Hlaing Info

Public

View Channel

18.5K

267

2.3M

Can't Join? @infohlaing

53.9k Members

Updated: May 11, 2026 at 8:07 PM

Hlaing Info

We are committed to bringing unbiased and accurate news to the people of Myanmar. We believe in freedom of speech, freedom of expression and freedom of thought. We will always strive to ensure the people’s right to information. www.hlaing.info

@infohlaing is a dedicated channel for committed and accurate with regular updates in Breaking News

Ranking

Global Ranking

#456

Language Ranking

#45

Category Ranking

#23

-1

Participant Growth (Last 10 Days)

Total: 53.9K

24h growth: +0 0%

Latest Posts

Hlaing Info

May 12, 2026, 02:41 AM

📷 Photo

အာဆီယံ ၊ ကုလသမဂ္ဂ နဲ့ နိုင်ငံတကာအသိုင်းအဝိုင်းအနေနဲ့ နိုင်ငံရေးအရ တရားဝင်မှုရရှိရန် ကြိုးပမ်းနေတဲ့ အကြမ်းဖက်စစ်အုပ်စုရဲ့ လုပ်ရပ်တွေကို အသိအမှတ်မပြုရေး အမျိုးသားညီညွတ်ရေးအစိုးရ တောင်းဆို

◾ မြန်မာ့အရေး က တရားမျှတမှု၊ ဒီမိုကရေစီ နဲ့ ပြည်သူတို့ရဲ့ အချုပ်အခြာအာဏာအပေါ် အခြေခံ တဲ့ အားလုံးပါဝင်နိုင်တဲ့ နိုင်ငံရေးအကူးအပြောင်းမှသာ အခြေခံကျကျ ဖြေရှင်းနိုင်မယ်

မေလ ၁၁ ရက်

အာဆီယံ ၊ ကုလသမဂ္ဂ နဲ့ နိုင်ငံတကာအသိုင်းအဝိုင်းအနေနဲ့ နိုင်ငံရေးအရ တရားဝင်မှုရရှိရန် ကြိုးပမ်းနေတဲ့ အကြမ်းဖက်စစ်အုပ်စုရဲ့ လုပ်ရပ်တွေကို အသိအမှတ်မပြုရေး အတွက် အမျိုးသားညီညွတ်ရေးအစိုးရ က တောင်းဆိုလိုက်ပါတယ်။
အာဆီယံ နဲ့ ရွေးကောက်ပွဲဆိုင်ရာ တရားဝင်မှုအပေါ် အကြမ်းဖက်စစ်အုပ်စု ရဲ့ ပြောဆိုချက်များနဲ့ ပတ်သက်တဲ့ သဘောထားထုတ်ပြန်ချက်ကို ဒီနေ့ညမှာ ထုတ်ပြန်ခဲ့ရာ အခုလိုထည့်သွင်းဖော်ပြလိုက် တာပါ။
“အာဆီယံ၊ ကုလသမဂ္ဂ နဲ့ နိုင်ငံတကာအသိုင်းအဝိုင်းအနေဖြင့် အနာဂတ်ဖက်ဒရယ် ဒီမိုကရေစီ အသွင်ကူးပြောင်းရေးအတွက် မြန်မာပြည်သူလူထုရဲ့ မျှော်မှန်းချက်များကို ဆက်လက်ပြီး အခိုင် အမာ ထောက်ခံပေးကြပါရန် နဲ့ မည်သည့်တာဝန်ယူမှု၊ တာဝန်ခံမှုမျှမရှိဘဲ နိုင်ငံရေးအရ တရားဝင်မှု ရရှိရန် ကြိုးပမ်းနေသော စစ်အုပ်စုရဲ့ လုပ်ရပ်များကို အသိအမှတ်မပြုရန် တိုက်တွန်းတောင်း ဆိုအပ်ပါတယ်” လို့ ထုတ်ပြန်ချက်မှာ ဖော်ပြထားပါတယ်။
ဒါအပြင် မြန်မာနိုင်ငံရှိ နိုင်ငံရေးပြဿနာကို လုပ်ကြံဖန်တီးထားတဲ့ အကြောင်းအရာများ သို့မဟုတ် အတင်းအကျပ် ကျင်းပတဲ့ အတုအယောင် ရွေးကောက်ပွဲများမှတစ်ဆင့် ဖြေရှင်းနိုင်မှာ မဟုတ်ဘဲ၊ တရားမျှတမှု၊ ဒီမိုကရေစီ နဲ့ ပြည်သူတို့ရဲ့ အချုပ်အခြာအာဏာအပေါ် အခြေခံတဲ့ အားလုံးပါဝင်နိုင် တဲ့ နိုင်ငံရေးအကူးအပြောင်းမှသာ အခြေခံကျကျ ဖြေရှင်းနိုင်မှာ ဖြစ်တယ်လို့လည်း ဖော်ပြထား ပါတယ်။
အကြမ်းဖက်စစ်အုပ်စုက ရွေးကောက်ပွဲရလဒ်တွေကို “လျစ်လျူရှုထားတယ်” လို့စွပ်စွဲပြီး ဒေသတွင်း ထိတွေ့ဆက်ဆံမှုတွေကနေ ဖယ်ကြဉ်ထားတဲ့အပေါ် အာဆီယံ နဲ့ နိုင်ငံတကာအသိုင်းအဝိုင်းကို ဝေဖန် ထားတဲ့ ထုတ်ပြန်ချက်တွေကိုလည်း အမျိုးသားညီညွတ်ရေးအစိုးရအနေနဲ့ ပြင်းပြင်းထန်ထန် ကန့်ကွက်ရှုတ်ချတယ်လို့ ဖော်ပြထားပါတယ်။
“ဤပြောကြားချက်များသည် များစွာ ရှေ့နောက်မညီဘဲ နိုင်ငံရေးအရ ရိုးသားမှုမရှိသည့် လုပ်ရပ်များသာ ဖြစ်ပါသည်။” လို့ ထုတ်ပြန်ချက်မှာ ဖော်ပြထားပါတယ်။
ရွေးကောက်ပွဲ ရလဒ်တွေကို လေးစားဖို့အတွက် တောင်းဆိုနေတဲ့ အကြမ်းဖက် စစ်ခေါင်းဆောင်တွေ က ၂၀၂၀ ပြည့်နှစ် အထွေထွေ ရွေးကောက်ပွဲမှ သောင်ပြိုကမ်းပြို အနိုင်ရခဲ့တဲ့ ရွေးကောက်ပွဲရလဒ် တွေကို တရားမဝင် စစ်အာဏာသိမ်းရန် ကြိုးပမ်းမှုနဲ့ ပယ်ဖျက်ခဲ့တဲ့ အဖွဲ့အစည်း ဖြစ်တယ်လို့ ထောက်ပြထားပါတယ်။
ဒါအပြင် ရွေးကောက်ခံ ခေါင်းဆောင်တွေကို ဆက်လက်ဖမ်းဆီး ချုပ်နှောင်ထားတာ ၊ နိုင်ငံရေး ပါတီတွေကို ဖိနှိပ်တာ ၊ သတင်းမီဒီယာတွေကို နှုတ်ပိတ်တာ နဲ့ နိုင်ငံတစ်ဝှမ်းရှိ အရပ်သားပြည်သူ တွေ အပေါ် ရည်ရွယ်ချက်ရှိရှိ အကြမ်းဖက် တိုက်ခိုက်မှုတွေ ကျူးလွန်နေသမျှကာလပတ်လုံး အကြမ်းဖက်စစ်အုပ်စုအနေဖြင့် ဒီမိုကရေစီကို ကာကွယ်စောင့်ရှောက်နေပါတယ်လို့ ပြောဆိုချက် တွေက လုံးဝယုံကြည်လက်ခံနိုင်ဖွယ်မရှိဘူးလို့လည်း ထောက်ပြထားပါတယ်။
အခုလက်ရှိ အာဆီယံက အကြမ်းဖက်စစ်အုပ်စုအပေါ် ထားရှိတဲ့ ရပ်တည်ချက်ဟာ အကြောင်းမဲ့ မဟုတ်ဘူးလို့ ဆိုပါတယ်။ အကြမ်းဖက်စစ်အုပ်စုဟာ အာဆီယံဘုံသဘောတူညီချက် ၅ ရပ်ကို အကောင်အထည်ဖော်ဖို့ လုံးဝပျက်ကွက်ခဲ့သလို၊ အားလုံးပါဝင်နိုင်တဲ့ နိုင်ငံရေးဆွေးနွေးပွဲ တွေကိုလည်း ငြင်းဆန်ခဲ့ပါတယ်။ ဒါ့အပြင် မြန်မာပြည်သူတွေအပေါ် အကြမ်းဖက်တိုက်ခိုက်မှုတွေ ဆက်တိုက်လုပ်နေတာကြောင့်သာ အာဆီယံရဲ့ အခုလို တုံ့ပြန်မှုတွေ ဖြစ်လာရတာလို့ ထောက်ပြထားပါတယ်။
မြန်မာပြည်သူလူထုဟာ သူတို့ရဲ့ နိုင်ငံရေးဆန္ဒကို ဒီမိုကရေစီနည်းကျ ရွေးကောက်ပွဲတွေကနေတဆင့် အတိအလင်း ဖော်ပြပြီးသား ဖြစ်တယ်လို့ ဆိုပါတယ်။ နိုင်ငံရေးအရ တရားဝင်မှုဆိုတာဟာ အကြမ်းဖက်စစ်အုပ်စု လုပ်နေသလို အင်အားသုံးတာ၊ ဝါဒဖြန့်တာ ဒါမှမဟုတ် တင်းကျပ်စွာ ထိန်းချုပ်ပြီးလုပ်တဲ့ လွတ်လပ်ပြီး တရားမျှတမှုမရှိတဲ့ အတုအယောင် ရွေးကောက်ပွဲတွေကနေ ဘယ်လိုမှ ရလာမှာမဟုတ်ဘူးလို့ ပြတ်ပြတ်သားသား ပြောထားပါတယ်။
ပြည်သူလူထုနဲ့ နိုင်ငံတကာက လက်ခံနိုင်တဲ့ ရွေးကောက်ပွဲ ဖြစ်ဖို့ဆိုရင် လွတ်လပ်စွာ ထုတ်ဖော် ပြောဆိုခွင့်၊ နိုင်ငံရေးမှာ ပါဝင်ခွင့်နဲ့ မဲဆန္ဒရှင်တွေအတွက် လုံခြုံမှု ၊ လွတ်လပ်တဲ့ အဖွဲ့အစည်းတွေ နဲ့ ပြည်သူလူထုရဲ့ ယုံကြည်ကိုးစားမှုတို့ မရှိမဖြစ် လိုအပ်ပါတယ်။ ဒါပေမဲ့ အခု အကြမ်းဖက်စစ်အုပ်စုရဲ့ စီမံအုပ်ချုပ်မှုအောက်မှာတော့ ဒီအချက်တွေထဲက ဘာတစ်ခုမှ မရှိနေဘူးလို့ ဆိုပါတယ်။
ဒီမိုကရေစီအင်အားစုတွေ ၊ တိုင်းရင်းသားလက်နက်ကိုင် တော်လှန်ရေးအဖွဲ့တွေ နဲ့ ပြည်သူလူထုတစ်ရပ်လုံးကို ဖယ်ကြဉ်ထားတဲ့ ဘယ်လိုနိုင်ငံရေးလုပ်ငန်းစဉ်မျိုးမဆို စစ်မှန်တဲ့ ငြိမ်းချမ်းရေးနဲ့ တရားဝင်မှုကို ဖော်ဆောင်ပေးနိုင်မှာ မဟုတ်ဘူးလို့လည်း အမျိုးသားညီညွတ်ရေး အစိုးရ ရဲ့ ထုတ်ပြန်ချက်မှာ ဖော်ပြထားပါတယ်။

#PVTV
#HlaingInfo

1,470

Hlaing Info

May 12, 2026, 02:41 AM

📷 Photo

နေပြည်တော်တွင် ရွေးတုအစိုးရ အရာရှိများပါဝင်သည့် လောင်းကစားရုံများ ဖွင့်လှစ်ထား

မေလ ၁၁ ရက်

နေပြည်တော်၊ ဥတ္တရသီရိမြို့နယ်၊ ဝဏ္ဏသိဒ္ဓိဘောလုံးကွင်းနှင့် စွာလမ်းဆုံမီးပွိုင့်အနီးရှိ အမှတ်၅ နယ်မြေရဲစခန်းနယ်မြေအတွင်း လေးကောင်ဂျင် လောင်းကစားရုံအား စစ်ကော်မရှင်တပ် အရာရှိအချို့နှင့် ပူးပေါင်းကာ အကြီးအကျယ် ဖွင့်လှစ်ထားကြောင်း ဒေသခံများထံမှ သိရသည်။

အဆိုပါ လောင်းကစားရုံကို နေ့ ၁၂ နာရီဝန်းကျင်မှ နံနက် ၄ နာရီအထိ ဖွင့်လှစ်ထားပြီး လောင်းကစားရုံအတွင်း၌ အရက်ဆိုင်၊ စားသောက်ဆိုင်နှင့် ထမင်းဆိုင်များပါ ထည့်သွင်းထားကြောင်း သိရသည်။

ယခင်က ပျဉ်းမနား၊ လယ်ဝေး၊ ပုဗ္ဗသီရိနှင့် ဒက္ခိဏသီရိ မြို့နယ်များအတွင်း တိုင်ကြားမှုများ ရှိခဲ့ပြီး အရေးယူမှုများပြုလုပ်ခဲ့သော်လည်း ယခုလက်ရှိ လောင်းကစား နေရာကို ရွေးတုအစိုးရက အရေးယူမှုမရှိကြောင်း ‌ဒေသခံများကပြောဆိုသည်။

"ဒီဝိုင်းတွေက တော်တော်လေးကို ဗြောင်ကျကျ လုပ်နေတာပါ။ သက်ဆိုင်ရာ အမှတ် (၅) နယ်မြေရဲစခန်းကော၊ နယ်မြေခံ စရဖ မိုးတိမ်နဲ့ ထွေအုပ်ဘက်က တာဝန်ရှိသူအချို့ပါ ပတ်သက်နေတယ်လို့ သတင်းထွက်နေတယ်" ဟု ရဲအရာရှိတစ်ဦးက ဧရာဝတီတိုင်းမ်ကို ပြောသည်။

နေပြည်တော် အမှတ် (၅) နယ်မြေရဲစခန်း၊ ဥတ္တရသီရိအပိုင် စရဖ (မိုးတိမ်)၊ စစ်ကော်မရှင်တပ်အရာရှိများနှင့် ငန်းစပ်ကျေးရွာနေ ထွေအုပ်ဝန်ထမ်း ကိုမျိုးချစ်တို့သည် အဆိုပါ လောင်းကစားဝိုင်းများထံမှ အပတ်စဉ် လိုင်းကြေးများရယူကာ အကာအကွယ်ပေးထားကြသည်ဟု မြို့ခံများကပြောသည်။

လောင်းကစားရုံကို ဥတ္တရသီရိ၊ ရွှေနံ့သာရပ်ကွက်နေ ဦးရန်နောင် (ခ) ဦးဖိုးကုလား၊ ဦးမင်းဇော် (ခ) ဦးသန်းဇော်၊ ငန်းစပ်ကျေးရွာနေ ဦးကိုမျိုးနှင့် ဝဏ္ဏသိဒ္ဓိရပ်ကွက်နေ ဦးကျော်ဇေယျ (ခ) ကျော်ကြီးတို့က ဦးဆောင်ဖွင့်လှစ်ထားခြင်းဖြစ်ကြောင်း သိရသည်။

ထို့ပြင် နယ်ဝေးများမှ လေးကောင်ဂျင်ဒိုင်ကြီးများဖြစ်ကြသည့် ဦးကြည်လွင်၊ ဦးကျော်သူ၊ ဦးမောင်ဇော်၊ ဦးအောင်ကို၊ ဦးရွှေဓါးနှင့် ဦးသိန်းသန်းမင်း တို့ကိုခေါ်ယူကာ ငွေကျပ် သိန်းရာထောင်ချီသည့် ဝိုင်းကြီးများအဖြစ် ကျင်းပနေခြင်းဖြစ်သည်။

အဆိုပါ လောင်းကစားရုံ တည်နေရာအား မြေပုံအညွှန်းများနှင့်တကွ နေပြည်တော်တိုင်းစစ်ဌာနချုပ်နှင့် သက်ဆိုင်ရာ ခရိုင်ရဲတပ်ဖွဲ့ရုံးများအထိ ဒေသခံများက ထပ်မံတိုင်ကြားထားကြောင်း သိရသည်။

#AYAT
#HlaingInfo

Hlaing Info

May 12, 2026, 02:41 AM

📷 Photo

မန္တလေးတွင် လူငယ်တစ်ဦး အများသုံးအိမ်သာသွားရင်း ပျောက်ဆုံနေ

▪️၃လကြာတဲ့အထိ အဆက်သွယ်မရသေး

မေလ ၁၁ ရက်

ပြီးခဲ့တဲ့ မတ်လ ၉ရက်နေ့က မန္တလေးမြို့တွင် အသက် ၂၂ နှစ်အရွယ်ရှိ သံပန်းလုပ်သား လူငယ်တစ်ဦးဟာ အများသုံးအိမ်သာသွားရင်း ပျောက်ဆုံးသွားခဲ့ရာ ဒီနေ့ထက်တိုင် သတင်းအစအန မရရှိသေးတာကြောင့် မိသားစုဝင်များက အထူးစိုးရိမ်ပူပန်နေကြကြောင်း သိရပါတယ်။

၂၀၂၆ ခုနှစ်၊ မတ်လ ၉ ရက်နေ့က မန္တလေးမြို့ ကျုံးအရှေ့ဘက် ၁၄ လမ်းနဲ့ ၆၆လမ်းနားက အိမ်သာနားမှာအဆိုပါလူငယ် ပျောက်ဆုံးသွားခဲ့တာ ဖြစ်ပါတယ်။

ပျောက်ဆုံးခဲ့တဲ့နေ့ကဖြစ်စဉ်နဲ့ပတ်သတ်ပြီး မိသားစုနဲ့ နီးစပ်သူတစ်ဦးက ခုလို ပြောပြပါတယ်။

နေမကောင်းဘူးဝမ်းလျောနေလို့ဆို့ပြီး သူနဲ့အတူပါသွားကြတဲ့ သူ‌တွေကို အိမ်သာရှိတဲနေရာမှာ သူကချခိုင်းလို့ ချပေးထားခဲ့ကြတယ်တဲ့၊ ၁၄လမ်းနဲ့ ၆၆လမ်းနားက အိမ်သာနား ချပေးခဲ့ကြတာလို့ပြာပါတယ်။ သူက အိမ်သာစောင့်ကောင်မလေးကို အိမ်ဖုန်းဆက်ခိုင်းပြီး သူနေမကောင်းလို့ အဲနားမှာ လာခေါ်ဆိုပြီး ပြောတယ်။ အဲ့‌နေ့က မှတ်မှတ်ရရ ကားတွေကို စုံမ‌တွေ စစစ်လို့ သူအကိုက နောက်မှသွားခေါ်တော့ မတွေ့တော့ဘူး"

၎င်းကို ပေါ်တာ (အတင်းအဓမ္မ လုပ်အားပေး) အဖြစ် ဖမ်းဆီးခေါ်ဆောင်သွားခြင်း ရှိ၊ မရှိကို‌တော့ တိကျစွာ မသိရှိရဘဲ သုံးလ ကြာမြင့်တဲ့အထိ ပြန်လည်‌တွေ့ရတာ မရှိသေးပါဘူး။

ပျောက်ဆုံးနေသူမှာ အသက် ၂၂ နှစ်အရွယ် လူပျိုလုလွတ် တစ်ဦးဖြစ်ပြီး သံပန်းလုပ်ငန်းခွင်မှာ လုပ်ကိုင်ကာ မိဘများကို ရှာဖွေကျွေးမွေးနေတဲ့ တစ်ဦးတည်းသော အားကိုးရာ ဖြစ်ပါတယ်။

ဒါ့အပြင် ကျောင်းတက်နေတဲ့ မောင်နှမအငယ် ၃ ဦးရဲ့ ပညာရေးစရိတ်ကိုလည်း ၎င်းရဲ့ လုပ်စာနဲ့သာ ထောက်ပံ့ပေးနေရသူ ဖြစ်ပါတယ်။

"သူက မိဘကို ရှာကျွေးနေတဲ့သူပါ။ မောင်နှမ အငယ် ၃ ယောက်ကိုလည်း ကျောင်းထားပေးနေတာ။ အခု သူပျောက်သွားတော့ ရင်ထဲမှာ အရမ်းပူလောင်ရပါတယ်" လို့ မိသားစုဝင်တစ်ဦးက ဝမ်းနည်းစွာ ပြောကြားခဲ့ပါတယ်။

ပျောက်ဆုံးနေသူဟာ ခန္ဓာကိုယ် ပိန်ပါးသူတစ်ဦးဖြစ်ပြီး ကျန်းမာရေးလည်း သိပ်မကောင်းသူ ဖြစ်တာကြောင့် ကြမ်းတမ်းတဲ့ အလုပ်များ ဒါမှမဟုတ် ထိန်းသိမ်းခံထားရခြင်းများကို ကြံ့ကြံ့ခံနိုင်ပါ့မလားလို့ မိသားစုဝင်များက ပိုမိုစိုးရိမ်နေကြပါတယ်။

ပျောက်ဆုံးနေသည့် လူငယ်နဲ့ ပတ်သက်လို့ သတင်းအစအန ရရှိလိုတာကြောင့် လူမှုကွန်ရက်ပေါ်မှာ ဓာတ်ပုံနဲ့တကွ ရှာဖွေမှုများ ပြုလုပ်နေပြီး၊ တတ်နိုင်သမျှ ဝိုင်းဝန်းကူညီပေးကြဖို့လည်း မိသားစုက မေတ္တာရပ်ခံထားပါတယ်။

#aamij
#HlaingInfo

Hlaing Info

May 12, 2026, 02:41 AM

📷 Photo

မန္တလေး လူမှုကူညီရေး လူငယ် ၁၉ ဦးကို စစ်တပ် ပေါ်တာဆွဲဟုဆို

မေလ ၁၁ ရက်

မန္တလေးမြို့ ၊ မဟာအောင်မြေမြို့နယ်တွင် လူမှုကူညီရေးအသင်းမှ လူငယ် ၁၉ ဦးကို စစ်တပ်က ပေါ်တာဆွဲဖမ်းဆီးသွားကြောင်း သိရသည်။

မန္တလေးမြို့၊ မဟာအောင်မြေမြို့နယ်၊ ၈၆ လမ်းနှင့် ၈၇ လမ်းကြား ၊ လမ်း ၄၀ နှင့် ၄၁ လမ်းကြားရှိ တောင်ခွင်မင်းကြီးတိုက် ၊ ရှမ်းပွဲဇေတဝန်ကျောင်းအနီး ဖွင့်လှစ်ထားသော ဖေးကူလက်များ လူမှုကူညီရေးအသင်း၌ ရှိနေသည့် လူငယ် ၁၉ ဦးကို စစ်သား ၁၀ယောက်က မေလ ၈ ရက်၊ ည ၁၁ နာရီခွဲခန့်တွင် ဝင်ရောက် ပေါ်တာဆွဲသွားကြောင်း Voice Of Mandalayက သတင်းထုတ်ပြန်သည်။

" ၁၀ ယောက် ကား ၂ စီးနဲ့ လာဖမ်းတာပါ"ဟု Voice Of Mandalay မှ တာဝန်ရှိသူတစ်ဦးကယနေ့(မေ၁၁ရက်)တွင် MPA သို့ပြောသည်။

ယင်းလူငယ်များကို မည်သည့်နေရာသို့ ပို့ဆောင်လိုက်သလဲ မသိရသေးကြောင်း သိရသည်။

မန္တလေးမြို့ခံ လူမှုကူညီရေးသမားတစ်ဦးက “လူငယ်တွေကို ကောက်သင်းကောက်လိုက်ဖမ်းရတာ ထက်စာရင် အခုလို လူငယ်တွေစုနေချိန်မှာ ဖမ်းတာကျ စစ်တပ်အတွက် ပိုအဆင်ပြေတယ်။သတင်း ပေးတဲ့သူရှိလို့ လာဖမ်းတာလို့ ကြားရတယ်”ဟု ပြောသည်။

မေလ ၁၀ ရက်၊ မွန်းလွဲ တစ်နာရီခွဲခန့်တွင်လည်း မဟာအောင်မြေမြို့နယ်အတွင်း Mark 2 ကားတစ် စီးဖြင့် လာသည့် စစ်သားများက ဝပ်ရှော့ဆိုင်ထဲရှိ အသက် ၃၂ နှစ်အရွယ် အမျိုးသားတစ်ဦးကို ပေါ်တာဆွဲဖမ်းဆီးခဲ့သေးကြောင်း သိရသည်။

မန္တလေးမြို့အတွင်း၌ သူခိုး ၊ ဆေးသမားနှင့် လူမိုက်များကို စစ်တပ်က ငွေနဲ့ဆွဲဆောင်ကာ ပျူစော ထီးအဖြစ် သွတ်သွင်းနေကြောင်း ၊ တစ်ပတ်အတွင်း စစ်မှုထမ်း အင်အား ၄၀၀ မှ ၆၀၀ အတွင်းရရှိ စေရန် မြို့တွင်းရှိ လူငယ်များကို ပေါ်တာဆွဲခိုင်းနေပြီး လူငယ်တစ်ဦး ဖမ်းမိလျှင် ပျမ်းမျှ ငွေ ၂ သိန်းပေးမည်ဖြစ်ကြောင်း သိရသည်။

ယင်းပျူစောထီးများသည် စစ်တပ်အကြိုက်လိုက်ကာ နေအိမ်များထဲထိ ဝင်ရောက်ပေါ်တာဆွဲခြင်း နှင့် လမ်းသွားလမ်းလာပြည်သူများကို ထိုးကြိတ်ဖမ်းဆီးမှုများ ပြုလုပ်နေသောကြောင့် ပြည်သူများအနေဖြင့် မလိုအပ်ဘဲ အပြင်မထွက်ရန်နှင့် ဂရုစိုက်နေထိုင်ကြရန် Voice Of Mandalay က အသိပေးထားသည်။

ဓာတ်ပုံ - Voice Of Mandalay- မန္တလေးနန်းတွင်းမှ စစ်ကိုင်းသို့ စစ်ကားများ ထွက်လာပုံ။(ပုံဟောင်း)
#MPA
#HlaingInfo

Hlaing Info

May 12, 2026, 02:41 AM

📷 Photo

ဖလမ်းနှင့် ဟားခါးမြို့နယ် အစပ်တွင် စစ်တပ် စစ်ကြောင်းထိုးနေ၍ တိုက်ပွဲဖြစ်ပွားနေ၊

▪️စစ်တပ်က ကျေးရွာများကိုလည်း ဒရုန်းဖြင့် လိုက်လံ ဗုံးကျဲနေ

မေလ ၁၁ ရက်

ချင်းပြည်နယ်၊ ဖလမ်းမြို့နယ်နှင့် ဟားခါးမြို့နယ် အစပ်တွင် အကြမ်းဖက် စစ်တပ် စစ်ကြောင်းထိုးနေ၍ တိုက်ပွဲဖြစ်ပွားနေပြီး စစ်တပ်က ကျေးရွာများကိုလည်း ဒရုန်းဖြင့် လိုက်လံ ဗုံးကျဲနေကြောင်း ချင်းတော်လှန်ရေး ဒေသသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ မေလ ၁၁ ရက်နေ့တွင် ဖလမ်းနှင့် ဟားခါးမြို့နယ် အစပ်ရှိ ဒုတ်ထက် (Dokthek) ရွာ အနီးတွင် အကြမ်းဖက် စစ်တပ်နှင့် ချင်းတော်လှန်ရေး တပ်ဖွဲ့များ တိုက်ပွဲဖြစ်ပွားခဲ့ကြောင်း၊ ထိုစစ်ကြောင်းသည် ယမန်နေ့က ရမ်သလို (Ramthlo) ရွာကို ရောက်ရှိခဲ့ပြီး ယနေ့တွင် ဒုတ်ထက်ရွာကို ရောက်ရှိလာခြင်းဖြစ်ကြောင်း သိရသည်။

ထို့ပြင် စစ်တပ် စစ်ကြောင်းသည် ဒုတ်ထက် (Dokthek) ရွာကိုလည်း ဒရုန်းများဖြင့် ဗုံးကျဲ တိုက်ခိုက်ခဲ့သောကြောင့် နေအိမ်များ ပျက်စီးမှုရှိပြီး ပြည်သူများ ထိခိုက်မှုရှိ၊မရှိကို အတည်ပြုနိုင်ခြင်းမရှိသေးကြောင်း သိရှိရသည်။

"စစ်ခွေး စစ်ကြောင်းနဲ့ ချင်းတော်လှန်ရေးတပ်တွေ ဒုတ်ထက် (Dokthek) ရွာ အနီးမှာ တိုက်ပွဲဖြစ်တယ်။ အဲစစ်ခွေးစစ်ကြောင်းကိုလည်း ချင်းတော်လှန်ရေးတပ်တွေက လိုက်လံ တိုက်ခိုက်နေတယ်။ ဖလမ်းနဲ့ ဟားခါးမြို့နယ် အစပ်မှာ တိုက်ပွဲတွေဖြစ်နေတယ်။ အသေးစိတ် အခြေအနေတော့ မသိသေးဘူး။ စစ်ခွေးစစ်ကြောင်းက ဟားခါးဘက်ကို ထိုးနေတာ" ဟု ချင်းတော်လှန်ရေး ဒေသသတင်းရင်းမြစ်က ပြောဆိုသည်။

ထို့ပြင် မေလ ၆ ရက်နေ့တွင် ကလေးမြို့မှ ဖလမ်းမြို့သို့ Non-CDM ဝန်ထမ်းများ ပို့ဆောင်ရန် တက်လာသည့် စစ်ယာဉ်တန်းကို Hiang Zing ကျေးရွာနှင့် ထေးဇန်ကျေးရွာအကြားတွင် CDF CDM-Siyin အဖွဲ့က ခြုံခိုတိုက်ခိုက်ခဲ့ရာ စစ်ကောင်စီ၏ တပ်မ ၇၇ မှ ဗိုလ်ကြီးအဆင့်ရှိသူ ၁ ဦး ၊ ဒုဗိုလ် (တစ်ပွင့်ဗိုလ်) အဆင့်ရှိသူ ၁ ဦးနှင့် ရဲဘော် ၃ ဦး စုစုပေါင်း ၅ ဦး ပွဲ ချင်းပြီး သေဆုံးခဲ့ပြီး လက်နက်အ ရှည် ၃ လက်နှင့် ပစ္စတို လက် ၁ လက် စုစုပေါင်း ၄ လက်ကို သိမ်းဆည်းရရှိခဲ့ကြောင်း၊ မေလ ၅ ရက်နေ့ကလည်း ကလေးမြို့ဘက်မှ စစ်ကူပေးရန် တက်လာသော စစ်ကောင်စီ တပ်ဖွဲ့ဝင်များကို ဟီယန်ဇီယန် (Hiangziang) ကျေးရွာရှိ ကော်ဖီခြံအနီးတွင် CDF CDM-Siyin တပ်ဖွဲ့က မိုင်းဆွဲတိုက်ခိုက်ခဲ့ရာ စစ်သား ၁၃ ဦး နေရာမှာပင်ပွဲချင်းပြီး သေဆုံးကာ လက်နက် ၃ လက် လည်း သိမ်းဆည်းရရှိခဲ့ကြောင်း သိရသည်။

ဓာတ်ပုံ - မေလ ၁ ရက်နေ့က ဖလမ်း-ဟားခါးလမ်းပိုင်းရှိ တလန်ရောန်ကျေးရွာဟောင်းကို အကြမ်းဖက် စစ်တပ် စစ်ကြောင်းက မီးရှို့ဖျက်ဆီးနေစဉ်။
#KTM
#HlaingInfo

Hlaing Info

May 12, 2026, 02:41 AM

📷 Photo

မန္တလေးက ထွက်သွားတဲ့ ကားအစီးရေ ၄၀၀ပါ စစ်တပ်ယာဉ်တန်းထဲက ကားတချို့ ကသာမြို့တွင်း ဝင်ရောက်

မေလ ၁၁ ရက်

အာဏာသိမ်းစစ်တပ်ရဲ့ Non-CDMဝန်ထမ်းတွေ လိုက်ပါလာတဲ့ စစ်ကားအစီး ၄၀၀ ကျော် ယာဉ်တန်းထဲက ကားတချို့ ဒီနေ့ နေ့လယ်ပိုင်းမှာ ကသာမြို့ထဲကို ဝင်ရောက်လာတယ်လို့ ဒေသခံ တော်လှန်ရေးသတင်းအရင်းမြစ်တွေက ပြောပါတယ်။

မေလ ၉ရက်က မန္တလေးမြို့ကနေ စစ်တပ်ရဲ့ Non-CDM ဝန်ထမ်းတွေ အပါအဝင် စစ်သား၊ လက်နက်ခဲယမ်းပါကားတွေဟာ ပြည်သူပိုင်ကားတွေကိုပါ ချောဆွဲပြီး စစ်ကားအစီးရေ ၄၀၀ကျော်ပါတဲ့ စစ်တပ်ယာဉ်တန်းနဲ့ မန္တလေး-မတ္တရာ-သပိတ်ကျင်းလမ်းအတိုင်း ထွက်ခွာခဲ့တာလို့ သိရပါတယ်။

အဲဒီနောက် မနေ့က အဲဒီယာဉ်တန်း ထီးချိုင့်မြို့ကို ရောက်လာပြီး ဒီနေ့ အဲဒီအထဲက ကားတချို့ ကသာမြို့ကို ဆက်ထွက်ခဲ့တာလို့ ဒေသခံ တော်လှန်ရေးတပ်ဖွဲ့ဝင်တစ်ဦးက ပြောပါတယ်။

"သေချာတယ်။ အကုန်တော့မဟုက်သေးဘူး။ တချို့တဝက် ကသာမြို့ထဲရောက်လာတယ်။ ဒီနေ့ နေ့လယ်ခင်း ခန့်မှန်း၂နာ ရီလောက်ကဖြစ်မယ်"လို့ တော်လှန်ရေးသတင်းရင်းမြစ်က ပြောပါတယ်။

အဲဒီစစ်ကားယာဉ်တန်းဟာ သပိတ်ကျင်းမြို့နယ်၊ ချောင်းကြီး ကျေးရွာကိုလည်း စစ်အင်အား ၁၀၀ ခန့်ချသွားတယ်လို့ သိရပါတယ်။

စစ်တပ်က ပြန်လည်ထိန်းချုပ်ခဲ့တဲ့ ထီးချိုင့်၊ ကသာ၊ အင်းတော်မြို့တို့ကို အုပ်ချုပ်ရေး ယန္တရားပြန်လည်ပတ်ဖို့ ကြိုးစားနေပြီး ဒီယာဉ်တန်းမှာလည်း ဘဏ်၊ စစ်တပ်အစိုးရအဖွဲ့ရုံးဝန်ထမ်းတွေနဲ့ ပညာရေး ဝန်ထမ်းတွေပါတယ်လို့ သိရပါတယ်။

(မန္တလေး-မတ္တရာလမ်းဘက်က စစ်တပ်ယာဉ်တန်းပုံ။ ဓာတ်ပုံ - CJ)
#LNO
#HlaingInfo

Hlaing Info

May 12, 2026, 02:41 AM

📷 Photo

မြေလတ်အသံ အပါအဝင် သတင်းဌာန ၃ ခုကို လိုင်စင်ပိတ်သိမ်းကြောင်း စစ်ကောင်စီ ကြေညာ

မေလ ၁၁ ရက်

အကြမ်းဖက် စစ်ကောင်စီ၏ ပြန်ကြားရေးဝန်ကြီးဌာနသည် လွတ်လပ်သော သတင်းမီဒီယာ ၃ ခုကို သတင်းလုပ်ငန်းလိုင်စင် ပိတ်သိမ်းကြောင်း ယနေ့တွင် ထုတ်ပြန်ကြေညာထားသည်။

ပိတ်သိမ်းခံရသော သတင်းဌာန ၃ ခုမှာ မြေလတ်အသံ (Myaelatt Athan)၊ Red News Agency နှင့် Asia Citizens (အာရှနိုင်ငံသားများ) သတင်းဌာနတို့ဖြစ်သည်။

မြေလတ်အသံ ကို ဦးရဲသွင်ဟိန်း ဦးစီးကြောင်း၊ Red News Agency ကို ဦးဝင်းဇော်နိုင် ဦးစီးကြောင်းနှင့် Asia Citizens ကို ဦးဇင်မင်းထက် ဦးစီးကြောင်း စသဖြင့် အမည်နာမများကိုလည်း အကြမ်းဖက် စစ်ကောင်စီက ဖော်ပြထားသည်။

ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေ ပုဒ်မ ၆၊ ပုဒ်မခွဲ(ခ)အရ ပြန်ကြားရေးဝန်ကြီးဌာနသည် ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေ ပုဒ်မ ၈ ပါ စည်းကမ်းချက်တစ်ရပ်ရပ်နှင့် ငြိစွန်းသော ထုတ်ဝေစာကို လုပ်ငန်းပြန်လည်ရုပ်သိမ်းခြင်း သို့မဟုတ် ကာလ အကန့်အသတ်ဖြင့် ရပ်ဆိုင်းခြင်း ပြုနိုင်ကြောင်း ဆိုသည်။

အဆိုပါ သတင်းဌာန ၃ ခုမှာ ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေ ပုဒ်မ ၈၊ ပုဒ်မခွဲ (ခ)ပါ စည်းကမ်းချက်ကို လိုက်နာခြင်းမရှိဘဲ နိုင်ငံတော်လုံခြုံရေး၊ တရားဥပဒေစိုးမိုးရေး၊ အများပြည်သူအေးချမ်းသာယာရေးတို့ကို ထိခိုက်စေသည့် အကြောင်းအရာများကို ရေးသားလွှင့်တင်ဖော်ပြခဲ့သည့်အတွက် ၎င်းတို့အား ထုတ်ပေးထားသည့် သတင်းအေဂျင်စီလုပ်ငန်းများကို ၂၀၂၆ ခုနှစ်၊ ဧပြီလ ၂၃ ရက်နေ့မှစ၍ ပိတ်သိမ်းလိုက်သည်ဟု အကြမ်းဖက် စစ်ကောင်စီက ဆိုသည်။

ယင်းသတင်းဌာနများအနေဖြင့်လည်း မီဒီယာအမျိုးအစားတစ်ခုခုကို အသုံးပြု၍ ဖြစ်စေ၊ နည်းပညာ တစ်ရပ်ရပ်ကို အသုံးပြု၍ဖြစ်စေ ရေးသားထုတ်လွှင့်ဖော်ပြခြင်းမပြုရဟု အကြမ်းဖက် စစ်ကောင်စီ ပြန်ကြားရေးဝန်ကြီးဌာနက ထုတ်ပြန် အသိပေးထားသည်။

အကြမ်းဖက် စစ်ကောင်စီသည် ပြီးခဲ့သည့် ဧပြီလ ၂၄ ရက်နေ့ကလည်း Chin World သတင်းဌာန၊ Khonumthung သတင်းဌာနနှင့် မျက်မှောက်ခေတ် သတင်းဌာန၊ ဇန်နဝါရီလအတွင်းက  ရွှေဖီမြေသတင်းဌာန တို့ကို လိုင်စင်ပိတ်သိမ်းခဲ့သည်။

အကြမ်းဖက် စစ်ကောင်စီသည် ယခု ၂၀၂၆ ခုနှစ်အတွင်းမှာ လွတ်လပ်သော သတင်းမီဒီယာများအား ပိတ်သိမ်းခြင်း အရှိန်မြှင့်တင်လာပြီး သတင်းထောက်များနှင့် သတင်းဌာနများအား ပစ်မှတ်ထား မတရား ဖမ်းဆီးခြင်း၊ အရေးယူခြင်းများကို တွေ့ရသည်။

#WN
#HlaingInfo

Hlaing Info

May 12, 2026, 02:41 AM

📷 Photo

UFC ဖလိုင်းဝိတ်ချန်ပီယံ Joshua Van မီဇိုရမ်သို့ လာ​ရောက်မည်

မေလ ၁၁ ရက်

UFC ဖလိုင်းဝိတ်တန်း ချန်ပီယံ Joshua Van ဟာ အိန္ဒိယနိုင်ငံ၊ မီဇိုရမ်ပြည်နယ်ကို သွားရောက်ဖို့ ရှိနေတယ်လို့ မီဇိုရမ်အခြေစိုက် Zonet Cable TV သတင်းဌာနက ဖော်ပြပါတယ်။

မီဇိုရမ်ပြည်နယ် ဘက်စုံသုံးကိုယ်ခံပညာအသင်း (MISMA) က ကြီးမှူး၍ လာမယ့် မေလ ၃၀ ရက်နေ့မှာ ကျင်းပမယ့် Fight Night ပွဲစဉ်သို့ Joshua Van တက်ရောက်မှာဖြစ်ပါတယ်။

ဒါပေမယ့် သူရဲ့ ခရီးစဉ်အသေးစိတ် အစီအစဉ်ကိုမူ ထုတ်ပြန်ထားတာ မရှိသေးပါဘူး။

Joshua Van ဟာ မေလ ၁၀ ရက်က ကျင်းပခဲ့တဲ့ UFC 328 ပွဲစဉ်မှာ ၎င်းရဲ့ ဖလိုင်းဝိတ်တန်း ချန်ပီယံခါးပတ်ကို ပထမဆုံးအကြိမ် ကာကွယ်နိုင်ခဲ့ပါတယ်။

အဲဒီပွဲစဉ်မှာ စိန်ခေါ်သူ ဂျပန်ဖိုက်တာ တာဆူရိုတိုင်ရာ ကို အကြိတ်အနယ် ယှဉ်ပြိုင်ထိုးသတ်ခဲ့ပြီးနောက် Joshua Van က အနိုင်ရရှိကာ ချန်ပီယံဆုကို ဆက်လက်ထိန်းသိမ်းနိုင်ခဲ့ပါတယ်။

ချန်ပီယံခါးပတ် ကာကွယ်နိုင်ခဲ့ပြီးနောက် မီဇိုရမ်ပြည်နယ်ကို သွားရောက်မယ့် သတင်းထွက်ပေါ်လာတာပါ။

MISMA Fight Night ဟာ မီဇိုရမ်ပြည်နယ်ရဲ့ အကြီးဆုံး အားကစားပွဲတစ်ခုဖြစ်သလို ဒေသတွင်း လူစိတ်ဝင်စားမှု အများဆုံး ပွဲတစ်ခုလည်းဖြစ်ပါတယ်။

အခုလို ကမ္ဘာ့အဆင့် ဖိုက်တာကစားသမားဖြစ်သူ UFC ချန်ပီယံ တစ်ဦးက လာရောက်မယ့်ဖြစ်တာကြောင့် ပြည်တွင်းပြင်ပရှိ ပရိသတ်တွေက စိတ်လှုပ်ရှားနေကြပါတယ်။

#ZL
#HlaingInfo

Hlaing Info

May 12, 2026, 02:41 AM

📷 Photo

11 May 2026 Tokyo Japan
USA 🇺🇸 သံရုံးရှေ့
မြန်မာနိုင်ငံတော် သမ္မတကြီးကို ကြိုဆိုအပ်ပါသည်🙏
တရုတ်အစိုးရ ထောက်ခံအားပေးနေသော မြန်မာ အကြမ်းဖက် စစ်အာဏာရှင်ကို မိမိတို့ကိုယ်တိုင်တိုက်ယူမှာဖြစ်သော်လည်းအပစ်မဲ့ပြည်သူများထိခိုက်မှုများပြားမည်စိုးရိမ်ရပါသဖြင့် USA 🇺🇸 သမ္မတကြီးမှ ကူညီရှင်းလင်းပေးပါရန် အကူအညီတောင်းခံပွဲ။
သို့
အမေရိကန်ပြည်ထောင်စု သမ္မတကြီး
ဒေါ်နယ်ဒ် ဂျေ. ထရမ့်
ဝါရှင်တန် ဒီစီ၊ အမေရိကန်ပြည်ထောင်စု
အကြောင်းအရာ – မြန်မာနိုင်ငံ ဒီမိုကရေစီပြန်လည်ထူထောင်ရေးနှင့် လူ့အခွင့်အရေးအတွက် အကူအညီတောင်းခံခြင်း
လေးစားရပါသော သမ္မတကြီးခင်ဗျာ၊
ယနေ့ ကမ္ဘာကြီးတွင် မညီမျှမှု၊ အနိုင်ကျင့်မှုနှင့် လူသားချင်း စာနာမှုရေးရာများတွင် ဒုက္ခအမျိုးမျိုး ဖြစ်ပေါ်နေသည့်အချိန်တွင် မြန်မာနိုင်ငံသည် စစ်အာဏာရှင်အုပ်ချုပ်မှုအောက်တွင် ကျရောက်ခဲ့ရပြီး ၂၀၂၁ ခုနှစ်၊ အာဏာသိမ်းခဲ့သဖြင့် ယခုတိုင် စနစ်ဆိုးအောက်တွင် ဆက်လက်ကျရောက်လျက်ရှိပါသည်။ မြန်မာနိုင်ငံသည် ၁၉၄၈ ခုနှစ်တွင် ဖက်ဒရယ်ဒီမိုကရေစီစနစ်ဖြင့် လွတ်လပ်ရေးရရှိခဲ့သော်လည်း ၁၉၅၈ ခုနှစ်မှစ၍ စစ်တပ်၏ နိုင်ငံရေးဝင်ရောက်စွက်ဖက်မှုနှင့် အာဏာသိမ်းမှုများကြောင့် ဒီမိုကရေစီ လမ်းကြောင်း ပျက်စီးခဲ့ရပါသည်။
ပြည်သူများသည် ဒီမိုကရေစီပြန်လည်ရရှိရေးအတွက် နည်းလမ်းမျိုးစုံဖြင့် ကြိုးပမ်းခဲ့ကြသော်လည်း စစ်တပ်၏ လက်နက်အင်အားအလွန်ကြီးမားခြင်းနှင့် အိမ်နီးချင်း အင်အားကြီးနိုင်ငံများမှ ကိုယ်ကျိုးစီးပွား အတွက် စစ်အုပ်စုကို အားပေးထောက်ပံ့နေခြင်းကြောင့် အောင်မြင်မှုမရရှိခဲ့ပါ။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် မြန်မာပြည်သူများသည် ဒီမိုကရေစီတန်ဖိုး များကို လေးစားလိုက်နာသော အမေရိကန်ပြည်ထောင်စုနှင့် မိတ်ဖက်နှစ်ဖက်ဆက်ဆံရေးကို အလွန် တန်ဖိုးထားပါသည်။ ၂၀၂၆ ခုနှစ် မတ်လ ၂ ရက်နေ့တွင် သမ္မတကြီးမှ မြန်မာနိုင်ငံဆိုင်ရာ အမျိုးသား အရေးပေါ်ကြေညာချက် သက်တမ်းတိုးခြင်းနှင့် ဒီမိုကရေစီထောက်ပံ့ရေးအတွက် အမေရိကန်ဒေါ်လာ ၁၂၁ သန်း အကူအညီပေးမည်ဟု ကြေညာခဲ့ခြင်းကို ကျွန်ုပ်တို့ အလွန်ဝမ်းမြောက်လေးစားပါသည်။
သို့သော် ၂၀၂၁ ခုနှစ် ဖေဖော်ဝါရီလ ၁ ရက်နေ့ စစ်အာဏာသိမ်းပြီးနောက် မြန်မာနိုင်ငံတွင် လူထု သတ်ဖြတ်မှုများ၊ မြန်မာနိုင်ငံသားများ ရင်ဆိုင်နေရသည့် ဒုက္ခအခြေအနေများ၊ နိုင်ငံရေးအကျဉ်းသားများ အလွန်များပြားစွာ ဖမ်းဆီးထိန်းသိမ်းခြင်းများ ဆက်လက်ဖြစ်ပေါ်လျက်ရှိပါသည်။
ထိုကြောင့် သမ္မတကြီးထံမှ အောက်ပါကိစ္စရပ်များအတွက် ထောက်ပံ့အကူအညီပေးစေရန် လေးစားစွာ တောင်းဆိုအပ်ပါသည်–
၁) ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများအားလုံး လွတ်မြောက်ရေး
၂) စစ်အာဏာရှင်စနစ် ချုပ်ငြိမ်းရေးနှင့် လူ့အခွင့်အရေးချိုးဖောက်မှုများ ရပ်စဲရေး
၃) စစ်မှန်သော ဖက်ဒရယ်ဒီမိုကရေစီစနစ် ပြန်လည်ထူထောင်ရေး
၄) စစ်အုပ်စုနှင့် ထောက်ပံ့ပေးနေသူများအပေါ် နိုင်ငံတကာဖိအား ပိုမိုတိုးမြှင့်ရေး
မြန်မာပြည်သူများသည် ကိုယ်တိုင်အနာဂတ်ကို ပြန်လည်ရယူရန် ခိုင်မာသောဆုံးဖြတ်ချက်ရှိပါသည်။ သို့သော် မိမိတို့တစ်ဦးတည်းဖြင့် မအောင်မြင်နိုင်သေးသဖြင့် သမ္မတကြီး၏ ဦးဆောင်မှုနှင့် အကူအညီ သည် မြန်မာနိုင်ငံ ဒီမိုကရေစီ ပြန်လည်ထူထောင်ရေးအတွက် အလွန်အရေးပါလှပါသည်။
ထို့ကြောင့် သမ္မတကြီးထံမှ လေးစားစွာဖြင့် အကူအညီတောင်းခံအပ်ပါသည်။
လေးစားစွာဖြင့်
{ကူညီစီစဉ်သူ}
ကိုအောင်အေးဝင်း - နာဂိုရာတော်လှန်ရေးရဲဘော်များ
{ဆက်သွယ်ရန်}
Khin Aung {NLD} 08010594589
မြန်မာပြည် ငြိမ်းချမ်းရေးနေ့စဉ်ဆန္ဒပြ လှုပ်ရှားသူများအဖွဲ့-ဂျပန် See less

#HlaingInfo

Hlaing Info

May 12, 2026, 02:41 AM

📷 Photo

အုတ်ဖိုမြို့နယ်နှင့်လက်ပံတန်းမြို့နယ်ရှိ စစ်တပ်ဂိတ်စခန်းနှင့်ကင်းပုန်းများကို တိုက်ခိုက်မှု စစ်သားနှင့် ပျူစောထီး ၆ ဦး သေဆုံး

မေလ ၁၁ ရက်

ပဲခူးတိုင်း၊ အုတ်ဖိုမြို့နယ်နှင့် လက်ပံတန်းမြို့နယ်ရှိ စစ်တပ်ဂိတ်စခန်းနှင့်ကင်းပုန်းများကို တိုက်ခိုက် ခဲ့ရာ စစ်သားနှင့် ပျူစောထီး ၆ ဦး သေဆုံးခဲ့ကြောင်း အမှတ် ၂ စစ်ဆင်ရေးနယ်မြေ ထုတ်ပြန်ချက်နှင့် ရွှေတန်းမြေ ပြည်သူ့ကာကွယ်ရေးအဖွဲ့ပြောဆိုချက်အရ သိရသည်။

ယမန်နေ့ မေလ ၁၀ ရက်နေ့ နံနက်ပိုင်းက အုတ်ဖိုမြို့နယ်၊ အေးမြသာယာမြို့သစ်၊ မြို့အဝင်ရှိ ပျူစော ထီးစခန်းကို အမှတ် ၂ စစ်ဆင်ရေးနယ်မြေ၊ ပဲခူးတိုင်းစစ်ဌာန၊ ဗျူဟာ ၂၂ ကွပ်ကဲမှုအောက်ရှိ တပ်ဖွဲ့ များက ဝင်ရောက်တိုက်ခိုက်ခဲ့ရာ စစ်တပ်လက်အောက်ခံ ပျူစောထီး ၂ ဦး သေဆုံးပြီး ၆ ဦး ဒဏ်ရာ ရရှိခဲ့ကြောင်း သိရသည်။

ထို့ပြင် မေလ ၅ ရက်နေ့ မွန်းလွဲပိုင်းကလည်း အုတ်ဖိုမြို့နယ်၊ လွှစင်ကျေးရွာ၌ အကြမ်းဖက်စစ်တပ်၏ ကင်းပုန်းတပ်ဖွဲ့များနှင့် ပဲခူးတိုင်း စစ်ဌာန၊ အမှတ် ၃၈၀၁ တပ်ရင်း၊ တပ်ခွဲ ၅ တို့ကြား ထိတွေ့ တိုက် ပွဲ ဖြစ်ပွားခဲ့ပြီး အကြမ်းဖက်စစ်တပ်မှ တပ်ဖွဲ့ဝင် ၄ ဦး သေဆုံးခဲ့ကြောင်း သိရသည်။

အလားတူ မေလ ၉ ရက်နေ့တွင် ပဲခူးတိုင်း၊ လက်ပံတန်းမြို့နယ်၊ ကွမ်းခြံကျေးရွာရှိ အကြမ်းဖက် စစ်တပ် အထိုင်ဂိတ်စခန်းကိုလည်း ပဲခူးတိုင်းစစ်ဌာန၊ ဗျူဟာ ၂၂ ကွပ်ကဲမှုအောက်ရှိ တပ်ဖွဲ့များ နှင့် သာယာဝတီခရိုင်၊ ပကဖ တပ်ဖွဲ့ ၁ ၊ ၂ တို့က ဝင်ရောက်တိုက်ခိုက်ခဲ့ရာ စစ်ကောင်စီတပ်သားများ ထိ ခိုက်သေဆုံးမှုရှိနိုင်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ ကြောင်း သိရသည်။

"လက်ပံတန်းမြို့နယ် ရန်ကုန်-ပြည် လမ်းဘေးက စစ်ခွေး အင်အား ၂၀ ခန့်နဲ့ တပ်စွဲထားတဲ့ ကွမ်းခြံဂိတ်ကို ၄၀ မမ ဗုံး၊ လက်နက်ငယ်တွေနဲ့ အပြန်အလှန်ပစ်ခတ်မှု ၁၅ မိနစ်လောက် ဖြစ်ပွားခဲ့တယ်။ ဂိတ်စခန်းထဲက ဘန်ကာတွေ ပျက်စီးသွားပြီး စစ်ခွေးတွေလည်း ထိခိုက်ဒဏ်ရာရတယ်" ဟု ရွှေတန်းမြေ ပြည်သူ့ကာကွယ်ရေးအဖွဲ့မှ တာဝန်ရှိသူက ရန်ကုန်ခေတ်သစ် သတင်းဌာနထံသို့ ပြောဆိုသည်။

#KTM
#HlaingInfo

Hlaing Info

Mar 31, 2026, 11:14 PM

📷 Photo

SCEF သည် နိုင်ငံရေးအရမဖြစ်မနေ လိုအပ်သည့် စုဖွဲ့မှုတစ်ခုဖြစ်သော်လည်း၊ အားလုံးလွှမ်းခြုံနိုင်မှုနှင့် ပတ်သက်ပြီး စိန်ခေါ်မှုများ ရှိနေဆဲဟုဆို

မတ်လ ၃၁ ရက်

မကြာသေးမီက ဖွဲ့စည်းလိုက်သည့် ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ (SCEF) သည် မြန်မာ့နိုင်ငံရေး အပြောင်းအလဲကာလတွင် မဖြစ်မနေ လိုအပ်သည့် စုဖွဲ့မှုတစ်ခုအဖြစ် ရှုမြင်ခံနေရသော်လည်း၊ အားလုံးလွှမ်းခြုံနိုင်မှု (Inclusivity) နှင့် ပတ်သက်၍ စိန်ခေါ်မှုများ ရှိနေဆဲဖြစ်ကြောင်း နိုင်ငံရေးလေ့လာသူများက ထောက်ပြနေကြသည်။

SCEF တွင် အင်အားတောင့်တင်းသည့် အဖွဲ့အစည်း ၆ ဖွဲ့ ပါဝင်နေသော်လည်း ယင်းသည် တော်လှန်ရေးအင်အားစုအားလုံးကို ကိုယ်စားပြုနိုင်ခြင်း မရှိသေးပေ။

"ဒီစုဖွဲ့မှုဟာ တချိန်တည်းမှာ အင်အားကြီးလို့ ဆိုနိုင်တဲ့ အဖွဲ့အစည်းတွေ စုဖွဲ့ထားကြတယ်ဆိုပေမယ့် အားလုံးလွှမ်းခြုံနိုင်မှု မရှိသေးဘူးဆိုတဲ့အချက်ကိုလည်း အစကနဦးကတည်းကကို အသိအမှတ်ပြု လက်ခံထားဖို့ လိုပါတယ်။ ဒီအခြေအနေမှာ အားလုံးကို စုစည်းနိုင်ဖို့ မလွယ်ကူပါဘူး။ ဒါပေမယ့် အားလုံးစုံလင်အောင် မပါသေးဘူးဆိုတာကို လက်ခံမှုနဲ့ အားလုံးပါဝင်မှုအတွက် လမ်းဖွင့်ထားဖို့ အဆင်သင့်ရှိတဲ့ ရင့်ကျက်မှု လိုအပ်ပါတယ်။ အားလုံးစုံလင်ဖို့ဆိုရာမှာ အဖွဲ့အစည်း အမျိုးအစားပေါင်းစုံ ပါဝင်မှုကို မဆိုလိုပါ။ အခုဦးဆောင်တဲ့ အဖွဲ့ ၆ ဖွဲ့နဲ့ အမျိုးအစားတူ အဖွဲ့တွေကို ဆိုလိုပါတယ်။" မြန်မာ့အရေးလေ့လာစောင့်ကြည့်နေသူတစ်ဦးဖြစ်သည့် ကိုထင်ကျော်အေး ကဆိုသည်။

တစ်ဖက်တွင်လည်း နွေဦးတော်လှန်ရေးမှတစ်ဆင့် စုံလင်ကွဲပြားသော လူ့အဖွဲ့အစည်းအတွင်း စစ်မှန်သည့် တန်းတူညီမျှရေး၊ လွတ်လပ်ခွင့်နှင့် တရားမျှတမှုတို့အတွက် အားခဲတိုက်ပွဲဝင်နေကြသည့် ရဲဘော်အချို့မှာ
လက်ရှိနိုင်ငံရေး အကူးအပြောင်းများအပေါ် စိတ်ပျက်အားမလိုအားမရ ဖြစ်ကောင်းဖြစ်နေနိုင်ကြောင်း ကိုထင်ကျော်အေးက ထောက်ပြထားသည်။

"တိုင်းပြည်လူဦးရေရဲ့ ၅၃ ရာခိုင်နှုန်းဟာ အမျိုးသမီးတွေ ဖြစ်ပါလျက်နဲ့၊ ခေါင်းဆောင်မှုပိုင်းမှာ အမျိုးသမီးတစ်ယောက်မှ မပါလာအောင် အသေအချာကို ဖယ်ထုတ်နိုင်ခဲ့တဲ့ အမျိုးသားတစ်စုဟာ ဒီနေ့မှာတော့ ဘာကိုမှ ဂရုမစိုက်သလို ပေါ်ထွက်လာကြပါတယ်။ တကယ်လို့ ဒါဟာ တမင်တကာ လုပ်ခဲ့တာ မဟုတ်ဘူးဆိုရင်တောင်မှ၊ အခုလောက်ထိ ပြောင်ပြောင်တင်းတင်းကြီး လုပ်ပြဖို့တော့ ရှက်တတ်သင့်ပါတယ်။"

"ဒီစုဖွဲ့မှုဟာ စစ်ကောင်စီကို နိုင်ငံရေးအရရော စစ်ရေးအရပါ ဖိအားပေးနိုင်စွမ်း ပိုရှိလာမှာဖြစ်ပေမယ့်၊ တခြားသော အဖွဲ့အစည်းငယ်တွေ ဒါမှမဟုတ် မြေပြင်သပိတ်အင်အားစုတွေကြားမှာ "ငါတို့ကော ဖယ်ကျဉ်ခံထားရပြီလား" ဆိုတဲ့ စိုးရိမ်စိတ် (Marginalization) ကို ဖြစ်ပေါ်စေနိုင်ပါတယ်။" လူငယ်သပိတ်မြေပြင်ဖော်ဆောင်နေသူတစ်ဦးကဆိုသည်။

ယနေ့နွေဦးတော်လှန်ရေးသည် ဦးဆောင်တိုက်ပွဲဝင်နေကြသည့် အဖွဲ့အစည်းများအတွက် လူမျိုးစုနှင့် ဒေသအလိုက် တန်းတူညီမျှရေးကိုသာ အဓိကရည်ရွယ်သည့် ဖက်ဒရယ်ဒီမိုကရေစီစနစ်ဆီသို့သာ ဦးတည်နေသည်မှာ ငြင်းမရသော အရှိတရား ဖြစ်နေပြီးတိုးတက်သော အမြင်ရှိကြသည့် တော်လှန်ရေးရဲဘော်များအတွက်မူ ဤနွေဦးတော်လှန်ရေးသည် ပန်းတိုင်မဟုတ်ဘဲ "ခရီးလမ်းတစ်ထောက်" သာကြောင်းကိုထင်ကျော်အေးကဆိုသည်။

တရားဥပဒေစိုးမိုးမှု၊ ဒီမိုကရေစီနည်းကျ တာဝန်ခံမှုနှင့် ရေရှည်ငြိမ်းချမ်းရေးကို အာမခံနိုင်သည့် နိုင်ငံရေးစနစ်တစ်ခုကို အခြေခံအဖြစ် ဦးစွာရရှိမှသာ ကျနော်တို့ မျှော်လင့်သည့် လူမှုအဖွဲ့အစည်းကို ရေရှည်တည်ဆောက်သွားနိုင်မည် ဖြစ်ကြောင်း၊ တူညီသော ဦးတည်ချက်မှ သွေဖီမသွားသရွေ့ မည်သည့်စုဖွဲ့မှုကိုမဆို ခရီးတစ်ထောက်တွင် အတူတူလက်တွဲရမည့် ရဲဘော်ရဲဘက်များအဖြစ် သတ်မှတ်ရန် လိုအပ်ကြောင်းထောက်ပြထားသည်။

" နွေဦးတော်လှန်ရေးဟာ "အာဏာရှင်စနစ် ဖြုတ်ချရေးနှင့် ဖက်ဒရယ်မူ ချမှတ်ရေး" ဆိုတဲ့ အနိမ့်ဆုံး ဘုံသဘောတူညီချက် အပေါ်မှာ သွားနေတာ ဖြစ်ပါတယ်။ ဒီလမ်းတထောက်ကို မဖြတ်ကျော်ဘဲနဲ့ ကျနော်တို့ မျှော်လင့်တဲ့ "စစ်မှန်တဲ့ လွတ်လပ်ခွင့်" ဆီကို သွားလို့မရနိုင်ပါဘူး။" ဟု နိုင်ငံရေးလေ့လာနေသူလူငယ်တစ်ဦးကဆိုသည်။

နွေဦးတော်လှန်ရေးသည် နိုင်ငံရေးစနစ်ပြောင်းလဲရုံတင်မကဘဲ လူမှုအဆောက်အအုံတစ်ခုလုံး ပြောင်းလဲရေး ဟုယူဆထားသူများအတွက် လက်ရှိအခြေအနေသည် အားမလိုအားမရ ဖြစ်နေသည့် အခြေအနေတွင်ရှိနေပြီး
လူနည်းစုအခွင့်အရေး၊ ကျား/မ တန်းတူညီမျှမှု၊ စသည့် ဘုံတန်ဖိုးများကို ရည်မှန်းသည့် ရဲဘော်များမေးခွန်းထုတ်စရာအခြေအနေတွင်ရှိနေသည်။

#MPA
#HlaingInfo

Hlaing Info

Mar 31, 2026, 11:14 PM

📷 Photo

မင်းအောင်လှိုင်နှင့် စစ်ဗိုလ်ချုပ်များက အရပ်သား အစိုးရ ပြန်လည်တည်ထောင်ခြင်းသည် ဒီမိုကရေစီ မဟုတ်ဘဲ လိမ်လည်မှုသာဖြစ်ဟု ဒေါ်အောင်ဆန်းစုကြည်၏ သားဖြစ်သူ ကိုထိန်လင်းပြောဆို

မတ်လ ၃၁ ရက်

တိုင်းပြည် အာဏာလုယူထားသော အကြမ်းဖက် မင်းအောင်လှိုင်နှင့် စစ်ဗိုလ်ချုပ်များက အရပ်သား အစိုးရ ပြန်လည်တည်ထောင်ခြင်းသည် ဒီမိုကရေစီ မဟုတ်ဘဲ လိမ်လည်မှုသာဖြစ်ကြောင်း ဒေါ်အောင်ဆန်းစုကြည်၏ သားဖြစ်သူ Kim Aris (ခ) ကိုထိန်လင်းက ယနေ့ မတ်လ ၃၁ ရက်နေ့တွင် ၎င်း၏ လူမှုကွန်ယက်စာမျက်နှာမှတဆင့် ပြောဆိုလိုက်သည်။

အကြမ်းဖက် မင်းအောင်လှိုင်နှင့် စစ်ဗိုလ်ချုပ်များသည် မြန်မာပြည်သူများထံမှ အာဏာကို လုယူခဲ့ပြီးနောက် NLD ပါတီ၏ အနိုင်ရလဒ်၊ မိခင်ဖြစ်သူ ဒေါ်အောင်ဆန်းစုကြည်နှင့် မြန်မာပြည်သူလူထု၏ ဆန္ဒတို့ကို ကြောက်ရွံနေကြောင်း၊ ထို့ပြင် မတရားအာဏာသိမ်းခဲ့မှု အမှန်တရားကို ဖုံးကွယ်ကာ ကမ္ဘာကြီးကို လှည့်စားရန်အတွက် အရပ်သားအစိုးရ ပုံစံဖြင့် ပုံဖော်ရန် ကြိုးစားနေခြင်းသည် ဒီမိုကရေစီ မဟုတ်ဘဲ လိမ်လည်မှုသာဖြစ်ကြောင်း ပြောဆိုထားသည်။

“မင်းအောင်လှိုင်နဲ့ သူ့ရဲ့ ဗိုလ်ချုပ်တွေဟာ မြန်မာပြည်သူတွေထံက အာဏာကို လုယူခဲ့တယ်။ သူတို့ သိပ်ကြောက်တတ်တယ်။ ပြည်သူတွေရဲ့ ဆန္ဒကို ကြောက်တယ်၊ ကျနော့်မေမေ ဒေါ်အောင်ဆန်းစု ကြည်ကို ကြောက်တယ်၊ မေမေ့ပါတီရဲ့ မှန်ကန်စွာရတဲ့ အနိုင်ရလဒ်ကိုလည်း ကြောက်တယ်။ ဒါ ကြောင့် သူတို့ အာဏာသိမ်းခဲ့ပြီး အမှန်တရားကို ကမ္ဘာကြီးရှေ့က ဖုံးကွယ်ဖို့ ဆက်ပြီး ကြိုးစားနေကြ တာပါ။ အခုတော့ သူတို့ရဲ့ အာဏာကို အရပ်သားအစိုးရ ပြန်လည်တည်ထောင်ခြင်း လို့ ပုံဖော်ဖို့ ကြိုးစားနေတယ်။ ဒါဟာ ဒီမိုကရေစီ မဟုတ်ဘူး။ ဒါဟာ လိမ်လည်မှုပါ” ဟု ဒေါ်အောင်ဆန်းစုကြည် ၏ သားငယ်ကိုထိန်လင်း (ခ) Kim Aris က ပြောကြားသည်။

ယနေ့အထိ မိခင်ဖြစ်သူ ဒေါ်အောင်ဆန်းစုကြည်အပါအဝင် နိုင်ငံရေး အကျဉ်းသား ထောင်ပေါင်းများ စွာ ဖမ်းဆီးခံထားရဆဲဖြစ်ပြီး ၎င်းတို့ အသက်ရှင်နေသေးသည်ကို ချက်ချင်းသက်ပေးရန် အကြမ်းဖက် စစ်ခေါင်းဆောင် မင်းအောင်လှိုင်ကို တိုက်တွန်းလိုကြောင်း ၎င်းက ဆက်လက်ပြောဆိုထားသည်။

“ကျနော့် မေမေနဲ့ နိုင်ငံရေးအကျဉ်းသား ထောင်ပေါင်းများစွာဟာ ယနေ့ထိ ဖမ်းဆီးခံထားရဆဲဖြစ် ပြီးကမ္ဘာကြီးနဲ့ အဆက်ဖြတ်ခံထားရပါတယ်။ ကျနော် မင်းအောင်လှိုင် ကို တိုက်တွန်းလိုပါတယ်၊ မေမေနဲ့ ဖမ်းဆီးခံထားရတဲ့ နိုင်ငံရေးအကျဉ်းသားအားလုံး အသက်ရှင်နေသေးကြောင်း သက်သေကို ချက်ချင်း ပြသပေးပါ။ တိတ်ဆိတ်နေတာ လက်မခံနိူင်ပါဘူး။ မမြင်သလို မကြားသလို လျစ်လျူရှုနေ တာ လည်း လက်မခံနိုင်ပါဘူး။” ဟု Kim Aris (ခ) ကိုထိန်လင်းက ပြောဆိုသည်။

ကမ္ဘာ့ခေါင်းဆောင်များ အနေဖြင့် ရက်စက်သည့် စစ်အာဏာရှင်နှင့် အပေါင်းပါများကို တရားဝင်ခွင့် မပေးရန်နှင့် ၎င်းတို့ ကျူးလွန်ထားသည့် ရာဇဝတ်မှုများအတွက် တာဝန်ခံစေရန် လုပ်ဆောင်ရမည် ဖြစ်ကြောင်း၊ ယနေ့အထိ စစ်အုပ်စုက အပြစ်မဲ့ပြည်သူများ၊ ကလေးငယ်များကို သတ်ဖြတ်နေဆဲဖြစ် ပြီး ထို့သို့ လူသတ်ကာ ရာဇဝတ်မှုကျူးလွန်နေသည့် စစ်အာဏာရှင်စနစ်ကို အဆုံးသတ်ရမည်ဖြစ်ကြောင်း တောင်းဆိုးထားသည်။

#KTM
#HlaingInfo

Hlaing Info

Mar 31, 2026, 11:14 PM

📷 Photo

စစ်ခေါင်းဆောင် စီစဉ်ထားသည့် သမ္မတပြဇာတ် စတင်၊ လူယုံတော် ညိုစောနှင့် နန်းနီနီအေးတို့ကို ဒုသမ္မတ နေရာပေး၍ အသုံးချ

မတ်လ ၃၁ ရက်

အာဏာသိမ်းပြီးနောက်ပိုင်း စစ်ရာဇဝတ်မှုများကို နေ့စဉ်ကျူးလွန်ကာ "သမ္မတအိမ်မက်" ကို ပုံဖော်နေသည့် စစ်ခေါင်းဆောင် မင်းအောင်လှိုင်သည် ၎င်းတို့ကျင်းပခဲ့သော ၂၀၂၅ အတုအယောင် ရွေးကောက်ပွဲမှ ထွက်ပေါ်လာသည့် "ရွေးတုလွှတ်တော်" မှတစ်ဆင့် သမ္မတနေရာကို ရယူတော့ မည်ဖြစ်သည်။

စစ်ခေါင်းဆောင်သည် သမ္မတနေရာအတွက် ၁၅ နှစ်တိုင် ဆုပ်ကိုင်ထားသော တပ်မတော်ကာကွယ်ရေး ဦးစီးချုပ်နေရာကို လူယုံတော် ဗိုလ်ချုပ်ကြီး ရဲဝင်းဦးအား လွှဲပြောင်းပေးခဲ့ပြီး ယနေ့ မတ်လ ၃၁ ရက်တွင် ပြုလုပ်သည့် ရွေးတုလွှတ်တော် (ပြည်သူ့လွှတ်တော်အစုအဖွဲ့) မှ တင်သွင်းလာသော ထောက်ခံမဲအများဆုံးရ ဒုသမ္မတတစ်ဦး ဖြစ်လာပြီဖြစ်သည်။

စစ်ခေါင်းဆောင်နှင့်အတူ ဒုတိယသမ္မတများအဖြစ် ရွေးချယ်ခံရသူများမှာ စစ်အုပ်စု၏ လက်ဝေခံ များသာ ဖြစ်ပြီး တပ်မတော်သားလွှတ်တော်ကိုယ်စားလှယ်အစုအဖွဲ့မှ တင်သွင်းသည့် ဒုတိယသမ္မတမှာ စစ်ခေါင်း ဆောင်၏ အယုံကြည်ရဆုံး တပည့်ရင်းဖြစ်သူ ဗိုလ်ချုပ်ကြီးဟောင်း ညိုစော ဖြစ်သည်။

ဒုတိယသမ္မတ (၁) နေရာကို ရယူမည့် ဗိုလ်ချုပ်ကြီးဟောင်း ညိုစောသည် စစ်တက္ကသိုလ် အပတ်စဉ် (၂၃) ဆင်းဖြစ်ပြီး အာဏာသိမ်းပြီးနောက် စစ်ကောင်စီအဖွဲ့ဝင်၊ စစ်တပ်ပိုင် MEC နှင့် အင်းဝဘဏ်ဥက္ကဋ္ဌ တာဝန်များအပြင် ရုရှားမှ စက်သုံးဆီဝယ်ယူရေးကို အဓိကကိုင်တွယ်ခဲ့သူ ဖြစ်သည်။

အမျိုးသားလွှတ်တော်အစုအဖွဲ့မှ တင်သွင်းသည့် ဒုတိယသမ္မတမှာ ကြံ့ခိုင်ရေးပါတီ၏ ကရင်ပြည် နယ်ဥက္ကဋ္ဌ ဒေါ်နန်းနီနီအေး ဖြစ်သည်။ ဒေါ်နန်းနီနီအေးကို တိုင်းရင်းသားကိုယ်စားပြုအဖြစ် အမည်ခံ ရွေးချယ်ခဲ့ခြင်းဖြစ်ကာ ဒုတိယသမ္မတ (၂) ဖြစ်လာမည်ဟု သိရသည်။

ဒေါ်နန်းနီနီအေးသည် ထင်ပေါ်ကျော်ကြားသူ မဟုတ်သော်လည်း ကရင်ပြည်နယ်တွင် ပြီးခဲ့သော ၂၀၁၅ ၊ ၂၀၂၀ အပြင် လက်ရှိ ၂၀၂၅ ရွေးကောက်ပွဲများ၌ သုံးကြိမ်တိုင်တိုင် ကြံ့ခိုင်ရေးပါတီမှ ဝင်ပြိုင်ရာတွင် အနိုင်ရ အမတ်တစ်ဦးဖြစ်သည်။

စစ်အုပ်စု၏ ၂၀၀၈ ဖွဲ့စည်းပုံ အခြေခံဥပဒေအရ သမ္မတ၊ ဒုသမ္မတများ တင်မြှောက်ရာ၌ တိုင်းရင်းသား ကိုယ်စားပြု ဒုသမ္မတတစ်ဦး ထည့်သွင်းလေ့ရှိပြီး လက်ရှိတွင် ဒေါ်နန်းနီနီအေးကို ရွေးချယ်လိုက်သော ကြောင့် အမျိုးသမီး ဒုသမ္မတ ဖြစ်လာမည်ဖြစ်သလို စစ်ခေါင်းဆောင် စီစဉ်မှုအတိုင်းဖြစ်ကြောင်း စစ်လော်ဘီများက ဆိုကြသည်။

ထို့ကြောင့် ဒေါ်နန်းနီနီအေးသည် မြန်မာ့သမိုင်းတွင် ပထမဆုံးသော အမျိုးသမီးဒုသမ္မတ ဖြစ်လာမည်ဖြစ်ပြီး ၎င်းသည် စစ်အုပ်စုနှင့် အလွန်နီးစပ်ကာ စစ်ခေါင်းဆောင်ကို လေးစားကြည်ညိုသူ အဖြစ် လူသိများသည်။

စစ်ခေါင်းဆောင်သည် သမ္မတရာထူးကို ရယူရုံတင်မကဘဲ ၎င်းကိုယ်တိုင် ပြင်ဆင်ပြဋ္ဌာန်းလိုက်သော အမည်ခံအစိုးရ၏ ပြည်ထောင်စုအတိုင်ပင်ခံကောင်စီဥက္ကဋ္ဌ နေရာကိုပါ ပူးတွဲရယူသွားနိုင်ကြောင်း စစ်တပ်အသိုင်း အဝိုင်းနှင့် စစ်လော်ဘီများ၏ အဆိုအရ သိရသည်။

ပြည်ထောင်စုအတိုင်ပင်ခံကောင်စီဥက္ကဋ္ဌသည် သမ္မတ၏အထက်တွင် ရှိနေမည်ဖြစ်သဖြင့် အာဏာကို အကြွင်းမဲ့ချုပ်ကိုင်ထားရန် ကြိုတင်စီစဉ်ထားခြင်း ဖြစ်သည်။

လာမည့် ဧပြီလဆန်းတွင် ဖွဲ့စည်းမည့် အမည်ခံအစိုးရအဖွဲ့၌ လက်ရှိဒုသမ္မတ သုံးဦးအနက်မှ သမ္မတ တစ်ဦးကို တင်မြှောက်ရမည်ဖြစ်ရာ လူယုံတော် ညိုစောနှင့် လက်ဝေခံ ဒေါ်နန်းနီနီအေးတို့မှာ စစ်ခေါင်းဆောင်ကို ကျော်လွန်၍ သမ္မတဖြစ်လာရန် အလားအလာ လုံးဝမရှိကြောင်း နိုင်ငံရေးလေ့လာ သူများက သုံးသပ်သည်။

ဓာတ်ပုံ-MOI
#AYAT
#HlaingInfo

Hlaing Info

Mar 31, 2026, 11:14 PM

📷 Photo

အရိုင်းအစိုင်းများ ဝိုင်းရံသော ခေါင်းဆောင် ဒေါ်အောင်ဆန်းစုကြည် ဟု V V Chen ပြော

မတ်လ ၃၁ ရက်

လိင်ပိုင်းဆိုင်ရာနှင့် ပတ်သက်ပြီး အသားပေး ပြောဆိုသူ ဘလော့ဂါ ဗီဗီချန်းသည် ဒေါ်အောင်ဆန်းစုကြည် ၏ နောက်လိုက်များသည် အရိုင်းအစိုင်းများဟု သူ၏ လူမှုကွန်ရက် စာမျက်နှာပေါ်တွင် ရေးသားလိုက်သည်။

ဘလော့ဂါ အဖြစ် လူသိများပြီး အာဏာသိမ်း စစ်ကောင်စီ ပြုလုပ်သော ရွေးကောက်ပွဲတွင် ဝင်ရောက်ယှဉ်ပြိုင်ရာကနေ ရှုံးနိမ့်ခဲ့သည် ဗီဗီချမ်း (ခေါ်) နန်းဆုသဇင်အောင်သည် ၎င်း၏ လူမှုကွန်ရက်စာမျက်နှာပေါ်တွင် မတ် ၃၁ ရက်နေ့က ယင်းကဲ့သို့ ရေးသားခဲ့ခြင်း ဖြစ်သည်။

ဗီဗီချမ်း၏ ဖေ့ဘွတ်ခ်စာမျက်နှာတွင် "မေစုရဲ့ နောက်လိုက်တွေဟာ အရိုင်းအစိုင်းတွေ အများစုဖြစ်ပါတယ်။ ဒါကြောင့် အရိုင်းအစိုင်းတွေ ဝန်းရံတဲ့ ခေါင်းဆောင် မေစု ဖြစ်ပါတယ်။ ဒါဟာ အမှန်တရားဖြစ်ပါတယ်။ ဒါ့ကြောင့် အနာဂတ်မှာ အရိုင်းအစိုင်းကင်းစင်တဲ့ လူမှုဝန်းကျင်ကို ထိန်းကျောင်းတည်ဆောက်နိုင်တဲ့ လူသားတစ်ယောက် ဖြစ်ရလိုပါတယ်" ဟု ရေးသားထားသည်။

ဘလော့ဂါ ဗီဗီချန်းသည် ဦးကိုကိုကြီး ဦးဆောင်သော ပြည်သူ့ပါတီ PP ကနေ ငြိမ်းချမ်းရေးနှင့် ဖွံ့ဖြိုးရေး ပါတီ PDP သို့ ပြောင်းလဲသွားပြီး ရွေးကောက်ပွဲဝင်ပြိုင်ရာတွင် အပြတ်အသတ် ရှုံးနိမ့်ခဲ့သူ တစ်ဦး ဖြစ်သည်။

ဗီဗီချန်းသည် လိင်ပိုင်းဆိုင်ရာ အသိပညာပေး ရုပ်သံများ မျှဝေရင်း နာမည်ရလာပြီး လူသိများလာသူတစ်ဦး ဖြစ်သလို မကြာသေးခင်က ဒေါ်အောင်ဆန်းစုကြည်၏ ပုံစံကို လိုက်တုပြီး မဲဆွယ်စည်းရုံးမှုကြောင့် ပြင်းပြင်းထန်ထန် ဝေဖန် ခံခဲ့ရသူ ဖြစ်သည်။

#WN
#HlaingInfo

Hlaing Info

Mar 31, 2026, 11:14 PM

📷 Photo

မင်းအောင်လှိုင် သမ္မတ လုပ်ရန် လုပ်ဆောင်ချက် အပေါ် အာဆီယံလွှတ်တော်အမတ်များက ပြင်းထန်စွာ ရှုတ်ချ

မတ်လ ၃၁ ရက်

အကြမ်းဖက်စစ်ခေါင်ေးဆာင် မင်းအောင်လှိုင် သမ္မတလုပ်ရန် လုပ်ဆောင်ချက် အပေါ် အာဆီယံလွှတ်တော်အမတ်များက ယနေ့ ပြင်းထန်စွာ ရှုတ်ချလိုက်ကြသည်။

အာဆီယံလူ့အခွင့်အရေးဆိုင်ရာ လွှတ်တော်အမတ်များအဖွဲ့ (APHR)က မြန်မာစစ်ကောင်စီက မင်းအောင်လှိုင်အား သမ္မတရာထူးရရှိစေရန် စနစ်တကျ စီစဥ်ဖန်တီးထားသည့် လုပ်ဆောင်ချက်များကို ပြင်းထန်စွာ ရှုတ်ချလိုက်သည်။

မင်းအောင်လှိုင်သည် ကာကွယ်ရေးဦးစီးချုပ်ရာထူးမှ နုတ်ထွက်ပြီးနောက် စစ်ကောင်စီက ထိန်းချုပ်ထားသည့် လွှတ်တော်အတွင်း မဲခွဲဆုံးဖြတ်မှုဖြင့် ဒုတိယသမ္မတအဖြစ် ချက်ချင်းခန့်အပ်ခံရကာ သမ္မတဖြစ်လာရန် လမ်းခင်းခဲ့ခြင်းဖြစ်သည်။

၂၀၂၁ ခုနှစ် အာဏာသိမ်းပြီးကတည်းက စစ်ကောင်စီသည် အစုလိုက်အပြုံလိုက် သတ် ဖြတ်မှုများ၊ မတရားဖမ်းဆီးမှုများ၊ အရပ်သားလူနေရပ်ကွက်များကို လေကြောင်းမှ ဗုံးကြဲတိုက်ခိုက်မှုများနှင့် ရိုဟင်ဂျာများကို လူမျိုးတုံးသတ်ဖြတ်မှုအပါအဝင် တိုင်းရင်းသားနှင့် ဘာသာရေးလူနည်းစုများအပေါ် စနစ်တကျ နှိပ်ကွပ်မှုများကို လုပ်ဆောင်ခဲ့သည်။

မင်းအောင်လှိုင် သမ္မတဖြစ်လာခြင်းသည် ပြည်သူများကို အကြီးအကျယ် ဒုက္ခရောက်စေပြီး ဒီမိုကရေစီနှင့် လူ့အခွင့်အရေးကို ဖျက်ဆီးနေသည့် အကြမ်းဖက်စနစ်ကို တရားဝင်အောင် လုပ်ဆောင်ခြင်းသာ ဖြစ်သည်ဟု APHR က ဆိုသည်။

မင်းအောင်လှိုင်က လူယုံတော် ရဲဝင်းဦးကို ကာကွယ် ရေးဦးစီးချုပ်သစ်အဖြစ် ခန့်အပ်ခဲ့သည်။ ရဲဝင်းဦးသည် နိုင်ငံရေးအကျဉ်းသား ထောင်ပေါင်းများစွာကို နှိပ်စက်ညှဉ်းပန်းခဲ့သည့် စစ်ဆေးရေးစင်တာများကို ဦးစီးခဲ့သူဖြစ်သည်။

ရဲဝင်းဦး ကွပ်ကဲမှုအောက်တွင် စစ်တပ်သည် မင်းအောင်လှိုင်နှင့် တစ်သားတည်း ရှိနေဦးမည်ဖြစ်ရာ၊ ၎င်းသည် သမ္မတရာထူးရော စစ်တပ်ကိုပါ ဆက်လက်ချုပ်ကိုင်ထားပြီး ဖိနှိပ်မှုများနှင့် ပြစ်ဒဏ်ခတ်ခြင်းမခံရဘဲ ရာဇဝတ်မှုကျူးလွန်ခြင်း (Impunity) တို့ကို ဆက်လက်ခိုင်မာစေမည်ဖြစ်သည်။

လေကြောင်းတိုက်ခိုက်မှုများ၊ ဗုံးကြဲမှုများနှင့် လူထုနေရပ်စွန့်ခွာ ထွက်ပြေးနေရမှုများကြားတွင် ပြုလုပ်ခဲ့သည့် မကြာသေးမီက ရွေးကောက်ပွဲများနှင့် ၎င်း၏ ရလဒ်များသည် အခြေခံအားဖြင့် တရားမဝင်ကြောင်း၊ ၎င်းသည် မြန်မာပြည်သူများ၏ ဆန္ဒကို ထင်ဟပ်ခြင်းမရှိဘဲ စစ်ကောင်စီက အာဏာတည်မြဲစေရန်နှင့် တာဝန်ယူမှု၊ တာဝန်ခံမှုမှ ရှောင်လွှဲရန် ကြိုးပမ်းချက်သာ ဖြစ်ကြောင်း APHR က ဝေဖန်ထောက်ပြထားသည်။

APHR အနေဖြင့် စစ်အာဏာရှင်ကို ရှေ့တန်းမှနေ၍ တွန်းလှန်နေသော ဒီမိုကရေစီအင် အားစုများ၊ တိုင်းရင်းသားအဖွဲ့အစည်းများနှင့် လူထုလှုပ်ရှားမှုများကို အစဉ်တစိုက် ထောက် ခံသွားမည်ဖြစ်ကြောင်း ထုတ်ပြန်ပြောဆိုသည်။

ထို့ပြင် အာဆီယံ၊ ကုလသမဂ္ဂနှင့် နိုင်ငံတကာအသိုက်အဝန်း (အထူးသဖြင့် အာဆီယံအလှည့်ကျဥက္ကဋ္ဌ ဖိလစ်ပိုင်နိုင်ငံ) အနေဖြင့် စစ်ကောင်စီ၏ အာဏာခိုင်မာအောင် လုပ်ဆောင်မှုများကို ပြတ်ပြတ်သားသား ရှုတ်ချရန်၊ နိုင်ငံတကာ လူ့အခွင့်အရေးနှင့် လူသားချင်းစာနာထောက်ထားမှုဆိုင်ရာ ဥပဒေများကို လေးစားလိုက်နာရန်၊ မြန်မာ့ဒီမိုကရေစီ အင်အားစုများကို ထောက်ခံအားပေးရန် APHRက တိုက်တွန်းထားသည်။

စစ်ကောင်စီသည် မျက်နှာစာတွင် အရပ်သားအစိုးရအဖြစ် အသွင်ပြောင်းပြကာ ပြုပြင်ပြောင်းလဲရေး လုပ်နေသယောင် ဟန်ပြလေ့ရှိသဖြင့် နိုင်ငံတကာအနေဖြင့် "ပုံမှန်အတိုင်း ဆက်ဆံခြင်း" (Business as usual) မျိုးကို ရှောင်ကြဉ်ရမည်ဖြစ်ကြောင်း၊ မင်းအောင်လှိုင်အား သမ္မတအဖြစ် အသိအမှတ်ပြုခြင်းသည် ကျူးလွန်ခဲ့သည့် ရာဇဝတ်မှုများကို တရားဝင်အောင် လုပ်ဆောင်ပေးရာ ရောက်မည်ဖြစ်ကြောင်း၊ မြန်မာပြည်သူများ၏ လွတ်မြောက်ရေးတိုက်ပွဲကို ကူညီရန်အတွက် နိုင်ငံတကာ၏ ညီညွတ်သော ပူးပေါင်းဆောင်ရွက်မှုမှာ အလွန်အရေးကြီးကြောင်း APHR က တိုက်တွန်းနှိုးဆော်ထားသည်။

#KTM
#HlaingInfo

Hlaing Info

Mar 31, 2026, 11:14 PM

📷 Photo

မြန်မာနိုင်ငံတွင် စစ်တပ်က ကျူးလွန်သော စစ်ရာဇ၀တ်မှုများ၊ လူသားမျိုးနွယ်အပေါ် ရာဇ၀တ်မှုများကို စစ်ဆေးအရေးယူရေး IIMM နှင့် ပြင်သစ်အစိုးရတို့ ပူးပေါင်းဆောင် ရွက်မည့် ဥပဒေကို အထက်လွှတ်တော်က အတည်ပြု

မတ်လ ၃၁ ရက်

မြန်မာနိုင်ငံအတွင်း အကြမ်းဖက်စစ်တပ်က ကျူးလွန်ခဲ့သည့် စစ်ရာဇ၀တ်မှုများနှင့် လူသားမျိုးနွယ်အပေါ် ကျူးလွန်သည့် ရာဇ၀တ်မှုများကို စစ်ဆေးအရေးယူနိုင်ရန်အတွက် မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှု ယန္တရား (IIMM) နှင့် ပြင်သစ်အစိုးရတို့ ပူးပေါင်းဆောင်ရွက်မည့် ဥပဒေကို ပြင်သစ်အထက်လွှတ်တော်က ယမန်နေ့တွင် အတည်ပြုလိုက်ပြီဖြစ်သည်။

၂၀၂၆ ခုနှစ်၊ မတ်လ ၃၀ ရက်နေ့က ပါရီမြို့တွင် ပြုလုပ်သည့် ပြင်သစ်အထက်လွှတ်တော် (Senate) အစည်းအဝေး၌ အဆိုပါ ဥပဒေကြမ်းကို ပြင်ဆင်ချက်တစ်စုံတစ်ရာမရှိဘဲ ကန့် ကွက်သူမရှိ အတည်ပြုခဲ့ခြင်းဖြစ်သည်။

အဆိုပါဥပဒေသည် ပြင်သစ်အမျိုးသားလွှတ်တော် (National Assembly) က ရှေ့ပြေးအတည်ပြုပြီးနောက် အရှိန်မြှင့်လုပ်ငန်းစဉ် (Accelerated Procedure) ဖြင့် အထက် လွှတ်တော်သို့ တက်လာခြင်းဖြစ်ကာ အထက်လွှတ်တော်ဥက္ကဋ္ဌ Gérard LARCHER က လက်မှတ်ရေးထိုး အတည်ပြုခဲ့သည်။

ယခုဥပဒေသည် ၂၀၂၄ ခုနှစ်၊ ဇွန်လ ၁၂ ရက်နေ့က ဂျီနီဗာမြို့တွင် ပြင်သစ်အစိုးရနှင့် IIMM တို့အကြား လက်မှတ်ရေးထိုးခဲ့သည့် "အပြည်ပြည်ဆိုင်ရာ တရားစီရင်ရေး ပူးပေါင်းဆောင်ရွက်မှုဆိုင်ရာ သဘောတူညီချက်" (Convention on International Judicial Cooperation) ကို တရားဝင် အတည်ပြုခွင့် ပေးလိုက်ခြင်း ဖြစ်သည်။

ယခုကဲ့သို့ ပြင်သစ်လွှတ်တော်က အတည်ပြုလိုက်ခြင်းကြောင့် မြန်မာနိုင်ငံအတွင်း ကျူးလွန်ခဲ့သည့် အပြည်ပြည်ဆိုင်ရာ ရာဇ၀တ်မှုများအတွက် အထောက်အထားများ စုဆောင်းခြင်းနှင့် စစ်ဆေးခြင်းလုပ်ငန်းများ ပိုမိုအားကောင်းလာမည်ဖြစ်သည်။

ယင်းအပြင် တရားမျှတမှု ဖော်ဆောင်ရေး လုပ်ငန်းစဉ်များတွင် IIMM နှင့် ပြင်သစ်အစိုးရတို့အကြား ယခင်ကထက် ပိုမိုထိရောက်စွာ ပူးပေါင်းဆောင်ရွက်နိုင်တော့မည် ဖြစ်ပြီး မြန်မာနိုင်ငံအတွင်း ကျူးလွန်ခံနေရသည့် ရာဇ၀တ်မှုများအတွက် တရားခံများကို အရေးယူနိုင်ရန်နှင့် တရားမျှတမှု ရှာဖွေရာတွင် အရေးပါသော နိုင်ငံတကာ ပူးပေါင်းဆောင်ရွက်မှုတစ်ခု ဖြစ်လာမည်ဖြစ်သည်။

#KTM
#HlaingInfo

Hlaing Info

Mar 31, 2026, 11:14 PM

📷 Photo

မနက်ဖြန်ထိုင်းထီထွက်ရက်ဖြစ်ပါတယ်ရှင့်

ထီကြိုမှာထားသူများ ဆက်သွယ်ပေးကြပါအုံးရှင့် 🍀🍀🍀

🍀

🍃 ထီ 1 စောင်ကို မြန်မာငွေ 14,500 ကျပ်။  ထိုင်းဘတ် 100 ပါ။ 🌿

မိမိနှစ်သက်ရာ ထီနံပါတ်များရွေးချယ်ရန်လင့် -
https://hlaing.info/lottery/

🎁 ရရှိနိုင်သောထီနံပါတ်များ 🎁

662012
900913
576914
682515
928917

610340

🍀

692560
838760 OUT
965761

050064
526265
340068

🍀

023992
890293 out
988594

🍀

📱  ဆက်သွယ်ဝယ်ယူရန်  📱

- https://t.me/pyithuaungpwel
- https://t.me/infoAthlaing
Viber   ☎️    +66930839386

#ThaiLottery
#HlaingInfo

2,010

Hlaing Info

Mar 31, 2026, 11:14 PM

📷 Photo

အောင်ပန်း ကညန ပွဲစားနှင့်ပေါင်း၍ လုပ်စားနေ

မတ်လ ၃၁ ရက်

ရှမ်းပြည်တောင်ပိုင်း၊ အောင်ပန်းမြို့မှ ကုန်းလမ်းပို့ဆောင်ရေးညွှန်ကြားမှုဦးစီးဌာန ဦးစီးမှူး ဒေါ် ဇင်မာဝင်းသည် ပွဲစားများနှင့်ပေါင်း၍ လိုင်စင်နှင့် မော် တော်ယာဥ်ဆိုင်ရာ ကိစ္စရပ်များကို တရားမဝင် ငွေရယူကာ လုပ်စားနေသည်ဟု ဒေသခံများ၏ စွပ်စွဲဝေဖန်မှုများ ထွက်ပေါ်နေသည်။

ကညနဝန်ထမ်းများနှင့် ပေါင်းကာ ဝန်ထမ်းကဲ့သို့ အချိုးမျိုးဖြင့် လုပ်စားနေကြသည့် ပွဲစားများမှာ လက်ပွား ခေါ် လှိုင်ဘွား၊ အောင်ပုနှင့် အခြား ၄ ဦးခန့်ရှိကြောင်း ဒေသခံတစ်ဦးက ပြောသည်။

"ပုံမှန်အတိုင်းလုပ်ရင် အဆင်မပြေဘူး၊ ယာဥ်မောင်းလိုင်စင်ဆို မအောင်တာများတယ်။ ဖြေသူ အနည်း ဆုံး ၂၅ ယောက်ရှိမှဆိုပြီး ပွဲစားနဲ့ လိုင်းဝင်သူကျတော့ ဖြေစရာမလိုဘဲ အအောင်ပေးတယ်။ အခြား ယာဥ်သက်တမ်းတိုး ဘာညာကအစ ပွဲစားမပါရင်ကို အဆင်မပြေဘူး"ဟုအောင်ပန်း လက်မပင်ရပ်နေသူတစ်ဦးက ဆိုသည်။

အောင်ပန်း ကညနသည် လားရှိုး၊ ကျောက်မဲ စစ်ရှောင်များ၏ ဆိုင်ကယ်များ သက်တမ်းတိုးရာတွင် ပွဲစားများမှ တစ်ဆင့် ငွေကြေး အများအပြား ရယူခဲ့သည်ဟုလည်း ဒေသခံများက ပြောသည်။

"အမောင်းသင်ကနေ ' ခ 'လိုင်စင်ကို ပွဲစားစျေး ၂ သိန်းခွဲရှိတယ်၊ အုံနာဘုတ်က ၅ သိန်းကျော်ရှိတယ်။ ကိုယ့်ဘာသာ ကိုယ်လုပ်ရင် သိပ်မကုန်ပေမယ့် ပညာပြနေတော့ အဆင်မပြေကြလို့ ပွဲစားပဲ ပေးလုပ်နေကြရတယ်။ ခုလို ခေတ်ကြီးမှာ ပြုပြင်ပေးမယ့်သူလည်း မရှိလို့ မီဒီယာကိုပဲ ပြောရတာ"ဟု အောင်ပန်း၊ လှည်းရိုးရပ်နေသူတစ်ဦးက ပြောသည်။

ယင်းကဲ့သို့ အောင်ပန်း ကညန မှ ပွဲစားများဖြင့် ပေါင်းစားနေပြီး ပြုပြင် အရေးယူပေးမည့်သူ မရှိဘဲ ယခု ဦးစီးမှူးအထိ လက်ဆင့်ကမ်း လုပ်ဆောင်လာနေခြင်း ဖြစ်ကြောင်း ဒေသခံများက ဝေဖန်လျက်ရှိသည်။

#MKN
#HlaingInfo

Hlaing Info

Mar 31, 2026, 11:14 PM

📷 Photo

ထိုင်း-မြန်မာနယ်စပ်၊ မဲဆောက်မြို့တွင် မြန်မာဘက်သို့ အင်တာနက်လိုင်း တရားမဝင် ပေးပို့နေမှုကို ဝင်ရောက်ဖမ်းဆီးပြီး ဆက်သွယ်ရေးစက်ပစ္စည်းများကို သိမ်းဆည်း

မတ်လ ၃၁ ရက်

ထိုင်း-မြန်မာနယ်စပ် မဲဆောက်မြို့တွင် မြန်မာဘက်သို့ အင်တာနက်လိုင်း တရားမဝင် ပေးပို့နေမှုကို ဝင်ရောက်ဖမ်းဆီးစစ်ဆေးပြီး ဆက်သွယ်ရေးစက်ပစ္စည်းများကို သိမ်းဆည်းလိုက်ကြောင်း ထိုင်းသတင်းဌာနများက သတင်းဖော်ပြသည်။

ယနေ့ ထိုင်းနိုင်ငံ၊ တာ့ခ်ခရိုင်၊ မဲဆောက်မြို့နယ်အတွင်းရှိ သဘာဝဂိတ် (သောင်ရင်းမြစ်ကမ်းဘေး) တစ်နေရာတွင် မြန်မာနိုင်ငံဘက်အခြမ်းသို့ အင်တာနက်လိုင်းများ တရားမဝင် ပေးပို့နေမှုကို ထိုင်းပူးပေါင်းအဖွဲ့က ဝင်ရောက်စီးနင်း ရှာဖွေခဲ့ကြောင်း သိရသည်။

ထိုင်းအာဏာပိုင်များနှင့်အတူ ထိုင်းအမျိုးသား ရုပ်သံနှင့် ဆက်သွယ်ရေးကော်မရှင် (NBTC) မှ တာဝန်ရှိသူများ ပါဝင်သော ပူးပေါင်းအဖွဲ့သည် သတင်းအရ အဆိုပါနေရာကို ဝင်ရောက်စီးနင်းခဲ့ခြင်း ဖြစ်သည်။

အဆိုပါနေရာတွင် Wireless Link အမျိုးအစား ရေဒီယိုဆက်သွယ်ရေးစက်များကို အသုံး ပြု၍ မြန်မာနိုင်ငံဘက်အခြမ်းသို့ အင်တာနက်လိုင်းများ ချိတ်ဆက်ပေးပို့နေခြင်းကို စစ်ဆေးတွေ့ရှိခဲ့ရကြောင်း၊ ထို့ပြင် သောင်ရင်းမြစ်ကို ဖြတ်ကျော်၍ တစ်ဖက်ကမ်းသို့ ဖိုင်ဘာအော့ပတစ် (Fiber Optic) ကြိုးများကို တရားမဝင် သွယ်တန်းထားသည်ကိုလည်း တွေ့ရှိခဲ့ရကြောင်း သိရှိရသည်။

ထိုင်းအာဏာပိုင်များက အဆိုပါ ဆက်သွယ်ရေးစက်ပစ္စည်းများနှင့် ဆက်စပ်ပစ္စည်း စုစု ပေါင်း ၁၂ မျိုးကို ဖြုတ်သိမ်းကာ သက်သေခံပစ္စည်းအဖြစ် သိမ်းဆည်းခဲ့ကြောင်း၊ လက် ရှိ တွင် သိမ်းဆည်းရမိသော ပစ္စည်းများကို မဲဆောက်မြို့မရဲစခန်းသို့ လွှဲပြောင်းပေးအပ်ထားပြီး၊ တရားမဝင် ဆက်သွယ်ရေးဥပဒေဖြင့် ထိရောက်စွာ အရေးယူနိုင်ရန်အတွက် စုံစမ်းစစ်ဆေးမှုများ ဆက်လက်ဆောင်ရွက်နေကြောင်း သိရှိရသည်။

ဓာတ်ပုံ- AEC อาเซียน News ။
#KTM
#HlaingInfo

Hlaing Info

Mar 31, 2026, 11:14 PM

📷 Photo

ရဲဘက်စခန်းများ၌ အကျဉ်းသားများကို ကျွန်လိုခိုင်းစေပြီး အကျဉ်းဦးစီးဝန်ထမ်းများ သိန်းထောင်ချီရှာဖွေနေ

မတ်လ ၃၁ ရက်

ရဲဘက်စခန်းများတွင် စစ်ကော်မရှင်လက်အောက်ခံ ပြည်ထဲရေးဝန်ကြီးဌာန၊ အကျဉ်းဦးစီးဌာန ဝန်ထမ်းများက အကျဉ်းသားများကို ကျွန်လိုခိုင်းစေပြီး သိန်းထောင်ချီရှာဖွေနေကြောင်းသိရသည်။

လက်ရှိ ရဲဘက်စခန်းများသည် ငရဲစခန်းများဖြစ်ပြီး နွားကြိမ်တို့ခိုင်းသကဲ့သို့ ခိုင်းစေကြသည့်အပြင် ထောင်ဝါဒါများသည် ၎င်းတို့၏ မိသားစုအတွင်း အဆင်မပြေမှုများရှိပါက အကျဉ်းသားများအပေါ် ရိုက်နှက်ဖြေဖျောက်လေ့ရှိသဖြင့် အကျဉ်းသားများမှာ ဝါဒါများ အိမ်နှင့်အဆင်ပြေကြပါစေဟုသာ မဆီမဆိုင် ဆုတောင်းပေးနေရကြောင်း လွတ်မြောက်လာသည့် အကျဉ်းသူ/သားများထံမှ သိရသည်။

"ထောင်ထဲမှာ အကျဉ်းသားအချင်းချင်း မတည့်အောင်၊ အဆင်မပြေအောင် လုပ်ထားတာ။ အကျဉ်းသားချင်း သတ်တဲ့အထိ ဖြစ်ကြတယ်။ သူတို့မွေးထားတဲ့ အကျဉ်းသားတွေကို လူကြီးခန့်ပြီး ပြန်အုပ်ချုပ်ခိုင်းတယ်။ အရှင်လတ်လတ် ငရဲရောက်နေရသလိုပဲ" ဟု နိုင်ငံရေးအကျဉ်းသားဟောင်းတစ်ဦးက ပြောသည်။

အကျဉ်းသားများသည် ရဲဘက်စခန်းများအတွင်း၌ ကျောက်ထု၊ ကြံခုတ်၊ ရာဘာခြစ်၊ စိုက်ပျိုးရေး စသည့်လုပ်ငန်းများကို ကျွန်များကဲ့သို့ အတင်းအဓမ္မ စေခိုင်းခြင်းခံနေရပြီး အဆိုပါလုပ်ငန်းများမှ အကျဉ်းဦးစီးဌာနသည် လစဉ် ကျပ်သိန်းထောင်နှင့်ချီကာ ဝင်ငွေရရှိနေကြောင်းလည်း သိရသည်။

အလုပ်ချိန်ကို နံနက် ၇ နာရီမှ ၁၁ နာရီအထိ တစ်ကြိမ်၊ နေ့လယ် ၁ နာရီခွဲမှ ညနေ ၄ နာရီခွဲအထိ တစ်ကြိမ် သတ်မှတ်ထားပြီး တနင်္ဂနွေတစ်ရက်သာ နားခွင့်ရသည်။ ဖျားနာသူများရှိပါကလည်း အကျဉ်းသားအချင်းချင်းသာ ဆေးကုသခိုင်းပြီး မနိုင်တော့သည့် အခြေအနေရောက်မှသာ ဆေးရုံတင်ခွင့်ရကြောင်း သိရသည်။

အကျဉ်းဦးစီးဌာန ဝန်ထမ်းများ၏ လူမဆန်စွာ နှိပ်စက်မှုများအပြင် အကျဉ်းသားများအတွက် ကျန်းမာရေးစောင့်ရှောက်မှုမှာလည်း အလွန်အားနည်းနေကာ မသေရုံတမယ်သာ နေထိုင်နေရကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) မှ ကိုသိုက်ထွန်းဦးက ပြောသည်။

"ရဲဘက်စခန်းတွေကို သူတို့ပို့တဲ့နှုန်းတွေက အခု သူတို့ထုတ်လုပ်ရေးစခန်းတွေ၊ အဓိကဝင်ငွေရမယ့် လမ်းကြောင်းတွေဖြစ်တဲ့ တခြားရာဇဝတ်အကျဉ်းသားတွေကို ပို့ဆောင်နေဆဲ ဖြစ်ပါတယ်။ ရဲဘက်စခန်းတွေရဲ့ သဘောသဘာဝက တခြားအကျဉ်းထောင်တွေထက် ပိုပြီးတော့ ပင်ပန်းကြမ်းတမ်းတဲ့ အလုပ်တွေကို လုပ်ကြရတယ်" ဟု ၎င်းက ပြောသည်။

ထို့ပြင် ထောင်ဝင်စာ ဧည့်တွေ့ခွင့်ရရှိရန် ထောင်အာဏာပိုင်များကို လာဘ်ထိုးသည့်အနေဖြင့် ငွေပေးရခြင်းများရှိပြီး၊ ရဲဘက်စခန်းများသည် တောတောင်များအတွင်း ရှိနေသည့်အတွက် ရာသီဥတုဒဏ်နှင့် ငှက်ဖျားရောဂါများ ခံစားရသော်လည်း ကုသရန် ဆေးဝါးအလုံအလောက်မရှိဘဲ သေဆုံးရသည်အထိ အခက်အခဲပေါင်းစုံ ရင်ဆိုင်နေရကြောင်း ကိုသိုက်ထွန်းဦးက ဆက်လက်ရှင်းပြသည်။

ရဲဘက်စခန်းများသည် လူသူအရောက်အလှမ်းဝေးသည့်အပြင်၊ ထောင်တွင်း အကျဉ်းသားအခွင့်အရေးကို နားမလည်ကြသည့်အတွက် ထောင်ဝန်ထမ်းများ၏ တရားမဲ့နှိပ်စက်သည့်ဒဏ်ကို ခံနေကြရကြောင်း ပြန်လည်လွတ်မြောက်လာသူတစ်ဦးက ပြောသည်။

"အကျဉ်းသားအခွင့်အရေးဆိုတာ စာအုပ်ထဲမှာပဲ ရှိတာပါ။ ထောင်ဝါဒါတွေက သူတို့နဲ့ဆက်ဆံရေး အဆင်ပြေရင် ကောင်းတယ်။ လူ့အခွင့်အရေးဆိုတာလည်း ထောင်ထဲမှာမရှိဘူး။ သူတို့က အကျဉ်းသားတွေအပေါ် နှိပ်စက်ပိုင်ခွင့် လိုင်စင်ရထားတဲ့သူတွေ" ဟု ၎င်းက ပြောသည်။

အကျဉ်းသားများအနက် နာတာရှည်ရောဂါ ခံစားနေရသူများ၊ အသက် ၅၀ အထက်ရှိသူများ၊ ဆီးချိုနှင့် သွေးတိုးရောဂါရှိသူများလည်း ပါဝင်နေပြီး လုံးဝခိုင်းစေ၍ မရတော့သည့် အခြေအနေရောက်မှသာ အရပ်ဘက်အကျဉ်းထောင်များသို့ ပြန်လည်ပို့ဆောင်ခံရကြောင်းလည်း သိရသည်။

လုပ်ငန်းခွင်အတွင်း မတော်တဆဖြစ်စဉ်များကြောင့် ထိခိုက်ဒဏ်ရာရသူများရှိကာ ကျောက်တုံးပိ၍ သေဆုံးခြင်း၊ အချင်းချင်းမကျေနပ်ပါက ရေနှစ်သတ်ခြင်းများ ရှိနေသော်လည်း ထောင်အာဏာပိုင်များက အပြင်သို့ သတင်းမထွက်စေရန် ဖုံးဖိထားကြောင်း သိရသည်။

အမျိုးသားဒီမိုကရေစီအဖွဲ့ချုပ် (NLD) အစိုးရလက်ထက်၌ အကျဉ်းထောင်အသီးသီးတွင် အကျဉ်းသားအခွင့်အရေးများ ရရှိခဲ့ကြသော်လည်း၊ လက်ရှိ စစ်ကော်မရှင်လက်ထက်တွင်မူ အကျဉ်းသားအခွင့်အရေးများ ဆုံးရှုံးကာ လုံးဝကွဲပြားခြားနားနေကြောင်း ပြန်လည်လွတ်မြောက်လာသူများက သုံးသပ်ပြောဆိုကြသည်။

ရဲဘက်စခန်းများတွင် လူ ၇၀ ဝန်းကျင်ရှိသည့် အခန်းထဲ၌ အကျဉ်းသားတစ်ဦးလျှင် တစ်ပေကျော်ခန့်သာရှိသည့် နေရာတွင် ကျဉ်းကျပ်စွာ နေထိုင်ကြရသဖြင့် အချင်းချင်း ရန်ဖြစ်မှုများရှိသလို၊ ကျောက်ပွေးရောဂါများ ကူးစက်ခံရမှုများလည်း ရှိကြောင်း သိရသည်။

၂၀၂၁ ခုနှစ် စစ်တပ်အာဏာသိမ်းပြီးနောက် ရာဇဝတ်မှုဖြင့် အကျဉ်းကျခံနေရသူများသည် ရဲဘက်စခန်းများသို့ အများအပြား ပို့ဆောင်ခံခဲ့ရပြီး (အထူးသဖြင့်) ကျောက်ထုစခန်းများ၌ အကျဉ်းထောင်ဝန်ထမ်းများ၏ အကြမ်းဖက်နှိပ်စက်မှု အဆိုးဆုံးဟု သိရသည်။

ရဲဘက်စခန်းများအနက် လက်ရှိတွင် မန္တလေးတိုင်း ထုံးဖိုကျောက်ထုစခန်း၊ အမှတ် (၁) ကင်းသာ နေပြည်တော် တပ်ကုန်းကျောက်ထုစခန်းနှင့် ဖားအံကျောက်ထုစခန်းများတွင် အခြေအနေ အဆိုးဆုံးဖြစ်နေကြောင်း သိရသည်။

ဓာတ်ပုံ-လူမှုကွန်ရက်
#MPA
#HlaingInfo

Hlaing Info

Mar 29, 2026, 10:26 PM

📷 Photo

နေပြည်တော်မှာ ၁၂ နာရီကြာ မီးဖြတ်မှုအပေါ် စစ်လော်ဘီ ဟန်ငြိမ်းဦး ပြင်းပြင်းထန်ထန် ဝေဖန်

မတ်လ ၂၉ ရက်

နေပြည်တော်အပါအဝင် တစ်နိုင်ငံလုံးအတိုင်းအတာနဲ့ လျှပ်စစ်မီး ပြတ်တောက်မှုတွေ ဆိုးရွားလာနေတာနဲ့ ပတ်သက်ပြီး အာဏာသိမ်း စစ်ကော်မရှင်ရဲ့ လျှပ်စစ်စီမံခန့်ခွဲမှုပိုင်းကို စစ်တပ်ထောက်ခံသူ (လော်ဘီ) အသိုင်းအဝိုင်းကပါ ပွင့်ပွင့်လင်းလင်း ဝေဖန်မှုတွေ ပြုလုပ်လာကြပါတယ်။

အထူးသဖြင့် နေပြည်တော်လို နေရာမျိုးမှာတောင် မနက် ၆ နာရီကနေ ညနေ ၆ နာရီအထိ ၁၂ နာရီဆက်တိုက် မီးဖြတ်ထားတာဟာ ပြည်သူတွေကို အရှင်လတ်လတ် ငရဲကျအောင် လုပ်နေတာနဲ့ အတူတူပဲလို့ ပြင်းပြင်းထန်ထန် ထောက်ပြနေကြတာပါ။

မီးဘယ်အချိန်ပျက်မယ်၊ ဘယ်အချိန်ပြန်လာမယ်ဆိုတာကို တိတိကျကျ ချမပြဘဲ ဖြတ်ချင်သလိုဖြတ်၊ ပေးချင်သလိုပေး လုပ်နေတာဟာ လုံးဝအဆင်မပြေကြောင်းနဲ့ ကြိုတင်သိရမှသာ ပြည်သူတွေအနေနဲ့ လုပ်စရာရှိတာတွေကို ကြိုတင်ပြင်ဆင်ထားနိုင်မှာ ဖြစ်တယ်လို့ ဆိုပါတယ်။

"လျှပ်စစ်ဝန်ကြီးဌာန အနေနဲ့ ဘယ်ချိန် မီးဖြတ်မယ်၊ လာမယ်ဆိုတာတော့ ပြည်သူကို တိတိကျကျ ချပြသင့်တယ်၊ ဖြတ်ချင်သလို ဖြတ်ပီး ပေးချင်သလို ပေးနေတာမျိုးတော့ အဆင်မပြေနိုင်ဘူး၊ မီးဘယ်ချိန် ပျက်မယ် လာမယ်ဆိုတာ ကြိုသိရမှ မီးမပျက်ခင် လုပ်စရာရှိတာ ကြိုလုပ်ထားလို့ ရနိုင်သေးတယ်၊ နေပြည်တော်လို နေရာမျိုးမှာ မနက် ၆ နာရီ ဖြတ်ပီး ညနေ ၆ နာရီမှ ပြန်ပေးမှတော့ ဒီလောက်ပူနေတဲ့ နေ့လယ်ဘက်ကို အရှင်လက်လက် ငရဲကျခံခိုင်း နေသလိုပါပဲ" လို့ စစ်တပ်လော်ဘီ ဟန်ငြိမ်းဦးက သူ့ရဲ့ တယ်လီဂရမ်ချန်နယ်မှာ မတ်လ ၂၉ ရက်နေ့ ဒီနေ့ညမှာ ပို့စ်တင်ခဲ့တာပါ။

ဒါ့အပြင် လျှပ်စစ်မီးပေးဝေမှု ပုံစံဟာလည်း လွဲချော်နေပြီး မီးအားအလွန်အကျွံသုံးစွဲတဲ့ ဘား (Bar) တွေ၊ ကေတီဗွီ (KTV) တွေနဲ့ ဟိုတယ်ကြီးတွေ အဆင်ပြေစေဖို့အတွက် ညဘက်မှာ မီးကို အပြည့်အဝ ပေးနေသလို ဖြစ်နေတယ်လို့ ဟန်ငြိမ်းဦးက ဝေဖန်ထားပါတယ်။

သာမန်ပြည်သူတွေ အပူဒဏ်ခံနေရတဲ့ နေ့လယ်ဘက်မှာ မီးဖြတ်ပြီး စီးပွားရေးသမားတွေအတွက် ညဘက် ဦးစားပေးနေတာဟာ လွဲမှားနေတဲ့ စီမံမှုဖြစ်ကြောင်း ဟန်ငြိမ်းဦးက ထောက်ပြထားပါတယ်။

အလားတူ လျှပ်စစ်မီတာခိုးယူနေသူတွေကိုလည်း မိအောင်ဖမ်းဖို့ လိုအပ်နေပြီး အဲဒီလိုခိုးယူရာမှာ လျှပ်စစ်ရုံးက ဝန်ထမ်းတွေနဲ့ ပေါင်းပြီး ခိုးနေကြတာဖြစ်တယ်လို့လည်း ဟန်ငြိမ်းဦးက စွပ်စွဲပြောဆိုထားပါတယ်။

"ဘယ်လိုခိုးလဲ သိချင်ရင် ထပ်တင်ပေးလိုက်မယ်" ဆိုပြီးတော့လည်း သက်ဆိုင်ရာ စစ်ကော်မရှင် တာဝန်ရှိသူတွေကို ဟန်ငြိမ်းဦးက သတိပေးထားပါတယ်။

လတ်တလောမှာတော့ နေပြည်တော်လို အရေးပါတဲ့ နေရာမှာတောင် ဒီလောက်အခြေအနေ ဆိုးနေရင် အခြားဝေးလံတဲ့ ဒေသတွေမှာ ဒီထက်ပိုပြီး အခြေအနေဆိုးနေနိုင်တာကြောင့် လျှပ်စစ်ကဏ္ဍကို ထိရောက်စွာ ကိုင်တွယ်ဖြေရှင်းပေးဖို့ စစ်တပ်လော်ဘီတွေကိုယ်တိုင် တောင်းဆိုမှုတွေ ကျယ်ကျယ်လောင်လောင် ထွက်ပေါ်နေပါတယ်။

#myotaw
#HlaingInfo

Hlaing Info

Mar 29, 2026, 10:26 PM

📷 Photo

မနက်ဖြန် အကြမ်းဖက် ဒုတိယသမ္မတများနှင့် သမ္မတ ရွေးချယ်ရေး အစုအဖွဲ့အစည်း အဝေးများ စတင်မည်ဖြစ်ပြီး အကြမ်းဖက် မင်းအောင်လှိုင်က သမ္မတ၊ ညိုစောနှင့်ဒွဲဘူက ဒုသမ္မတများဖြစ်ဖွယ်ရှိဟု ခန့်မှန်းထား

မတ်လ ၂၉ ရက်

အကြမ်းဖက်စစ်တပ်က စနစ်တကျ စီစဉ်အကွက်ချထားသော သမ္မတနှင့် ဒုတိယသမ္မတများ ရွေးချယ်တင်မြှောက်ရန်အတွက် လွှတ်တော်ကိုယ်စားလှယ် အစုအဖွဲ့အသီးသီးမှ ဒုတိယသမ္မတများ အဆိုပြုရမည့် အစည်းအဝေးကို မနက်ဖြန် မတ်လ ၃၀ ရက်နေ့တွင် ကျင်းပပြုလုပ်သွားမည်ဖြစ်သည်။

လတ်တလော ကျယ်ကျယ်ပြန့်ပြန့်ထွက်ပေါ်နေသော သတင်းများအရ စစ်တပ်ကိုယ် စားလှယ်အစုအဖွဲ့က အငြိမ်းစား စစ်ဦးစီးချုပ် မင်းအောင်လှိုင်ကို ဒုတိယသမ္မတ၊ အကြမ်း ဖက် ပြည်သူ့လွှတ်တော်အစုအဖွဲ့က ညိုစောကို ဒုတိယသမ္မတ အဖြစ်လည်း ကောင်း၊ အကြမ်း ဖက် အမျိုးသားလွှတ်တော်အစုအဖွဲ့က ဒွဲဘူ သည် ဒုတိယသမ္မတ အဖြစ်လည်း ကောင်း ရွေးချယ်ကြမည်ဖြစ်သည်ဟု သိရှိရသည်။

ယင်းနောက် အကြမ်းဖက် ပြည်ထောင်စုလွှတ်တော်က မင်းအောင်လှိုင်ကို အကြမ်းဖက် သမ္မတ၊ ညိုစောကို ဒုတိယသမ္မတ ၁ နှင့် ဒွဲဘူကို ဒုတိယသမ္မတ ၂ အဖြစ် ရွေးချယ်ကြမည်ဟု သတင်းများက ကျယ်ပြန့်စွာ ခန့်မှန်းထွက်ပေါ်ခဲ့ပြီးဖြစ်သည်။

စစ်တပ်၏ ၂၀၀၈ ဖွဲ့စည်းပုံအခြေခံဥပအေရ ပြည်သူ့လွှတ်တော်အစုအဖွဲ့၊ အမျိုးသားလွှတ်တော်အစုအဖွဲ့နှင့် တပ်မတော်သား ကိုယ်စားလှယ်အစုအဖွဲ့တို့မှ ဒုတိယသမ္မတလောင်း ၁ ဦးစီကို အသီးသီး ရွေးချယ်ရမည်ဖြစ်ပြီး "သမ္မတလောင်း စိစစ်ရေးအဖွဲ့" က အရည်အချင်းစိစစ်အတည်ပြုမည်ဖြစ်သည်။

ယင်းနောက် အကြမ်းဖက် ပြည်ထောင်စုလွှတ်တော်က သမ္မတလောင်းကို ရွေးချယ်ကြမည်ဖြစ်သည်။ အကြမ်းဖက် မင်းအောင်လှိုင်သည် ၂၀၂၆ ခုနှစ် မတ်လ ၃၀ ရက်နေ့တွင် စစ်ဦးစီးချုပ်အဖြစ် ၁၅ နှစ်ပြည့် တာဝန်ယူခဲ့ပြီးနောက် အငြိမ်းစားယူကာ စစ်တပ်ကိုယ်စားလှယ်အစုအဖွဲ့က တင်သွင်းသော ဒုတိယသမ္မတ ဖြစ်လာမည်ဟု တပ်တွင်းသတင်းရင်းမြစ်များက ပြောဆိုနေကြသည်။

#KTM
#HlaingInfo

Hlaing Info

Mar 29, 2026, 10:26 PM

📷 Photo

ဟားခါးမြို့ပေါ်တွင် စစ်တပ်က လူငယ် ၃ ဦးကို ဖမ်းဆီး ရိုက်နှက်သတ်ဖြတ်ပြီး ရုပ်အလောင်းများဘေးတွင် သေနတ်ချ၍ ဓာတ်ပုံရိုက်ယူကာ တော်လှန်ရေးတပ်ဖွဲ့ဝင်များဟု လိမ်လည်ဝါဒဖြန့်

မတ်လ ၂၉ ရက်

ချင်းပြည်နယ်၊ ဟားခါးမြို့ပေါ်တွင် အကြမ်းဖက် စစ်တပ်က လူငယ် ၃ ဦးကို ဖမ်းဆီး ရိုက်နှက် သတ်ဖြတ်ပြီး ရုပ်အလောင်းများဘေးတွင် သေနတ်ချ၍ ဓာတ်ပုံရိုက်ယူကာ တော်လှန်ရေးတပ်ဖွဲ့ဝင်များဟု လိမ်လည်ဝါဒဖြန့်ခဲ့ကြောင်း Chinland Defense Force – Hakha မှ တာဝန်ရှိသူက ရန်ကုန် ခေတ်သစ် သတင်းဌာနထံသို့ ပြောကြားသည်။

‎
မတ်လ ၂၆ ရက်နေ့တွင် ဟားခါးမြို့ပေါ် နေထိုင်သော လူငယ် ၃ ဦးသည် မိသားစုကိစ္စဖြင့် မြို့ပြင်ထွက်လာစဉ် GTI ကျောင်းအောက်ရှိ စစ်တပ်၏ လွှတ်တော် ဥက္ကဠ ကောလ်လျန်ထန်း၏ နေအိမ်ဘေးမှ စစ်သားများက လေသေနတ်တွင် အသုံးပြုသော စကုတ်တစ်လုံးပါရှိမှုဖြင့် ဖမ်းဆီးပြီး တရားဥပဒေ နှင့် အညီ စစ်ဆေးမေးမြန်းမှုမပြုလုပ်ဘဲ လူမဆန်စွာ ရိုက်နှက်သတ်ဖြတ်ခဲ့ကြောင်း သိရသည်။

ထိုသို့ သတ်ဖြတ်ပြီးနောက် ရုပ်အလောင်းများအနီးတွင် ရိုင်ဖယ်သေနတ်ကို တမင်တကာအကွက် ဆင်ချထားကာ ဓာတ်ပုံရိုက်ကူးပြီး အပြစ်မဲ့ပြည်သူများကို လက်နက်ကိုင်အဖြစ် ဖန်တီးကာ လူမှု ကွန်ယက်စာမျက်နှာပေါ်တင်ထားခဲ့ကြောင်း သိရသည်။

“သတ်ဖြတ်ခံရတဲ့သူတွေက သာမန်အရပ်သားပြည်သူတွေပါ၊ Thawng Van Mang က အသက် ၃၁ နှစ်၊ Dawt Hlei Sang က အသက် ၂၈ နှစ်နဲ့ Thawng Tin Lian က အသက် ၃၇ နှစ်တို့ဖြစ်ပါတယ်” ဟု Chinland Defense Force – Hakha မှ တာဝန်ရှိသူက ရန်ကုန် ခေတ်သစ် သတင်းဌာနထံသို့ ပြောကြားသည်။

အဆိုပါ လုပ်ရပ်သည် အပြစ်မဲ့ပြည်သူကို အတုအယောင်လက်နက်ကိုင်အဖြစ်ဖန်တီးရန် ကြိုးပမ်း ခြင်းဖြစ်ပြီး အလွန်အမင်း ယုတ်မာသော လိမ်လည်လှည့်ဖြားမှုဖြစ်ကာ အမှန်တရားကို ဖုံးကွယ်လို သည့် အကြမ်းဖက် အာဏာရှင်များ၏ လုပ်ရပ်မှာ ထင်ရှားစွာ ဖော်ပြနေကြောင်း CDF Hakha ပြောဆိုထားသည်။

ဤကဲ့သို့ အပြစ်မဲ့ပြည်သူလူထုအပေါ် လူမဆန်သည့်လုပ်ရပ်များအား လုံးဝရှုတ်ချကန့်ကွက်ကြောင်း နှင့် ကျူးလွန်သူများမှ တာဝန်ယူရမည်ဖြစ်ကြောင်း ၊ သေဆုံးသွားသော လူငယ်များ၏ မိသားစုများ နှင့်အတူ ဝမ်းနည်းကြေကွဲမှုကို ထပ်တူထပ်မျှ ခံစားကြောင်း ဆက်လက်၍ အသိပေးထားသည်။

ဟားခါးမြို့ပေါ်တွင် နေထိုင်သော ပြည်သူလူထု၊ အထူးသဖြင့် လူငယ်များအားလုံးအနေဖြင့် အကြမ်း ဖက် စစ်ကောင်စီ၏ မတရားဖမ်းဆီး၊ သတ်ဖြတ်မှုများကို အလေးအနက် သတိပြုကြရန်နှင့် အကြမ်း ဖက်စစ်အာဏာရှင်စနစ် ဆန့်ကျင်တော်လှန်ရေးတွင် မိမိကိုယ်တိုင် ပါဝင်သင့်ပြီဖြစ်ကြောင်း တိုက် တွန်းထားသည်။

#KTM
#HlaingInfo

Hlaing Info

Mar 29, 2026, 10:26 PM

📷 Photo

နတ်ရေကန်တိုက်ပွဲ ပြင်းထန်နေပြီး AA တပ်ဖွဲ့များ ကပစ ၁၄ နှင့် မစခ ၉၀၅ အနီးအထိ ချဉ်းကပ်လာသဖြင့် စစ်ကော်မရှင်က လေကြောင်းပစ်ကူဖြင့် ခုခံနေရ
‎
‎မတ်လ ၂၉ ရက်
‎
မကွေးတိုင်း၊ ငဖဲမြို့နယ်ရှိ ပဒါန်းတပ်နယ်အတွင်း တိုက်ပွဲများ ပြင်းထန်နေပြီး နတ်ရေကန်ဗျူဟာအနီးရှိ စစ်ကော်မရှင်တပ်ဖွဲ့များ ပိတ်ဆို့တိုက်ခိုက်ခံနေရသဖြင့် လေကြောင်းနှင့် လက်နက်ကြီးပစ်ကူများဖြင့် အပြင်းအထန် ခုခံနေရကြောင်း သိရသည်။
‎
နတ်ရေကန်ဗျူဟာတဝိုက်နှင့် လမ်းဟောင်းဘက်တွင် တိုက်ပွဲများ ဆက်တိုက်ဖြစ်ပွားနေပြီး အာရက္ခတပ်တော် (AA) သည် ကာကွယ်ရေးပစ္စည်းစက်ရုံ ကပစ-၁၄ ၊ အမြောက်စစ်ဆင်ရေးကွပ်ကဲမှုဌာနချုပ် မစခ -၉၀၅ တို့နှင့် နီးကပ်လာသည့် အခြေအနေကြောင့် စစ်ကော်မရှင်ဘက်မှ အမြောက်တပ်ပစ်ကူများအပြင် လေ ကြောင်းမှပါ တိုက်ခိုက်နေရခြင်းဖြစ်သည်။

“ပဇီနဲ့ ဂုတ်ကြီး လမ်းပိုင်းမှာက စစ်တပ်ကနေ အင်အား ၄၀၀၊ ၅၀၀ လောက်သုံးပြီး စစ်ကြောင်းဖြန့်တက်နေတာရှိတော့ တိုက်ပွဲကဖြစ်တယ်။ လေကြောင်းကလည်း လာတယ်။ ဒရုန်းတွေလည်း ချတာပဲ” ဟု သတင်းရင်းမြစ်က ဧရာဝတီတိုင်းမ်ကို ပြောသည်။

စစ်ကော်မရှင်သည် လမ်းဟောင်းဘက်ရှိ ပဇီကျေးရွာနှင့် လိုင်ရွာတို့ကို လေကြောင်းမှ တိုက်ခိုက်ခဲ့သလို မစခ-၉၀၅ မှတစ်ဆင့် နတ်ရေကန်ဗျူဟာသို့ စစ်ကူ၊ ရိက္ခာနှင့် ခဲယမ်းများ ပို့ဆောင်နိုင်ရန် ကြိုးပမ်းနေကြောင်း သိရသည်။

ပြီးခဲ့သည့် မတ်လ ၂၃ ရက်ကလည်း ပဇီလမ်းဟောင်းတွင် အရာရှိ ပါဝင်သည့် စစ်ကော်မရှင်၏ ခဲယမ်းတင်ယာဉ်တန်း တိုက်ခိုက်ခံရပြီး သေဆုံးမှုများပြားခဲ့သည်။
‎
ထို့ပြင် ပြီးခဲ့သည့်ရက်ပိုင်းကလည်း ငဖဲမြို့နယ်၊ ကြောင်နွားသိုးဆည်အနီး စခန်းချနေသည့် အင်အား ၅၀ ခန့်ပါ စစ်ကော်မရှင်စစ်ကြောင်းကို CDF-Ashsho (အရှိုချင်းတပ်ဖွဲ့) က ဝင်ရောက်တိုက်ခိုက်ခဲ့ကြောင်း သိရသည်။

ပုံစာ-နတ်ရေကန်ဗျူဟာကုန်း(ပုံဟောင်း)
‎#AYAT
#HlaingInfo

Hlaing Info

Mar 29, 2026, 10:26 PM

📷 Photo

ဒေါ်အောင်ဆန်းစုကြည်၏ အကြမ်းမဖက် နိုင်ငံရေးလမ်းစဉ်ကို အာဏာရူးတို့ မလိုက်နာသဖြင့် စစ်ဖြစ်နေခြင်းဟု ငါးမင်းဆွေဆို

မတ်လ ၂၉ ရက်

ဒေါ်အောင်ဆန်းစုကြည်၏ အကြမ်းမဖက်သော နိုင်ငံရေးလမ်းစဉ်ကို အာဏာရူးတို့က မလိုက်နာ ကြသဖြင့် စစ်ဖြစ်နေရခြင်းဖြစ်ကြောင်း ငါးမင်းဆွေက ပြောကြားလိုက်သည်။

ငါးမင်းဆွေ(ခ) ဦးမင်းဆွေက မတ်လ ၂၈ ရက်တွင် ၎င်း၏ လူမှုကွန်ရက်ပေါ်၌ ရုပ်သံထုတ်လွှင့်ကာ အထက်ပါအတိုင်း ပြောကြားခဲ့ခြင်း ဖြစ်သည်။

"အမဒေါ်အောင်ဆန်းစုကြည်ရဲ့ နိုင်ငံရေးလမ်းစဉ်က အကြမ်းမဖက်တဲ့ နည်းပဲဗျနော်။ အကြမ်းမဖက် တဲ့ နည်းပဲ။ နိုင်ငံရေးပြဿနာကို နိုင်ငံရေးနည်းနဲ့ပဲ ရှင်းမယ်ဆိုတာ အမဒေါ်အောင်ဆန်းစုကြည်ရဲ့ နိုင်ငံရေးလမ်းစဉ်။ အဲဒီနိုင်ငံရေးလမ်းစဉ်ကို မလိုက်နာကြလို့ အခုလိုဖြစ်တာ။ အာဏာရူးတွေ အဲ့ဒီနိုင်ငံရေးလမ်းစဉ်ကိုလည်း မလိုက်နာကြဘူးနော်။ အဲဒီတော့ လူငယ်တွေပဲ သေတယ်"ဟု ငါးမင်ဆွေက ပြောသည်။

ဒေါ်အောင်ဆန်းစုကြည်ကို လွှတ်ပေးရန်နှင့် ဒေါ်အောင်ဆန်းစုကြည်ကို လွှတ်လိုက်ပါက ၎င်းတို့ အာဏာ ထိခိုက်လာမည်ကို ကြောက်နေကြသလားဟုလည်း ငါးမင်းဆွေက မေးခွန်းထုတ်သည်။

"အခုလည်း ရွေးကောက်ပွဲအတုဆို ဟိုဘက်က ပြောပြန် ၊ ဒီဘက်ကလည်း ဒေါ်အောင်ဆန်း စုကြည်ကို လွှတ်ပေးဖို့ပြောရင် တုတ်တုတ်မလှုပ်တဲ့အပြင် ကျနော့်ကိုပါ လှည့်လှည့်ပြီးတော့ ဒေါ်အောင်ဆန်းစုကြည်ကို လွှတ်ပေးရကောင်း ပြောရကောင်းလား ရန်တွေ့နေတယ်။ မတော်ရင် ကျနော့်ကိုပါ ထောင်ထဲထည့်ရင် ထည့်ဦးမှာ။ ကျနော်က လုံးဝမကြောက်ဘူးဗျ။ နိုင်ငံတော် ငြိမ်းချမ်းရေးအတွက်ပဲ ကျနော် လုပ်နေတာ။ အရင်တုန်းကလည်း နိုင်ငံတော် ငြိမ်းချမ်းရေးအတွက် လုပ်ရင်းလုပ်ရင်း ထောင်ထဲ ရောက်သွားတာပဲ"ဟု ၎င်းကဆိုသည်။

ငြိမ်းချမ်းစွာ အတူနေထိုင်ပြီး နိုင်ငံရေးပြဿနာများကို နိုင်ငံရေးနည်းလမ်းဖြင့် ဖြေရှင်းလိုကြောင်းနှင့် မြန်မာပြည်ကြီး အမြန်ဆုံး ငြိမ်းချမ်းပါစေ ဟုလည်း ပြောသည်။

စစ်ပွဲအတွင်း လူငယ်များ သေကုန်ကြပြီဖြစ်၍ အသက်၆၀ကျော် လူကြီးများ အာဏာမရူးကြရန် ငါး မင်းဆွေက တိုက်တွန်းသေးသည်။

ငါးမင်းဆွေသည် မွန်ပြည်နယ် ၊ မော်လမြိုင်မြို့မှ ကချင်ပြည်နယ် ၊ မြစ်ကြီးနားမြို့ထိ ငြိမ်းချမ်းရေးအတွက် တစ်ကိုယ်တော်လမ်းလျှောက်ရန် စီစဉ်ခဲ့ပြီး ၂၅ ရက်ခန့် လမ်းလျှောက်အပြီး မတ်လ ၂၁ ရက်၊ မန္တလေးတိုင်းနှင့် စစ်ကိုင်းတိုင်းနယ်စပ် ၊ ဧရာဝတီတံတား(ရတနာပုံ)အရောက်တွင် စစ်တပ်၏ တားဆီးခြင်း ခံခဲ့ရသဖြင့် လှည့်ပြန်ခဲ့ရကာ မတ်လ ၂၃ ရက်၌ ကျိုက်ထိုမြို့နယ်ရှိ ၎င်း၏ နေအိမ်သို့ ပြန်လည် ရောက်ရှိခဲ့သည်။

ဓာတ်ပုံ-လူမှုကွန်ရက်
#MPA
#HlaingInfo

Hlaing Info

Mar 29, 2026, 10:26 PM

📷 Photo

မြန်မာနိုင်ငံရှိ ကျားဖြန့်ဝင်းတွင် လူကုန်ကူးခံရပြီး ပိတ်လှောင်ခံထားရသည့် ဟောင်ကောင်နိုင်ငံသားတစ်ဦးကို ထိတ်လန့်ဖွယ်ရုပ်ရှင်ကဲ့သို့သော အခြေအနေများအကြားမှ ကယ်တင်နိုင်ခဲ့

မတ်လ ၂၉ ရက်

မြန်မာနိုင်ငံတွင် ပိတ်လှောင်ခံရပြီး တရားမဝင်အလုပ်များကို အဓမ္မစေခိုင်းခံခဲ့ရသည့် ဟောင်ကောင်နိုင်ငံသားတစ်ဦးကို မတ်လ ၂၈ ရက်နေ့တွင် ဘေးကင်းစွာ ကယ်တင်နိုင်ခဲ့ကြောင်း ဟောင်ကောင်လုံခြုံရေးဗျူရို (Security Bureau) က ယမန်နေ့ စနေနေ့တွင် ထုတ်ပြန်ကြေညာခဲ့သည်။

အဆိုပါ ဟောင်ကောင်နိုင်ငံသားသည် မြန်မာနိုင်ငံအတွင်း ဖမ်းဆီးပိတ်လှောင်ခံထားရစဉ် အကူအညီတောင်းခံခဲ့ခြင်းဖြစ်ပြီး၊ ဟောင်ကောင်အထူးအဖွဲ့၊ မြန်မာနှင့် ထိုင်းနိုင်ငံရှိ တရုတ်သံရုံးများ၊ ထိုင်းရဲတပ်ဖွဲ့တို့ ပူးပေါင်းကာ စစ်ဆင်ရေးတစ်ရပ်ဖြင့် ကယ်တင်ခဲ့ခြင်းဖြစ်သည်။ ၎င်းကို စနေနေ့တွင် ထိုင်းနိုင်ငံသို့ ပို့ဆောင်ပေးခဲ့ပြီး မိသားစုဝင်များနှင့် ပြန်လည်ဆုံတွေ့ပေးခဲ့သည်။

ကယ်တင်ခြင်းခံရသော ဟောင်ကောင်နိုင်ငံသားက "ထိတ်လန့်ဖွယ်ရာ ရုပ်ရှင်တစ်ကားကို ကိုယ်တိုင်ကြုံတွေ့နေရသလို ခံစားခဲ့ရကြောင်း" ပြောဆိုခဲ့ပြီး ၎င်းကို ကယ်တင်ပေးခဲ့သည့် အဖွဲ့ဝင်များကို ကျေးဇူးတင်ရှိကြောင်း ပြောကြားခဲ့သည်။

“ဒီဟောင်ကောင်နိုင်ငံသားက သူဖြတ်သန်းခဲ့ရတဲ့ ရက်အနည်းငယ်ဟာ ထိတ်လန့်ဖွယ်ရုပ်ရှင်တစ်ကားကို ကြုံတွေ့ခဲ့ရသလိုပဲလို့ ပြောပါတယ်။ သူ့ကို အကျဉ်းအကျပ်ထဲကနေ ကယ်ထုတ်ဖို့ ထိုင်းနိုင်ငံအထိ လာရောက်ခဲ့တဲ့ အထူးလုပ်ငန်းအဖွဲ့ဝင်တွေကိုလည်း ကျေးဇူးတင်စကား ပြောကြားခဲ့ပါတယ်” ဟု ဟောင်ကောင်လုံခြုံရေးဗျူရို (Security Bureau) ၏ ထုတ်ပြန်ချက်တွင် ဖော်ပြထားသည်။

၎င်း၏ မိသားစုဝင်များကလည်း အဆိုပါဖြစ်ရပ်မှာ "တန်ဖိုးရှိသော သင်ခန်းစာတစ်ခု" ရရှိခဲ့ကြောင်းနှင့် မြန်ဆန်ထိရောက်သော ကယ်ဆယ်ရေးအတွက် ချီးကျူးခဲ့ကြသည်။

ဟောင်ကောင်လုံခြုံရေးဗျူရိုမှ အစိုးရလုံခြုံရေးအရာရှိ Joe Chan ဦးဆောင်သောအဖွဲ့သည် လက်ရှိတွင် ထိုင်းနိုင်ငံ၌ ရောက်ရှိနေပြီး ထိုင်းလူကုန်ကူးမှုတားဆီးနှိမ်နင်းရေးရဲတပ်ဖွဲ့ (ATPD) မှ ရဲချုပ် Police Major General Vitthaya Sripasertpap နှင့် တွေ့ဆုံကာ ကယ်တင်ခံရသူအား ဟောင်ကောင်သို့ အမြန်ဆုံးပြန်လည်ခေါ်ဆောင်နိုင်ရန် စီစဉ်လျက်ရှိသည်။

ဟောင်ကောင်အစိုးရ၏ ထုတ်ပြန်ချက်အရ ၂၀၂၄ ခုနှစ်မှစတင်ကာ အရှေ့တောင်အာရှနိုင်ငံများတွင် ပိတ်လှောင်ခံရပြီး အဓမ္မစေခိုင်းခံရသည့် ဟောင်ကောင်နိုင်ငံသား ၃၂ ဦးထံမှ အကူအညီတောင်းခံမှုများ ရရှိခဲ့ကြောင်း သိရသည်။

၎င်းတို့အနက် ယခုနောက်ဆုံးကယ်တင်ခံရသူအပါအဝင် ၂၉ ဦးမှာ ဟောင်ကောင်သို့ ဘေးကင်းစွာ ပြန်လည်ရောက်ရှိခဲ့ပြီဖြစ်ကြောင်း ဖော်ပြထားသည်။

#KTM
#HlaingInfo

Hlaing Info

Mar 29, 2026, 10:26 PM

📷 Photo

ဧရာဝတီစစ်မျက်နှာတွင် အထိနာနေပြီး ဒဏ်ရာရ၍ ဆေးလာကုနေသည့် ဗိုလ်မှူးသေဆုံး

‎မတ်လ ၂၉ရက်
‎
ဧရာဝတီတိုင်းအတွင်း တိုက်ပွဲများပြင်းထန်နေသည့် စစ်မျက်နှာပြင်များမှ ထိခိုက်ဒဏ်ရာရလာသည့် စစ်ကော်မရှင်တပ်ဖွဲ့ဝင်များကို ပုသိမ်မြို့တွင် ဆေးကုသပေးနေရပြီး ၎င်းတို့အနက်မှ ဗိုလ်မှူးတစ်ဦး ဆေးကုသရင်း သေဆုံးသွားကြောင်း သိရသည်။

အသက် (၃၆) နှစ်အရွယ်ရှိ စစ်ကော်မရှင်တပ်မှ ဗိုလ်မှူးတစ်ဦးသည် ဒဏ်ရာအပြင်း အထန်ရ၍ ပုသိမ် အနောက်တောင်တိုင်းစစ်ဌာနချုပ်(နတခ)၊ စစ်မြေပြင်ဆေးတပ်ရင်း မဆရ-၄ တွင် ဆေးကုသနေသည့် သေဆုံးခဲ့သည်။

ထို့ကြောင့် အဆိုပါ ဗိုလ်မှူးအလောင်းကို ပြီးခဲ့သည့် မတ်လ ၂၆ ရက်က ရွှေမြင်တင် မီးသင်္ဂြိုဟ်စက်၌ စစ်ကားများအပါအဝင် ယာဉ်တန်းဖြင့် လာရောက်သဂြိုဟ်သွားကြောင်း ‎သတင်းအထူးတပ်ဖွဲ့ ပုသိမ်ထံမှ သိရသည်။
‎
‎"အမြောက်တပ်-၃၄၄ က ထွက်လာသမျှစစ်ကြောင်းတိုင်း ပိတ်ဆို့တိုက်တာခံရပြီး အသေအပျောက်များနေတယ်။ ညဘက်တွေမှာ ပုသိမ်ကို ဖောကားတွေနဲ့ စစ်သားလူနာတွေတင်လာတာရှိတယ်" ဟု ပုသိမ်သတင်းရင်းမြစ်က ဧရာဝတီတိုင်းမ်ကို ပြောသည်။
‎
လက်ရှိတွင် အင်္ဂပူနှင့် လေးမျက်နှာမြို့နယ်တို့ရှိ မြောက်စမ်းအမြောက်တပ် (အမတ ၃၄၄) မှ ထွက်လာသည့် စစ်ကြောင်းများမှာ နေ့စဉ်နှင့်အမျှ အထိနာနေပြီး သီတာကုန်းပြင်နှင့် စက်စက်ယို ကျေးရွာများဘက်သို့ စစ်ကြောင်းထိုးနေသည့် စစ်ကော်မရှင်တပ်များမှာ အာရက္ခတပ်တော် (AA) နှင့် တော်လှန်ရေးတပ်ဖွဲ့များ၏ ပိတ်ဆို့တိုက်ခိုက်မှုကို ခံနေရခြင်းဖြစ်သည်။

စစ်ကော်မရှင်ဘက်မှ သေဆုံးထိခိုက်မှု များပြားနေသဖြင့် ကျုံပျော်တပ်ရင်းနှင့် စစ်မှုထမ်းတပ်သားသစ်များကို သုံးကာ အရေးပေါ် စစ်ကူဖြည့်တင်းနေရကြောင်း သိရသည်။

ထိခိုက်ဒဏ်ရာရသူများနှင့် သေဆုံးသူများကို ညအချိန်တွင် မိုးကာအုပ်ထားသည့် ဖောကားများဖြင့် ပုသိမ်ရှိ မဆရ (၄) သို့ သယ်ယူပို့ဆောင်နေရပြီး အခြေအနေစိုးရိမ်ရသည့် အရာရှိအချို့ကိုမူ ရန်ကုန်ရှိ စစ်ဆေးရုံများသို့ လွှဲပြောင်းပေးနေရကြောင်း သိရသည်။

‌‎ကျုံပျော်တပ်ရင်းနှင့် စစ်မှုထမ်းတပ်သားသစ်များကို သုံးပြီး အရေးပေါ်စစ်ကူဖြည့်နေရသည့် စစ်ကော်မရှင်တပ်သည် ထိခိုက်ဒဏ်ရာရသူများနှင့် သေဆုံးသူများကို မိုးကာအုပ်ကာထားသည့် ဖောကားများဖြင့် ညအချိန်တွင် ပုသိမ်သို့ပြန်လည်သယ်ယူနေရသည်။
‎
‎ပုသိမ် မဆရ ၄တွင်ဒဏ်ရာရသူများကို ပို့ဆောင်ကုသပေးနေရပြီး အရာရှိအချို့ကို ရန်ကုန် စစ်ဆေးရုံသို့ပို့ပေးနေကြောင်း သိရသည်။
‎
ဓာတ်ပုံ-စစ်ကော်မရှင်တပ်မှသေဆုံးသူ အရာရှိတစ်ဦး၏ အလောင်းကိုတွေ့ရစဉ် (ပုံဟောင်း)
#AYAT
#HlaingInfo

Hlaing Info

Mar 29, 2026, 10:26 PM

📷 Photo

ဟားခါးလူငယ် ၃ ဦးကို သတ်ဖြတ်ပြီး လက်နက်ကိုင်အဖြစ် အကွက်ဆင်သည့် စစ်ကော်မရှင်ကို ရှုတ်ချ

မတ်လ ၂၉ ရက်

ချင်းပြည်နယ်၊ ဟားခါးမြို့တွင် မြို့ခံလူငယ်သုံးဦးကို စစ်တပ်ကသတ်ဖြတ်ပြီး အတုအယောင်လက်နက်ကိုင်အဖြစ် ဖန်တီးခဲ့ခြင်းအပေါ် CDF Hakha က ပြင်းထန်စွာကန့်ကွက်ရှုံ့ချလိုက်သည်။

မတ်လ ၂၃ရက်က ဟားခါးမြို့၊ အစိုးရစက်မှုလက်မှုသိပ္ပံ (ဟားခါး) ကျောင်းအနီး တရားမဝင် ချင်းပြည်နယ်လွှတ်တော်ဥက္ကဌ ဦးကောလ်လျန်ထျန်း၏ နေအိမ်ဘေးတွင် စစ်ကော်မရှင်တပ်သားများက ယင်းလူငယ်သုံးဦးကို ဖမ်းဆီးကာ ရိုက်နှက်သတ်ဖြတ်ခဲ့ပြီးနောက် အလောင်းများအနီးတွင် ရိုင်ဖယ်သေနတ်ကို ချထားကာ ပြည်သူကို အတုအယောင် လက်နက်ကိုင်အဖြစ် ဖန်တီးခဲ့သည်ကို ရှုံ့ချကန့်ကွက်ကြောင်းနှင့် ကျူးလွန်သူများ ပြန်လည်တာဝန်ယူရမည်ဖြစ်ကြောင်း CDF Hakha က ထုတ်ပြန်သည်။

" လေသေနတ်အတွက် စကုတ်တစ်လုံးပါလာတာတော့ ရှိတယ်။ မြို့ပြင်ထွက်လာကြတာကို GTI နားက စစ်သားတွေက ဖမ်းပြီး ရိုက်နှက်သတ်ဖြတ်ခဲ့တာပါ။ မိသားစုဝင်တွေက ဖမ်းဆီးခံရပြီး ထောင်ထဲရောက်သွားတယ်ထင်နေကြတာ။ မိသားစုဝင်တွေရော ဘာသာရေးခေါင်းဆောင်‌တွေရော ပြန်လွှတ်ပေးဖို့ သွားတောင်းဆိုကြသေးတယ်။ မထူးဘူး။ ဖမ်းခံရပြီး နောက်တရက်မှာ စစ်တပ်လော်ဘီတွေက သူတို့အလောင်းပုံတွေ တင်လာကြပေမဲ့ ဘယ်သူဘယ်ဝါမှန်း သတိမထားလိုက်မိကြဘူး။ မနေ့ကတော့ မိသားစုတွေဆီ သေဆုံးသွားပြီဖြစ်ကြောင်း အကြောင်းကြားလာတယ်။" ဟု ဟားခါးမြို့သတင်းရင်းမြစ်က MPA ကို ပြောသည်။

မတရား ရိုက်နှက်သတ်ဖြတ်ခံရသူများမှာ ဦးထောင်လှေမန်း၊ ဦးထောင်သင်ထန်း နဲ့ ဦးထောင်ဗန်မန်း တို့ဖြစ်ကြပြီး အလောင်းများကို မိသားစုများထံ ပြန်လည်ပို့ဆောင်ခြင်းမရှိကြောင်း ၎င်းကပြောသည်။

" ၂၀ရက်နေ့ကလည်း ပြည်နယ်လွှတ်တော်ခေါ်နေချိန် ဒရုန်းနဲ့ချထားခံရတော့ လုံခြုံရေးတင်းကျပ်နေတဲ့အချိန်မှာ ဖြစ်သွားတယ်ပဲ ပြောရတော့မယ်။ အရင်က အဲဒီနေရာမှာ ဂိတ်လည်းမရှိသလို စစ်ဆေးတာမျိုးလည်း မလုပ်ဖူးဘူး။" ဟု ၎င်းကပြောသည်။

ဟားခါးမြို့ပေါ်တွင် နေထိုင်ကြသည့် ပြည်သူလူထု၊ အထူးသဖြင့်လူငယ်များအနေဖြင့် စစ်တပ်၏ မတရားဖမ်းဆီးသတ်ဖြတ်မှုများကို အလေးနက်သတိပြုကြရန်နှင့် စစ်တပ်ကို ဆန့်ကျင်တော်လှန်ရာတွင် ကိုယ်တိုင်ပါဝင်သင့်ပြီဖြစ်ကြောင်း CDF Hakha က ဆိုသည်။

ထို့အပြင် သေဆုံးသွားသည့် လူငယ်သုံးဦး၏ မိသားစုဝင်များနှင့်ထပ်တူ ဝမ်းနည်းရကြောင်း ထုတ်ပြန်ထားသည်။

ဓာတ်ပုံ - လူမှုကွန်ရက်၊ Fifty Two News ၊ သေဆုံးသွားသော လူငယ်သုံးဦး
#MPA
#HlaingInfo

Hlaing Info

Mar 29, 2026, 10:26 PM

📷 Photo

သထုံမြို့ အာဝါဒေးပွဲသို့လာသော လူငယ်များ ပျောက်ဆုံးနေ

မတ်လ ၂၉ ရက်

မွန်ပြည်နယ်၊သထုံမြို့ အာဝါဒေးပွဲသို့လာသော လူငယ်များ ပျောက်ဆုံးနေကြောင်း သိရသည်။

သထုံမြို့၊လိပ်အင်းရပ်ကွက်၊လေယာဉ်ကွင်းဟောင်းတွင် မတ်လ၂၆ရက်ညက စတင်ပြုလုပ်နေသော ဈေးရောင်းပွဲအမည်ခံ လောင်းကစားဝိုင်း အာဝါဒေးပွဲသို့ လာသည့် လူငယ်အမျိုးသား ၁၀ဦး ယနေ့ (မတ်၂၉ရက်)အချိန်ထိ အိမ်ပြန်မရောက်ကြောင်း မွန်ပြည်နယ်ပကဖ ထံက သိရသည်။

“ အင်းဝိုင်းရွာကနေလာတဲ့ လူငယ်၈ယောက် ပျောက်နေတယ်။နောင်ဘိုက ၂ယောက်လည်း ပျောက် နေတယ်။စစ်မှုထမ်းအတွက် ပေါ်တာဆွဲခံရတယ်လို့ ထင်ကြတယ်”ဟု မွန်ပြည်နယ်ပကဖ၊ဒုတာဝန်ခံ စောထူးအောင်က MPAသို့ပြောသည်။

မတ်လ၂၈ရက်ညက အာဝါဒေးပွဲမှ ဆိုင်ကယ်များဖြင့် ပြန်လာသည့် နောင်ဘိုရွာသားများအနက် နောက်ဆုံးမှ လိုက်ပါလာသည့် လူငယ်၂ယောက်စီး ဆိုင်ကယ်မှာ ရွာသိ့ ပြန်မရောက်လာတော့ ကြောင်း သိရသည်။

“ဘယ်မှာ ဘာဖြစ်ပြီး ကျန်ခဲ့တာလဲမသိဘူး။ဒီနေ့ထိ ပျောက်နေတယ်”ဟု ၎င်းက ဆက်လက် ပြောသည်။

မတ်၂၇ရက်ညက သထုံမြို့နယ်၊အင်းဝိုင်းရွာမှ အာဝါဒေးပွဲသို့လာသော လူငယ်၈ဦးလည်း ပျောက်ဆုံး နေကြောင်း သိရသည်။

“ပွဲနဲ့ မျှားပြီး စစ်မှုထမ်းအတွက် ပေါ်တာဆွဲတာ သေချာပါတယ်။အဲဒီလိုပဲ လုပ်နေတာလေ။လူငယ် တွေကလည်း ရပါတယ်ဆိုပြီး သွားကြလာကြတော့ ဒုက္ခတွေ့တာပဲ”ဟု သထုံမြို့၊မင်းလမ်းနေ ပြည်သူတစ်ဦးက ပြောသည်။

သထုံမြို့ပေါ်တွင် ဈေးရောင်းပွဲခေါင်းစဉ်ဖြင့် လောင်းကစားဝိုင်းသွင်းခြင်းမှာ ယခု ပထမဆုံးအကြိမ် ဖြစ်ပြီး မည်သည့်ရက်၌ အာဝါဒေးပွဲ ပြီးမည်ကို မသိကြောင်း ၎င်းက ဆိုသည်။

ဓာတ်ပုံ-ပေးပို့,သထုံမြို့ အာဝါဒေးပွဲ။
#MPA
#HlaingInfo

Hlaing Info

Mar 29, 2026, 10:26 PM

📷 Photo

အင်းစိန်ဆေးရုံတွင် ဆေးကုသနေသည့် နိုင်/ကျဉ်းအပါအဝင် အကျဉ်းသား ၂ ဦးကို အင်းစိန်မြို့နယ်ရဲမှူး သိန်းဝင်း ကိုယ်ထိလက်ရောက် ရိုက်နှက်

မတ်လ ၂၉ ရက်

ရန်ကုန်မြို့၊ အင်းစိန်ဆေးရုံတွင် ဆေးကုသနေသည့် နိုင်/ကျဉ်းအပါအဝင် အကျဉ်းသား ၂ ဦးကို အင်းစိန်မြို့နယ်ရဲတပ်ဖွဲ့မှူး ဖြစ်သူ ရဲမှူး သိန်းဝင်း ကိုယ်ထိလက်ရောက် ရိုက်နှက်ခဲ့ကြောင်း အကျဉ်းထောင်သတင်းရင်းမြစ်တစ်ခုထံမှ သိရှိရသည်။

ရန်ကုန်မြို့၊ အင်းစိန်အကျဉ်းထောင်ဆေးရုံရှိ အကျဉ်းသားဆေးကုသဆောင် (Guard Ward) တွင် ဆေးကုသမှုခံယူနေသည့် နာတာရှည်ဝေဒနာရှင် နိုင်ငံရေးအကျဉ်းသားတစ်ဦးနှင့် အခြားအကျဉ်းသားတစ်ဦးတို့အား အင်းစိန်မြို့နယ်ရဲမှူး သိန်းဝင်းက ကိုယ်ထိလက်ရောက် ရိုက်နှက်မှုများ ကျူးလွန်ခဲ့ကြောင်း သိရသည်။

မတ်လ ၁၂ ရက်နေ့တွင် အင်းစိန်ဆေးရုံ Guard Ward ၌ ခါးနာနှင့် အာရုံကြောညပ်ဝေဒနာကြောင့် ဆေးကုသမှုခံယူနေသည့် အသက် ၃၈ နှစ်အရွယ် နိုင်ငံရေးအကျဉ်းသား ထံသို့ မြို့နယ်ရဲမှူး သိန်းဝင်း ရောက်ရှိလာခဲ့ကြောင်း၊ ရဲမှူးက ကိုကျော်ကိုလင်းကို ဆဲဆိုကြိမ်းမောင်းပြီး မျက်နှာကို ရိုက်နှက်ခြင်း၊ နာတာရှည်ဝေဒနာ ခံစားနေရသည့် ခါးကို ကန်ကျောက်ခြင်းများ ပြုလုပ်ခဲ့ကြောင်း သိရှိရသည်။

ယင်းအပြင် အသက် ၆၂ နှစ်အရွယ် အခြားအကျဉ်းသားတစ်ဦးဖြစ်သူ ကိုလည်း ရဲမှူး သိန်းဝင်းက ထပ်မံရိုက်နှက်ကန်ကျောက်ခဲ့ရာ အရိုက်ခံရသူမှာ ကြမ်းပြင်ပေါ်သို့ လဲကျသွားပြီး ပြန်မထနိုင်သည့် အခြေအနေအထိ ဖြစ်ပွားခဲ့ကြောင်း သိရသည်။

အကျဉ်းသား ၂ ဦးကို ရိုက်နှက်မှု ကျူးလွန်သူ ရဲမှူးသိန်းဝင်းက "မင်းတို့ ဘာကောင်ဖြစ်ဖြစ် ဂုတ်ချိုးသတ်လို့ရတယ်" ဟု ခြိမ်းခြောက်ပြောဆိုခဲ့သည့်အပြင် လူနာများ၏ အဝတ်အစား၊ အစားအသောက်နှင့် ဆေးဝါးများကိုပါ သိမ်းဆည်းရန် အမိန့်ပေးခဲ့သည်။

ထို့ပြင် မိသားစုဝင်များက လိုအပ်သည့် ဆေးဝါးနှင့် စားစရာများ လာရောက်ပို့ဆောင်ပေးခြင်းကိုပါ ပိတ်ပင်ခဲ့ခြင်းကြောင့် လူနာများအတွက် ကြီးမားသည့် အခက်အခဲများ ကြုံတွေ့ခဲ့ရသည်။

အဆိုပါ နိုင်ငံရေးအကျဉ်းသားနှင့်အကျဉ်းသားသည် ဆေးရုံတွင် နေထိုင်စဉ်အတွင်း မည်သည့်စည်းကမ်းဖောက်ဖျက်မှုမျှ မရှိဘဲ ကောင်းမွန်စွာ နေထိုင်ခဲ့ကြောင်း သိရှိရသည်။

အင်းစိန်မြို့နယ်ရဲမှူး သိန်းဝင်းက အကျဉ်းသားများအပေါ် လူ့အခွင့်အရေး ချိုးဖောက်မှု၊ အာဏာအလွဲ သုံးစားလုပ်မှုနှင့် ဥပဒေမဲ့ ပြုကျင့်မှုများ ကျူးလွန်ခဲ့ကြောင်း သိရှိရသည်။

#KTM
#HlaingInfo

Showing 30 of 30 posts

No more posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

Anders Behring Breivik death sentence NOW - a person who killed at least 78 people in Norway living better than homeless

610

Intel Republic

107k0

Loading recommended channels...

Hlaing Info

Hlaing Info

Ranking

Participant Growth (Last 10 Days)

Latest Posts

Rating

User Reviews (0)

Related Telegram Channels

War Monitor

Our News, Today

𝕂𝕟𝕠𝕨𝕝𝕖𝕕𝕘𝕖 𝕒𝕟𝕕 𝔽𝕒𝕔𝕥𝕤

Calendar Signals

Newsmakers

Boinkers News

Anders Behring Breivik death sentence NOW - a person who killed at least 78 people in Norway living better than homeless

Intel Republic

Related Telegram Channels

War Monitor

Our News, Today

𝕂𝕟𝕠𝕨𝕝𝕖𝕕𝕘𝕖 𝕒𝕟𝕕 𝔽𝕒𝕔𝕥𝕤

Calendar Signals

Newsmakers

Boinkers News

Anders Behring Breivik death sentence NOW - a person who killed at least 78 people in Norway living better than homeless

Intel Republic

User Reviews (0)

Latest Posts