋዎ ገልጸዋል።

ከሁሉም ዩኒቨርሲቲዎች የተሰበሰቡ መረጃዎች ላይ መሠረት አድርጎ በመከናወን ላይ ያለው የትንተና እና ሰነድ ዝግጅት ተቋማቱ የቁልፍ ተግባር አፈጻጸምና የአገልግሎት አሰጣጥ ላይ ያሉበትን ደረጃ ከማመላከት ባለፈ በቀጣይ ያለባቸውን ሀላፊነት ከተጠያቂነት ጋር እንዴት መወጣት እንዳለባቸው የሚያመላክት መሆኑን የስራ ሀላፊው ገልጸዋል።

በትምህርት ሚኒስቴር የምርምር ስነ-ምግባር ዴስክ ሀላፊ ዶ/ር አቡሌ ታከለ በመርሃ ግብሩ ማስጀመሪያ ላይ ባደረጉት ገለጻ የተሰበሰቡ መረጃዎችን መሠረት አድርጎ የሚከናወነው ትንተና እና ሰነድ ዝግጅት ቁልፍ የተግባር አመላካቾችን ለማጥራትና የአገልግሎት አሰጣጥ ጥራትና ደረጃን ለማሳደግ የሚያግዝ መሆኑን አመላክተዋል።

18,800

0

0

Ethiopian ministry of education news

May 21, 2026, 10:17 AM

📷 Photo

በደቡብ ምዕራብ ቀጣና የጂማ ዞን የዲስትሪክት አሸናፊ ትምህርት ቤቶች ውድድር እየተካሄደ ነው።
----------------------------------------------------
ከየካቲት 14 እስከ የካቲት 21 /2017 ዓ.ም የሚካሄደው የትምህርት ቤቶች ስፖርት ሊግ ማጠቃለያ ውድድር በጅማ ዞን ትምህርት ጽ/ቤትና በዞኑ ወጣቶችና ስፖርት ጽ/ቤት በጋራ ትብብር የተዘጋጀ ነው።

ውድድሩም በእግር ኳስ፣ በቮሊቦል እና በአትሌቲክስ ስፖርት አይነቶች  በጅማ ከተማ በደመቀና  ማህበራዊ ትስስርን ባጠናከረ ሁኔታ እየተካሄደ ያለው ውድድር የካቲት 21 /2017 ዓ.ም ፍጻሜውን እንደሚያገኝ የዞኑ ትምህርት ጽ/ቤት ኃላፊ አቶ ምፍታህ አብዱልቃድር ገልጸዋል።

ውድድሩም በ2018 ዓ.ም የሚደረገውን የደቡብ ምዕራብ ቀጣና የትምህርት ቤቶች ስፖርት ሊግ ውድድር ለምታስተናግደው የጅማ ከተማ   ከወዲሁ አስፈላጊውን ልምድ ለመቅሠምና ዝግጅት ለማድረግ ያስችላል ተብሏል።

10,300

0

Ethiopian ministry of education news

May 21, 2026, 10:17 AM

📷 Photo

የትምህርት ሚኒስትሩ ፕሮፌሰር ብርሃኑ ነጋ በኢትዮጵያ ከፊንላንድ አምባሳደር ጋር ተወያዩ፡፡
-----------------------//----------------------
የትምህርት ሚኒስትሩ ፕሮፌሰር ብርሃኑ ነጋ በኢትዮጵያ ከፊንላንድ አምባሳደር ሲኒካ አንቲላ ጋር ተወይተዋል፡፡

በዚሁ ጊዜ ፊንላንድ ትምህርትን ለሁሉም ዜጎች በጥራትና በፍትሃዊነት ተደራሽ ለማድርግ የሄደችበት መንገድ በሞዴልነት የሚወሰድ መሆኑን ሚኒስትሩ ገልጸውላቸዋል፡፡

አክለውም በኢትዮጵያ የትምህርት ጥራትን እና ፍትሃዊነትን ለማረጋገጥ በሪፎርሙ የቅድሚያ ትኩረት ተሰጥቷቸው እየተሰሩ ያሉ ሥራዎችን አብራርተዋል፡፡

በዚህም በትምህርት ዘርፉ የሪፎርም ሥራዎች ድጋፍ የሚያደርጉ መንግስታዊና መንግስታዊ ያልሆኑ የትምህርት አጋር ድርጅቶች ገንዘባቸው በትክክል ለታለመለት ዓላማ መዋሉን በሚያረጋግጥ እና የትምህርት ሚኒስቴርን የሪፎርም እቅዶች ለማሳካት በሚያስችል መልኩ በቅንጅት መስራት እንዳለባቸው አሳስበዋል፡፡

የፊንላንድ አምባሳደር ሲኒካ አንቲላ በበኩላቸው በትምህርቱ ዘርፍ ከኢትዮጵያ ጋር በርካታ ሥራዎችን በትብብር መስራታቸውን አንስተው ይህንን የበለጠ ለማጠናከር እንደሚፈልጉ ገልጸዋል፡፡

በተለይም በመምህራን የአቅም ግንባታ፣ ልዩ ፍላጎትና አካቶ ትምህርት፣በቴክኖሎጂ ፈጠራ እና በሌሎችም የትምህርት ዘርፎች በትብብር ለመስራት ቁርጠኛ መሆናቸውን ተናግረዋል፡፡

ሁለቱ አካላት በነበራቸው ውይይት የሚደረጉ ማናቸውም ድጋፎች በትክክል የህጻናትን የመማር ሁኔታ በሚያመቻቹና ጥራትን በሚያረጋግጡ ጉዳዮች ዙሪያ እንዲሆኑ ተስማምተዋል፡፡

12,100

Ethiopian ministry of education news

May 21, 2026, 10:17 AM

📷 Photo

የትምህርት ሚኒስቴር ሰራተኞችና አመራሮች 129ኛውን የአድዋ ድል በዓል አከበሩ፡፡
-------------------------------------
የካቲት 21/2017 ዓ.ም) «ዓድዋ የጥቁር ሕዝቦች ድል! » በሚል መሪ ቃል ዘንድሮ ለ129ኛ ጊዜ የሚከበረውን የአድዋ ድል በዓል የትምህርት ሚኒስቴር ሰራተኞችና አመራሮች በፓናል ውይይት አክብረዋል፡፡

የትምህርት ሚኒስትሩ ፕሮፌሰር ብርሃኑ ነጋ በመርሃ- ግብሩ ላይ በመገኘት ባስተላለፉት መልዕክት የአድዋ ድል የመላው ጥቁር ህዝቦች ድልና የነጻነት አርማ በመሆኑ የድሉን እሴቶችና ቱሩፋቶች ለይቻላል መንፈሰ ማጎለበቻነት በመጠቀም በያዝናቸው የሥራ ዘርፎች ላይ የሚጠበቅብንን ስኬት ማስመዘግብ እንደሚገባ ተናገግረዋል፡፡

ፕሮፌሰር ብርሃኑ ጨምረውም የአድዋን ድል ከማክበርና ቱሩፋቶቹንም ከመጠቀም በተጨማሪ እኛ መሥራት ያለብንን የቤት ሥራ በወቅቱ በማከናወን የሀገራችን ልማት ማፋጠን ይኖርብናል ብለዋል።

በትምህርት ሚኒስቴር በአጠቃላይ ትምህርት ልማት ዘርፍ የማህበራዊ ሳይንስ ስርዓተ ትምህርት ዴስክ ሃላፊ አቶ ኡመር ኢማም የውይይት መነሻ ያቀረቡ ሲሆን የህዝቦች አብሮ የመኖርና የመልማት እንዲሁም የሀገርን ሉዓላዊነትን የማስከበር ጉዳዮች ላይ ይህ ትውልድ ከቅድመ አያቶቹ ብዙ መማር እንደሚገባው አንስተዋል፡፡

አቶ ኡመር አክለውም የአድዋ ድል ቅድመ አያቶቻችን ብሄራቸው፣ ቋንቋቸው፣ ሀይማኖታቸው፣ባህላቸውና ሌሎች ልዩነቶቻቸው ሳይገድባቸው የሀገርን ሉዓላዊነትና አንድነት ያስከበሩ መሆኑን አብራርተው አሁን ያለው ትውልድ ከዚህ መማር እንደሚገባው ገለጸዋል።

15,800

Ethiopian ministry of education news

May 21, 2026, 10:17 AM

📷 Photo

በወላይታ ሶዶ ዩኒቨርሲቲ የዳውሮ ታርጫ ካምፓስ በተለያዩ የትምህርት መስኮች ያሰለጠናቸውን 242 ተማሪዎች አስመርቋል።

በ2007 ዓ.ም የተቋቋመው ካምፓሱ፤ 10ኛ ዓመት የምስረታ በዓሉን በዛሬው ዕለት አክብሯል።

ወላይታ ሶዶ ዩኒቨርሲቲ ከ2,500 በላይ ተማሪዎችን ትናንት ማስመረቁ ይታወቃል።

7,540

0

Ethiopian ministry of education news

May 21, 2026, 10:17 AM

📷 Photo

ቦንጋ ዩኒቨርሲቲ በተለያዩ የትምህርት መስኮች ያስተማራቸውን 397 ተማሪዎች አስመርቋል።

ተመራቂዎቹ በመደበኛ፣ በማታ፣ በሳምንቱ መጨረሻ እንዲሁም በክረምት መርሐግብር ትምህርታቸውን ተከታትለው ያጠናቀቁ ናቸው።

ዩኒቨርሲቲው በዛሬው ዕለት 5ኛ ዙር የምረቃ ስነ-ስርዓት ያከናወነ ሲሆን፤ የጤና ሳይንስ እና የቡና ትምህርት ክፍል ተማሪዎችን ለመጀመሪያ ጊዜ አስመርቋል።

10,400

0

Ethiopian ministry of education news

May 21, 2026, 10:17 AM

📷 Photo

#ጥቆማ

የካቲት 12 ሆስፒታል ሜዲካል ኮሌጅ በ2017 ዓ.ም በአምስት የትምህርት መስኮች በፖስት ቤዚክ የመጀመሪያ ዲግሪ ፕሮግራም በግል ወይም በመንግሥት ስፖንሰርነት ትምህርታችሁን መከታተል የምትፈልጉ አመልካቾችን ይቀበላል፡፡

የማመልከቻ ጊዜ፦
እስከ የካቲት 20/2017 ዓ.ም

የትምህርት መስኮች፦

✍️ Comprehensive Nursing
✍️ Neonatal Nursing
✍️ Emergency & Critical Care Nursing
✍️ Midwifery
✍️ Medical Laboratory Technology

መስፈርቶች፡-
► ዲፕሎማ ወይም TVET ደረጃ-4 ከታወቀ ተቋም
► የሥራ ልምድ አይጠይቅም
► COC ወስዶ ያለፈ/ያለፈች
► ከሥራ ቦታ የድጋፍ ደብዳቤ ማቅረብ የሚችል/የምትችል
► የመግቢያ ፈተና ማለፍ የሚችል/የምትችል

9,180

0

Ethiopian ministry of education news

May 21, 2026, 10:17 AM

📷 Photo

አምቦ ዩኒቨርሲቲ በተለያዩ የትምህርት መስኮች ያስተማራቸውን 807 ተማሪዎች አስመርቋል።

ከተመራቂዎቹ 2 በሦስተኛ ዲግሪ፣ 192 በሁለተኛ ዲግሪ፣ ሰባት በህክምና ዶክትሬት እንዲሁም 606 በመጀመሪያ ዲግሪ ትምህርታቸውን ተከታትለው ያጠናቀቁ ናቸው።

7,270

0

Ethiopian ministry of education news

May 21, 2026, 10:17 AM

📷 Photo

ቡሌ ሆራ ዩኒቨርሲቲ በህክምና እና በተለያዩ የትምህርት ዘርፎች ያሰለጠናቸውን ተማሪዎች አስመርቋል።

ዩኒቨርሲቲው በመጀመሪያ ዲግሪ 398 እና በሁለተኛ ዲግሪ 236 በድምሩ 634 ተማሪዎች አስመርቋል።

6,960

0

Showing 9 of 9 posts

No more posts