#УМРА_ҚЎЛЛАНМАСИ
Хушдан кетган кишининг эҳроми
Умра зиёратига кетаётган одам хушидан кетиб қолса ёки касал бўлиб, чуқур уйқу ҳолатига тушиб қолса, ёнидаги шериклари ёки бегона бирорта одам унинг номидан лаббайка айтса, у ҳам эҳромга кирган бўлади, унинг номидан талбия айтаётган киши ўзи учун ҳам албатта алоҳида лаббайка айтиши керак, лекин қайси бири учун аввал айтиши муҳим эмас. Бировнинг номидан талбия айтмоқчи бўлган одам “Аллоҳим, бу инсон умра қилмоқчи, Ўзинг унга осон қил ва даргоҳингда қабул эт”, деб дуо қилиб, сўнг унинг номидан талбия айтади. Хушидан кетган одам бу ишларни олдиндан бировга тайинлаб, кўрсатма бериб қўйган бўлмаса ҳам, кимдир ўз ихтиёри билан буларни қилса, дуруст бўлаверади, албатта ўзи аввалдан кўрсатма берган бўлиши керак деган шарт қўйилмайди. Шунингдек, хуши ўзида бўлмаган одамни эҳромга киритиш учун кийимларини ечиб, изор ва ридо ўратиш шарт қилинмайди.
Агар бир киши соғ вақтида эҳром ўраб, сўнг йўлда хушидан кетиб қолса, уни Маккагача олиб кетиш шерикларининг зиммасига тушади .
Хушдан кетган одамдан эҳромда ман қилинган ишлардан бири содир бўлса, унинг хуши ўзида эмаслиги жавобгарликдан озод қила олмайди, яъни соғ одам қилгани каби садақа ёки жонлиқ вожиб бўлаверади, гарчи бу ҳолатда унинг ихтиёри бўлмаса ҳам. Бу вазиятда унинг шерикларига бирор нарса вожиб бўлмайди, чунки у ўзининг номидан эҳромга кирган, хушидан кетган одам учун шунчаки ўринбосар сифатида ният қилиб, талбия айтиб қўйган, холос.
Проф. Др. Салоҳ Абул Ҳожнинг «Ҳанафий мазҳабига кўра умра қўлланмаси» китобидан
👉
Бизни ижтимоий тармоқларда кузатиб боринг! 👇
https://www.facebook.com/shayxsolah/ |
https://www.instagram.com/ulamolar_yogdusi/ |
https://www.youtube.com/@ShayxSalohAbulhoj | http://tiktok.com/@ulamolar_yogdusi
