Nikodimos Christian center

Public

Can't Join? @nikodimosshow

6.6k Members

Updated: May 14, 2026 at 3:54 PM

Nikodimos Christian center

Nikodimos Show is a unique program which is hosted by the famous Ethiopian Gospel Singer Tigist Ejigu, https://www.facebook.com/tigist.ejigu.5 This show is working on creating awareness on sensitive Christian issues inside the Church of Ethiopia.

Follow @nikodimosshow to stay updated with the latest program and famous trends and news

Ranking

Global Ranking

#456

Language Ranking

#45

Category Ranking

#23

-1

Participant Growth (Last 6 Days)

Total: 6.6K

24h growth: -2 0%

Latest Posts

Nikodimos Christian center

May 24, 2026, 08:27 AM

📷 Photo

254ኛ ቀን
በኢትዮጵያ ሰዓት አቆጣጠር ዘወትር ከምሽቱ 3:00 ሰዓት ቲክቶክ live እና ቴሌግራም ላይ  ኑ የእግዚአብሔርን ቃል እናጥና::

ዛሬ የምናነበው ክፍል ትንቢተ ሕዝቅኤል ምዕራፍ  19-21

የዩቱብ  የቲክቶክ እና የቴሌግራም ሊንኮችን ከታች  ታገኛላችሁ👇

YOUTUBE#1:- http://www.youtube.com/NikodimosShow
YOUTUBE#2:- http://www.youtube.com/@thewordwithtg316
TIKTOK#1:- http://tiktok.com/tigistejiguwondmu
TIKTOK#2:-  http://tiktok.com/nikodimoschrstiancenter
TELEGRAM:-

620

Nikodimos Christian center

May 24, 2026, 08:27 AM

በአስቸጋሪ ጊዜያት ፍለጋችንን አናቋርጥ

3. ጥማታችንን ወደ ፀሎት እንቀይረው

4. ችግሩን ሳይሆን የሙሽራችንን ውበት እናሰላስል

553

Nikodimos Christian center

May 24, 2026, 08:27 AM

መኃልየ መኃልይ ዘሰሎሞን ምዕራፍ 6-7

የታደሰ (የተመለሰ) የፍቅር ግንኙነት

“1አንቺ ከሴቶች ሁሉ የተዋብሽ!
ወዳጅሽ ወዴት ሄደ?
እኛም አብረንሽ እንድንፈልገው
የሄደበትን አቅጣጫ ንገሪን።”(አ.ት)

ውዷን የገለፀችበት መንገድ ቆነጃጅቱ ፍላጎቱ እንዲያድርባቸው አደረጋቸው

እውነተኛና ከፍቅር የወጣ ምስክርነታችን ሰዎች ክርስቶስን እንዲፈልጉት ያነሳሳል

የዮሐንስ ወንጌል 1
41እንድርያስ በመጀመሪያ ወደ ወንድሙ ወደ ስምዖን ሄደና “መሲሕን አገኘነው!” አለው። (መሲሕ ማለት ክርስቶስ ማለት ነው።) (አ.ት)

ምስክርነታችን ለሰዎች መረጃ ከመስጠት ባለፈ ልባቸውን ለክርስቶስ ፍቅር ሊያነሳሳ ይገባል

“2ውዴ የበጎቹን መንጋ ለማሰማራትና
ውብ አበባን ለመቅጠፍ፥
የሽቶ ዕፀዋት ወደሚገኙበት የአትክልት ቦታው ወርዶአል።”(አ.ት)

አሁን ሙሽራዋ የት እንዳለ ታውቃለች
“በእትክልቱ ስፍራ” የፍቅር ህብረት በሚያደርጉበት ስፍራ ነው ያለው

“3ውዴ የእኔ ነው፤ እኔም የእርሱ ነኝ፤
በሱፍ አበባዎች መካከል መንጋውን ያሰማራል።”(አ.ት)

የመራራቅና የመተላለፍ ጊዜ አብቅቶ ግንኙነታቸው እንደታደሰ እናያለን

የዮሐንስ ወንጌል 10
27 በጎቼ ድምፄን ይሰማሉ እኔም አውቃቸዋለሁ ይከተሉኝማል፤

ጊዜያዊ መራራቅ ዘላለማዊ ትስስራችንን አይበጥሰውም

ከቁጥር 4-10 ሙሽራው በድጋሚ ስለ ሙሽሪት ውበት ይናገራል

ምዕራፍ 5 ላይ ስለተፈጠረው ነገር በመገሰፅ አይጀምርም

“4ፍቅሬ ሆይ! እንደ ቲርጻ ከተማ የተዋብሽ ነሽ፤
እንደ ኢየሩሳሌምም እጅግ ያማርሽ ነሽ፤
የጦር ዓርማ ይዞ እንደሚጓዝ ሠራዊት
የሚያስፈራ ግርማ አለሽ።”(አ.ት)

ፀጋ ሲመልሰን ቀድሞ ከነበረን ስፍራ ዝቅ አድርጎ አይደለም የሚያስቀምጠን:: ጌታ ጴጥሮስን ከከዳበት ሲመልሰው በፍቅርና ቀድሞ በነበረው ክብር እንጂ በማንኳሰስ አይደለም

የዮሐንስ ወንጌል 21
17 ጠቦቶቼን ጠብቅ አለው። ሦስተኛ ጊዜ። የዮና ልጅ ስምዖን ሆይ፥ ትወደኛለህን? አለው። ሦስተኛ። ትወደኛለህን? ስላለው ጴጥሮስ አዘነና። ጌታ ሆይ፥ አንተ ሁሉን ታውቃለህ፤ እንድወድህ አንተ ታውቃለህ አለው። ኢየሱስም። በጎቼን አሰማራ።

ሉቃስ 15 ላይ ያለው አባት ልጁን የተቀበለው እንደባርያ ሳይሆን ቀድሞ በነበረው የልጅነት ክብር ነው

“10ይህች እንደ ብርሃን የምትፈልቅ፥
እንደ ጨረቃ የምትደምቅ፥
እንደ ፀሐይ የምታበራ፥
የጦር ዓርማ ይዞ እንደሚጓዝ ሠራዊት
ግርማዋ የሚያስፈራ፥
እርስዋ ማን ናት?”(አ.ት)

ሙሽራው ክርስቶስ ብርሀን እንደሆነ ሁሉ ሙሽሪት ቤተክርስቲያንም ከእርሱ የተነሳ ታበራለች

“አርማ ይዞ በሰልፍ እንደሚጓዝ …….የምታስፈራ”

አርማ የሌለውና ያለሰልፍ የሚሄድ አያስፈራም ግርማም የለውም

“11. በሸለቆው ውስጥ አዲስ የበቀሉትን አትክልቶች ለማየት፣ወይኑ ማቈጥቈጡን፣ሮማኑ ማበቡን ለመመልከት፣ወደ ለውዙ ተክል ቦታ ወረድሁ።”(አ.መ.ት)

ከመመለስ በኋላ ሁልጊዜም ፍሬ አለ:: በመመላሳችን ጥሩ ስሜት ማግኘት በቂ አይደለም ፍቅር ፡ ቅድስና ፡ አገልግሎት ፡ ሰላም ፡ ምስክርነትና የመሳሰሉት በህይወታችን መመለስ አለባቸው

“12 ፤ ሳላውቅ ነፍሴ በከበረው ሰረገላ ላይ አስቀመጠችኝ።”

አንዳንድ ጊዜ ልባችን አዕምሯችን ቀድሞ ወደ ክርስቶስ ይሳባል:: ይህንን መሳብ ችላ ልንለው አይገባም

“13አንቺ ሱላማዊት ሆይ! ነዪ ተመለሺ፤
በደንብ አድርገን እንድንመለከትሽ ነዪ ተመለሺ።”(አ.ት)

የእግዚአብሔር ልብ ሁል ጊዜም እንድንመለስና እንድንታደስ ነው የሚሻው:: ወደ ፀሎት ፡ ወደ አምልኮ ፡ ወደ እግዚአብሔር ቃል ፡ ወደ ቀደመው ፍቅራችን እንመለስ !

ምን እንማር ?

1. ወደ አትክልት ስፍራችን እንመለስ ቃሉንና ፀሎትን እናንሳ

2. በሚሰማን ስሜት ላይ ሳይሆን በኪዳኑ ላይ ተመሰርተን እንቁም

3. በመመለስ ውስጥ ያለውን የክርስቶስን የፍቅር ድምፅ ለመቀበል የተዘጋጀ ልብ ይኑረን

4. የንስሀ ፍሬ እናፍራ


መኃልየ መኃልይ ዘሰሎሞን ምዕራፍ 7

“1ልዕልት ሆይ!
እግሮችሽ በነጠላ ጫማ ውስጥ ሲታዩ እንዴት ያምራሉ!
ዳሌዎችሽ በብልኅ አንጥረኛ እጅ የተሠራ የዕንቊ ጌጥ ይመስላሉ፤”(አ.ት)

ከሁሉ አስቀድሞ እግሮቿንና አካሄዷን ያደንቃል የአካሄድ መንፈሳዊ ትርጓሜ የህይወት ዘይቤ ነው

ወደ ኤፌሶን ሰዎች 4
1እንግዲህ በጌታ እስር የሆንሁ እኔ በተጠራችሁበት መጠራታችሁ እንደሚገባ ትመላለሱ ዘንድ እለምናችኋለሁ፤

ወደ ገላትያ ሰዎች 5
16 ነገር ግን እላለሁ፥ በመንፈስ ተመላለሱ፥ የሥጋንም ምኞት ከቶ አትፈጽሙ።

አካሄዴ ውዴን ደስ ያሰኘዋልን ?

1-9 ከእግር ጀምሮ እስከራሷ ሁለንተናዋን ያደንቀዋል ሙሽራዋ ስለ ከፊል አካሏ ሳይሆን ስለ ሁለንተናዋ ግድ ይለዋል

1ኛ ወደ ተሰሎንቄ ሰዎች 5
23 የሰላምም አምላክ ራሱ ሁለንተናችሁን ይቀድስ፤ መንፈሳችሁም ነፍሳችሁም ሥጋችሁም ጌታችን ኢየሱስ ክርስቶስ በመጣ ጊዜ ያለ ነቀፋ ፈጽመው ይጠበቁ።

መንፈሳዊ ብስለት ሁለንተናዊ ነው:: የእግዚአብሔር ፀጋ ሁለንተናችንን ሊያስውብ የታመነ ነው

“ቁመናሽ የዘንባባ ዛፍ ይመስላል…”

የዘንባባ ዛፍ ፡- በጥንካሬው ፡ ቀጥ በማለቱ በፍሬያማነቱና በፅናቱ የታወቀ ነው

መዝሙረ ዳዊት 92
12 ጻድቅ እንደ ዘንባባ ያፈራል፥ እንደ ሊባኖስ ዝግባም ያድጋል።

በክርስቶስ መተከልና ስር መስደድ እንደ ዘንባባ ዛፍ ያደርጋል

“በዘንባባው ዛፍ ላይ ወጥቼ ፍሬውን መልቀም እወዳለሁ”

ከክርስቶስ ጋር እውነተኛና የጠለቀ ግንኙነት ካለን ማፍራታችን ግድ ነው

“10. እኔ የውዴ ነኝ፤የእርሱም ምኞት እኔው ነኝ።”(አ.መ.ት)

መንፈሳዊ ብስለት ክርስቶስ ምን ሊያደርግልኝ(ሊጠቅመኝ) ይችላል ? ከሚል አስተሳሰብ አውጥቶ “ህይወቴ የክርስቶስ ነው” ወደሚል አቋም ያደርሳል

“12ማልደንም ወደ ወይኑ ተክል ቦታ እንሂድ፤
የወይኑ አበባ ፈክቶ እንደ ሆነ፥
ሮማኑም አብቦ እንደ ሆነ እንይ፤
በዚያም ፍቅሬን እገልጥልሃለሁ።

የክርስቶስ ፍቅር የሚያስኬድ ነው

የማቴዎስ ወንጌል 28
19 -20 እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤ እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ።

13የእንኰይ ፍሬ መዓዛና እንዲሁም ደስ የሚያሰኙ
ልዩ ልዩ ፍራፍሬዎች ደጃችንን ሞልተውታል።
ውዴ ሆይ! ከነዚህም ፍሬዎች
የበሰሉትንና አዲስ የተቀጠፉትን ለአንተ አኑሬልሃለሁ።”(አ.ት)

ሙሽሪት ፍሬዋን ለሙሽራዋ ታቀርባለች

1ኛ ወደ ቆሮንቶስ ሰዎች 10
31 እንግዲህ የምትበሉ ወይም የምትጠጡ ብትሆኑ ወይም ማናቸውን ነገር ብታደርጉ ሁሉን ለእግዚአብሔር ክብር አድርጉት።

ህይወታችን ለክርስቶስ የምናቀርበው ስጦታችን ነው

ምን እንማር ?

1. አካሄዳችን ለክርስቶስ እንደሚገባ ይሁን ድርጊታችን ከቃላችን ጋር ይመሳስል

2. እንደ ዘንባባ እንድንሆን በክርስቶስ ተተክለን በእርሱው ስር እንስደድ

3. ከክርስቶስ ጋር ህብረት እንዳለን ፍሬያችን ይመስክር

4. በልባችን ያለውን የክርስቶስን ፍቅር ወደ ተልዕኮ እንመንዝረው “እንሂድ”

Nikodimos Christian center

May 24, 2026, 08:27 AM

መኃልየ መኃልይ ዘሰሎሞን ምዕራፍ 4-5

ከ1-5 የሙሽራው ንግግር

ሙሽራው ሙሽሪትን በፍቅር ሲያያት አስቀድሞ የሚታየው ድካሟ (አለመቻሏ) ሳይሆን ውበቷ ነው

ክርስቶስም ቤተክርስቲያንን የሚያያት እንደዛ ነው

ወደ ኤፌሶን ሰዎች 5
27 እድፈት ወይም የፊት መጨማደድ ወይም እንዲህ ያለ ነገር ሳይሆንባት ቅድስትና ያለ ነውር ትሆን ዘንድ ክብርት የሆነችን ቤተ ክርስቲያን ለራሱ እንዲያቀርብ ፈለገ።

ፀጋ: ሰማይ እኛን የሚያይበትን መነፅር ቀይሮታል

ሙሽራው ከሙሽሪት የሰውነት ክፍል ትኩረት ሰጥቶ የማያደንቀው ክፍል የለም

በክርስቶስ ሙሽራ በቤተክርስቲያን አካል ላይ ያሉ ብልቶች ሁሉ ይታያሉ ይመስገናሉ

በግልፅ መድረክ ላይ የሚቆሙትን ብቻ ሳይሆን በስውር የሚታመኑትን ፡ በጓዳ የሚማልዱትን በፀጥታ የሚታዘዙትን ፡ በመስዋእትነት የሚከተሉትን ሁሉ ያያቸዋል ፡ ያመሰግናቸዋል

የማቴዎስ ወንጌል 6
6 አንተ ግን ስትጸልይ፥ ወደ እልፍኝህ ግባ መዝጊያህንም ዘግተህ በስውር ላለው አባትህ ጸልይ፤ በስውር የሚያይ አባትህም በግልጥ ይከፍልሃል።

ሌሎች ያላዩትን (ትኩረት ያልሰጡትን) ሙሽራው ያያል

“7ፍቅሬ ሆይ! ሁለንተናሽ ውብ ነው፤
ምንም እንከን የለብሽም።”(አ.ት)

ይህ ሙሽራዋ የሰጣት መታወቂያ ነው!

ወደ ሮሜ ሰዎች 3
22 እርሱም፥ ለሚያምኑ ሁሉ የሆነ፥ በኢየሱስ ክርስቶስ በማመን የሚገኘው የእግዚአብሔር ጽድቅ ነው፤ ልዩነት የለምና፤

ወደ ሮሜ ሰዎች 8
1 እንግዲህ በክርስቶስ ኢየሱስ ላሉት አሁን ኵነኔ የለባቸውም።

ክርስቶስ ሙሽራውን የሚያያት በመሰቀል ላይ በስራው ስራ ነው

“8ሙሽራዬ ሆይ! ከሊባኖስ ወደ እኔ ነይ፤
ከሊባኖስ ወደ እኔ ነይ፤
ከአማና ተራራ ጫፍ ውረጂ፤
የአንበሳና የነብር መኖሪያ ከሆኑት
ከሠኒርና ከሔርሞን ተራራዎች ወርደሽ ነይ”(አ.ት)

የእርሱ እንድንሆን ብቻ ሳይሆን እለት እለት አብልጠን እንድንጠጋው ጌታ ይጠራናል

ከግርግሩ ፡ ከማመቻመቹ ፡ ከድንዛዜው እየወጣን ወደ ሙሽራችን እንጠጋ!

“9. እኅቴ ሙሽራዬ፣ ልቤን ሰርቀሽዋል፤በአንድ አፍታ እይታሽ፣ከሐብልሽም በአንዱ ዕንቊ፣ልቤን ሰርቀሽዋል።”(አ.መ.ት)

ቤተክርስቲያን ለክርስቶስ ሸክም ሳትሆን የሚወዳትና ደስ የሚሰኝባት ሙሽራው ናት!

የሚወደን ፍፁማን ስለሆንን ሳይሆን የራሱ ስለሆንን ነው ፡ ጌታ ከእኛ ጋር ባለው ግንኙነት ደስ ይሰኛል:: ግንኙነታችን በጥቅም ላይ ሳይሆን በፍቅር ላይ ነው የተመሰረተው

“12አንቺ የእኔ ሙሽራ፥
እንደ አትክልት ቦታና
ለሌሎች እንደ ተዘጋ ምንጭ ነሽ።”(አ.ት)

ለእርሱ ብቻ የተለየች ንፁህና ለሌላ የማትሆን ናት

1ኛ ወደ ቆሮንቶስ ሰዎች 6
19 -20 ወይስ ሥጋችሁ ከእግዚአብሔር የተቀበላችሁት በእናንተ የሚኖረው የመንፈስ ቅዱስ ቤተ መቅደስ እንደ ሆነ አታውቁምን? በዋጋ ተገዝታችኋልና ለራሳችሁ አይደላችሁም፤ ስለዚህ በሥጋችሁ እግዚአብሔርን አክብሩ።

የአትክልት ስፍራችንን(ልባችንን) ለክርስቶስ ብቻ እንጠብቅለት

“16. የሰሜን ነፋስ ሆይ፤ ንቃ፤የደቡብም ነፋስ ሆይ፤ ና!መዐዛው ያውድ ዘንድ፣በአትክልት ቦታዬ ላይ ንፈስ፤ውዴ ወደ አትክልት ቦታው ይግባ፤ምርጥ ፍሬዎቹንም ይብላ።”(አ.መ.ት)

ሙሽሪት መአዛዋ እንዲወጣና እንዲያውድ ንፋሱን ትጠራለች ፡ ንፋስ የመንፈስ ቅዱስ ተምሳሌት ነው

የዮሐንስ ወንጌል 3
8 ነፋስ ወደሚወደው ይነፍሳል፥ ድምፁንም ትሰማለህ፥ ነገር ግን ከወዴት እንደ መጣ ወዴትም እንዲሄድ አታውቅም፤ ከመንፈስ የተወለደ ሁሉ እንዲሁ ነው።

መንፈስ ቅዱስ መአዛችን የሆነው ክርስቶስ ከእኛ ወጥቶ እንዲያውድ ያድርጋል

ምን እንማር ?

1. የሙሽራችንን ድምፅ መስማት አንለማመድ

2. ሙሽራችን እንደሚያየን እራሳችንን እንይ

3. የአትክልቱን ስፍራ (ልባችንን) ለሙሽራችን እንቀድስለት

መኃልየ መኃልይ ዘሰሎሞን ምዕራፍ 5

ለሙሽራው ድምፅ ፈጣን ምላሽ አለመስጠት ዋጋ ያስከፍላል

“1 እኅቴ ሙሽራዬ ሆይ፥ ወደ ገነቴ ገባሁ፥ ከርቤዬን ከሽቱዬ ጋር ለቀምሁ፥ እንጀራዬን ከማሬ ጋር በላሁ፥ የወይን ጠጄን ከወተቴ ጋር ጠጣሁ። ባልንጀሮቼ ሆይ፥ ብሉ፤ ወዳጄ ሆይ፥ ጠጪ፤ እስክትረኪ ድረስ ጠጪ።
2 ፤ እኔ ተኝቻለሁ፥ ልቤ ግን ነቅቶአል፤ የውዴ ቃል ነው፥ እርሱም ደጁን ይመታል፤ እኅቴ፥ ወዳጄ፥ ርግቤ፥ መደምደሚያዬ ሆይ፥ በራሴ ጠል፥ በቈንዳላዬም የሌሊት ነጠብጣብ ሞልቶበታልና ክፈችልኝ።”

ሙሽራው በደጅ ሆኖ ይጣራል ፡ ክፈችልኝ ይላል:: እርሱን በደጅ ትታ በትተኛም የሚጠራት ግን በቁጣ ሳይሆን በፍቅር ነው

የዮሐንስ ራእይ 3
20 እነሆ በደጅ ቆሜ አንኳኳለሁ፤ ማንም ድምፄን ቢሰማ ደጁንም ቢከፍትልኝ፥ ወደ እርሱ እገባለሁ ከእርሱም ጋር እራት እበላለሁ እርሱም ከእኔ ጋር ይበላል።

ዛሬም ጌታ በቃሉ ፡ በመንፈሱና በልዩ ልዩ መንገዶች የልባችንን በር ያንኳኳል:: እንድንፀልይ ፡ ንስሀ እንድንገባ ፡ እንድናገለግልና ፍቅራችንን እንድናድስ በየእለቱ ይጣራል ፡ እንስማው

“3ልብሴን አውልቄአለሁ፤
ታዲያ፥ እንደገና ልልበስን?
እግሬንም ታጥቤአለሁ፤
ታዲያ፥ እንዴት እንደገና ላሳድፈው?”(አ.ት)

የመዘግየትና የማመካኘት አደጋ

ሙሽሪት ሙሽራዋን ትወደዋለች ፡ ነገር ግን ምላሽ ለመስጠት ስትዘገይ እናያለን:: እኛም ጌታን እየወደድነው ስናመካኝና ስንዘገይ ብዙ ጊዜ እንታያለን:: በኋላ ፀልያለሁ ፡ በኋላ አደርገዋለሁ ፡ ወደፊት ንስሀ ገባለሁ...መዘግየት ዋጋ ያስከፍላል!

ወደ ዕብራውያን 3
15 እየተባለ። ዛሬ ድምጹን ብትሰሙት፥ በማስመረር እንደሆነ ልባችሁን እልከኛ አታድርጉ።

መንፈሳዊ ስንፍና መራራቅን ይፈጥራል

4-6 የዘገየ መታዘዝ ካለመታዘዝ እኩል ነው

እስከመጨረሻው ጥሏት ሄዷል ማለት ባይሆንም በሰአቱ ከሙሽራዋ ጋር ልታሳልፍ የነበረው የፍቅር ጊዜ ከስንፍናዋ የተነሳ አመለጣት !

6-8 ዋጋ ከፍላ ፍለጋ ወጣች

ከስንፍናዋ ስትነቃ ተስፋ ቆርጣ አልተቀመጠችም ረሀቧ ታድሶ ልትፈልገው ወጣች

ከጌታ ጋር ከተላለፍን መፍትሄው ረሀባችንን አድስን መፈለግ ነው እንጂ ተስፋ መቁረጥ ወይንም ሁኔታውን መልመድ አይደለም

የማቴዎስ ወንጌል 7
7 ለምኑ፥ ይሰጣችሁማል፤ ፈልጉ፥ ታገኙማላችሁ፤ መዝጊያን አንኳኩ፥ ይከፈትላችሁማል።

በፆም ፡ በፀሎት ፡ በንስሀ ፡ ቃሉን በማሰላሰል እንፈልገው

“7እየተዘዋወሩ ከተማውን የሚጠብቁ ሰዎች አገኙኝ፤
ደብድበውም አቈሰሉኝ፤
የከተማውን ቅጽር የሚጠብቁ ዘበኞች
መጐናጸፊያዬን ገፈው ወሰዱብኝ።”(አ.ት)

መተላለፍ ለጥቃት ያጋልጣል

8-9 ውድሽ ከሌሎች በምን ይለያል ? ይሏታል

10-16 ውዷ ምን እንደሚመስል ታብራራለች

ህመሟን ከማዳመጥ ወጥታ ውዷን ታደናንቃለች ውበቱን ታሰላስላለች

አስቸጋሪ ሁኔታዎች አእምሮአችንን ሊቆጣጠሩ ሲሞክሩ ትኩረታችንን ክርስቶስ ላይ እናድርግ

ወደ ዕብራውያን 12
2 እኛ ደግሞ ሸክምን ሁሉ ቶሎም የሚከበንን ኃጢአት አስወግደን፥ የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና።

ቅድስናውን ፡ ምህረቱን ፡ ውበቱን ፡ ታማኝነቱን ፡ መስቀሉንና ትንሳኤውን ስናሰላስል እይታችን ይቀየራል

“16አፉ እንደ ማር. የጣፈጠ ነው፤
ሁለንተናውም የደስ ደስ አለው፤
እናንተ የኢየሩሳሌም ቈነጃጅት
እንግዲህ ውዴና ወዳጄ ይህን የመሰለ ነው።”(አ.ት)

ውዴ በከፊል ሳይሆን ሁለንተናው ተወዳጅ ነው !

ምን እንማር ?

1. ሙሽራችን ሲያንኳኳ ፈጥነን ምላሽ እንስጥ

2.

Nikodimos Christian center

May 24, 2026, 08:27 AM

https://youtu.be/eYlIMV5-9tU?si=VZeJKCcKQLc0XFyL

787

Nikodimos Christian center

May 24, 2026, 08:27 AM

📷 Photo

253ኛ ቀን
በኢትዮጵያ ሰዓት አቆጣጠር ዘወትር ከምሽቱ 3:00 ሰዓት ቲክቶክ live እና ቴሌግራም ላይ  ኑ የእግዚአብሔርን ቃል እናጥና::

ዛሬ የምናነበው ክፍል ትንቢተ ሕዝቅኤል ምዕራፍ  16-18

የዩቱብ  የቲክቶክ እና የቴሌግራም ሊንኮችን ከታች  ታገኛላችሁ👇

YOUTUBE#1:- http://www.youtube.com/NikodimosShow
YOUTUBE#2:- http://www.youtube.com/@thewordwithtg316
TIKTOK#1:- http://tiktok.com/tigistejiguwondmu
TIKTOK#2:-  http://tiktok.com/nikodimoschrstiancenter
TELEGRAM:-

704

Nikodimos Christian center

May 24, 2026, 08:27 AM

https://youtu.be/FMZRczqgckk

656

Nikodimos Christian center

May 24, 2026, 08:27 AM

https://youtu.be/Y9pq-CZrokM?si=KrOs3KXvcivVJheL

671

Nikodimos Christian center

May 24, 2026, 08:27 AM

📷 Photo

252ኛ ቀን
በኢትዮጵያ ሰዓት አቆጣጠር ዘወትር ከምሽቱ 3:00 ሰዓት ቲክቶክ live እና ቴሌግራም ላይ  ኑ የእግዚአብሔርን ቃል እናጥና::

ዛሬ የምናነበው ክፍል ትንቢተ ሕዝቅኤል ምዕራፍ  13-15

የዩቱብ  የቲክቶክ እና የቴሌግራም ሊንኮችን ከታች  ታገኛላችሁ👇

YOUTUBE#1:- http://www.youtube.com/NikodimosShow
YOUTUBE#2:- http://www.youtube.com/@thewordwithtg316
TIKTOK#1:- http://tiktok.com/tigistejiguwondmu
TIKTOK#2:-  http://tiktok.com/nikodimoschrstiancenter
TELEGRAM:-

728

Nikodimos Christian center

May 24, 2026, 08:27 AM

https://youtu.be/dC7gsCQS5L4?si=lXH4GmUX8okWl93d

757

Nikodimos Christian center

May 9, 2026, 11:15 PM

ጻድቅ ሰባት ጊዜ እንኳ ቢወድቅ ይነሣልና፤ክፉዎች ግን በጥፋት ይወድቃሉ።” (አ.መ.ት)

ጻድቅ ወደቀ ብለህ አታጥቃው የሚያነሳው ብርቱ ነውና ይነሳል

መውደቅ የጻድቅ ፍፃሜው አይደለም ወድቆ መቅረትን ካልመረጠ በቀር

ፃድቅ ሊወድቅ(ሊሳሳት) አይችልም አልተባለም 7 ጊዜ (ብዙ ጊዜ) ሊወደቅ ይችላል ግን ደግሞ በወደቀበት ስፍራ ሞቆት አይመቻችም

በመውደቁ አይመፃደቅም መውደቁን ፅድቅ (ትክክል) አድርጎ ለማሳየት አይሞክርም

17-18 በጠላትህ ውድቀት አትደሰት

እግዚአብሔር በምንም አይነት ሁኔታ ከክፉ ነገር ጋር ደስ እንዲለን አይፈቅድም

“….እግዚአብሔርን ታሳዝናለህ ፡ እግዚአብሔርም በጠላትህ ላይ የሚያሳየውን ቁጣ ያቆማል”

“21ልጄ ሆይ፤ እግዚአብሔርንና ንጉሥን ፍራ፤
ከዐመፀኞችም ጋራ አትተባበር፤
22ሁለቱም የሚያመጡት መዓት፤
ምን እንደሚሆን ማን ያውቃል?”(አ.ት)

ህይወትህ የተቃናና የተረጋጋ እንዲሆን ለስልጣን ተገቢውን ክብር ስጥ ከአመፅም ራቅ

ከቁጥር 23 ጀምሮ ያሉት ተጨማሪ የጠቢባን ምሳሌዎች ናቸው

ከቁጥር 23-34 የሚያስተምረው

- በጽድቅ መዳኘትን

- እውነትን መናገርን

- ከማድረግ በፊት ማቀድን

- ስለክፉ ፈንታ ክፉ አለመመለስን ነው

“30 በታካች ሰው እርሻ፥ አእምሮ በጐደለውም ሰው ወይን ቦታ አለፍሁ።
31 እነሆም፥ ሁሉ እሾህ ሞልቶበታል፥ ፊቱንም ሳማ ሸፍኖታል፥ የድንጋዩም ቅጥር ፈርሶአል።
32 ተመለከትሁና አሰብሁ፤ አየሁትና ተግሣጽን ተቀበልሁ።”

ባየሁት ጊዜ ታዘብኩት ወይንም ለሌሎች ሰዎች አወራሁበት አላለም ትምህርት ወሰድኩ ነው ያለው

ጠቢብ ሰው ከሰነፍ እርሻ እንኳን ይማራል

የእርሻው ምሳሌ በሰው ህይወትም ሊታይ ይችላል discipline(ስርአት) የጎደለው ሰው ህይወት ይህንን ይመስላል

ህይወት ችላ ስንለው የነበረበት ስፍራ አይቆይም የበለጠ በአረምና በእሾህ ይዋጣል እንጂ

“33 ጥቂት ትተኛለህ፥ ጥቂትም ታንቀላፋለህ፥ ትተኛም ዘንድ ጥቂት እጅህን ታጥፋለህ፤
34 እንግዲህ ድህነትህ እንደ ወንበዴ፥ ችጋርህም ሰይፍ እንደ ታጠቀ ሰው ይመጣብሃል። [በግዕዝ መጽሐፈ ተግሣጽ ይባላል]”

መተኛትም መትጋትም በጊዜው ይከፍለናል

ምን እንማር ?

1. ህይወታችንን በጥበብ በማስተዋልና በእውቀት ሆን ብለን እንገንባ

2. ከድርጊታችን ቀድሞ የሚያምፀው ሀሳባችን ነውና ሀሳባቸን(ልባችን) ላይ እንስራ

3. ስንወድቅ አንመቻች ፡ አንመፃደቅ ! ይልቁንም ፀጋን ጠይቀን እንነሳ

4. ከሌሎች ስህተት እንማር እንጂ ለሀሜትና ለማፌዝ አንጋበዝ

396

Nikodimos Christian center

May 9, 2026, 11:15 PM

18 ይህንም እጅግ ቀን አደረገች። ጳውሎስ ግን ተቸገረና ዘወር ብሎ መንፈሱን። ከእርስዋ እንድትወጣ በኢየሱስ ክርስቶስ ስም አዝሃለሁ አለው፤ በዚያም ሰዓት ወጣ።

“9ከሞኝ ጋራ አትነጋገር፤
የቃልህን ጥበብ ያንኳስሳልና።”(አ.ት)

ጠቢብ ሰው ምን እንደሚናገር ብቻ ሳይሆን መቼና ለማን መናገር እንዳለበትም ያስተውላል

ከቁጥር 10-12 እግዚአብሔር መከታ ለሌላቸው ጽኑ መከታቸው ስለሆነ እንዳትጨቁናቸው ተጠንቀቅ ይለዋል

ከቁጥር 12-14 የምክርና የቅጣት አስፈላጊነት

“13ልጅን ከመቅጣት ወደ ኋላ አትበል፤
በአርጩሜ ብትገርፈው አይሞትም።
14በአርጩሜ ቅጣው፤
ነፍሱንም ከሞት አድናት።”(አ.ት)

ስለ ልጅ አስተዳደግ ከዘመናዊው ሳይንስ ይልቅ ዘመን የማይሽረውን መፅሀፍ ቅዱስ መከተል ይገባናል

“15ልጄ ሆይ፤ ልብህ ጠቢብ ቢሆን፣
የእኔም ልብ ሐሤት ያደርጋል፤
16ከንፈሮችህ ትክክሉን ቢናገሩ፣
ውስጣዊ ሁለንተናዬ ሐሤት ያደርጋል።”(አ.ት)

በትክክል የተማረ እራሱን መጥቀም ብቻ ሳይሆን ያስተማሩትን (የደከሙበትን) ጭምር ደስ ያሰኛል

ከቁጥር 17-18 በሀጢአተኞች አትቅና

ቅንአት ከማስተያየት (ከማነፃፀር) ይመጣል

የማይመሳሰል ነገር አይነፃፀርም!

ፍፃሜና ተስፋ ያለው ሰው እራሱን በአላፊ ነገር አይመዝንም

“19 ልጄ ሆይ፥ ስማ ጠቢብም ሁን ልብህንም በቀናው መንገድ ምራ።
20 የወይን ጠጅ ከሚጠጡ ጋር አትቀመጥ ለሥጋም ከሚሣሡ ጋር፤
21 ሰካርና ሆዳም ይደኸያሉና፥ የእንቅልፍም ብዛት የተቦጫጨቀ ጨርቅ ያስለብሳልና።”

“…ልብህንም በቀናው መንገድ ምራ” አግራችን የሚሄደው ልባችን በሄደበት መንገድ ነው

“አትቀመጥ” ማለት አትወዳጅ “ጓደኛ አትሁን” ማለት ነው

“22የወለደህን አባትህን አድምጥ፤
እናትህንም ባረጀች ጊዜ አትናቃት።
23እውነትን ግዛት እንጂ አትሽጣት፤
ጥበብን፣ ተግሣጽንና ማስተዋልን ገንዘብህ አድርግ።
24የጻድቅ ሰው አባት እጅግ ደስ ይለዋል፤
ጠቢብ ልጅ ያለውም በርሱ ሐሤት ያደርጋል።
25አባት እናትህ ደስ ይበላቸው፤
ወላጅ እናትህም ሐሤት ታድርግ።
26ልጄ ሆይ፤ ልብህን ስጠኝ፤
ዐይኖችህም ከመንገዴ አይውጡ፤”(አ.ት)

እናትና አባቶቻችንን በእውቀትና በስልጣኔ አልፈናቸው እንደሄድን ቢሰማንም እነርሱን በመስማትና በማክበር ውስጥ ያለውን የኪዳን በረከት በእውቀታችን አናገኘውም

እግዚአብሔር የአፋቸውን ቃል ያከብረዋል እንዳያዝኑብንም ልንጠነቀቅ ይገባል የደስታቸው ምክንያት ብቻ እንድንሆን ፀጋ ይብዛልን !

ከቁጥር 27-28 ስለ ዝሙት ሀጢአት አደገኛነት ያወራል

“እንደ አዘቅት…..እንደ ወጥመድ” ነው

ቀስ በቀስ የሚያስጥምና ሳናስበው ይዞ የሚያስቀር መሆኑን ይናገራል ፡ መፍትሄውም መጋፈጥ ሳይሆን መሸሽ ነው

ከቁጥር 29-35 የሚያሰክር መጠጥ አደገኝነት

ከ29-30 የወይን ጠጅ (የሚያሰክር መጠጥ) የሚጠጣ ሰው የሚደርስበትን ችግር ይዘረዝራል

“31መልኩ ቀይ ሆኖ፣
በብርጭቆ ውስጥ ሲያንጸባርቅ፣
ሰተት ብሎ በሚወርድበትም ጊዜ፣ ወደ ወይን ጠጅ ትክ ብለህ አትመልከት።”(አ.ት)

ከመጠጣት በፊት መጎምጀት አለ ፡ መጎምጀት ደግሞ የሚመጣው ካለመርካት ነው

ወደ ኤፌሶን ሰዎች 5
18 መንፈስ ይሙላባችሁ እንጂ በወይን ጠጅ አትስከሩ ይህ ማባከን ነውና፤

በመንፈስ ቅዱስ የረካ ሰው ለወይንጠጅ አይጎመጅም

“33 ዓይኖችህ ጋለሞታዎችን ያያሉ፥ ልብህም ጠማማ ነገርን ይናገራል።”

መፅሐፍ ቅዱስ አስተዋዮችና ንቁዎች እንድንሆን በተደጋጋሚ ይነግረናል፡፡ የወይንጠጅ ደግሞ ከዚህ በተቃራኒ በሆነ መንገድ አእምሮአችን እንዲፈዝና እንዲቀባዥር ያደርጋል

ወደ ሮሜ ሰዎች 13
11. ዘመኑን በማስተዋል ይህን አድርጉ፤ ከእንቅልፋችሁ የምትነቁበት ጊዜ አሁን ነው፤ መዳናችን መጀመሪያ ካመንበት ጊዜ ይልቅ አሁን ወደ እኛ ቀርቦአልና።
12. ሌሊቱ ሊያልፍ፣ ቀኑም ሊጀምር ነው። ስለዚህ የጨለማን ሥራ ጥለን፣ የብርሃንን ጦር ዕቃ እንልበስ።
13. በቀን እንደምንመላለስ በአግባብ እንመላለስ። በጭፈራና በስካር አይሁን፤ በዝሙትና በመዳራት አይሁን፤ በክርክርና በቅናትም አይሁን።(አ.መ.ት)

የወይን ጠጅ የሌሊት (የጨለማ) ልብስ ነው አሁን ግን በቀን የምንመላለስ እኛ ክርስቶስን እንልበሰው

ምን እንማር

1. ፍላጎታችንን መግታት እንለማመድ

2. ጊዜያዊ ነገሮችን ማሳደድ ጥቅም የለውም

3. ለእናትና አባትችን የደስታ እንጂ የሀዘን ምክንያት አንሁን

4. ዝሙትን በመሸሽ ለወይንጠጅ መጎምጀትን በመንፈስ ቅዱስ በመርካት ማምለጥ እንችላለን


መጽሐፈ ምሳሌ ምዕራፍ 24

ምሳሌ 22፡17 ላይ የጀመረው የጠቢባን ምክር ቀጣይ ክፍል ነው

ከቁጥር 1-2 እና 19-20 በክፉዎች አትቅና

“1. በክፉ ሰዎች አትቅና፤ጓደኝነታቸውም አይመርህ፤
2. ልባቸው ዐመፅን ያውጠነጥናልና፤ከንፈራቸውም ሸፍጥ ያወራል።”(አ.መ.ት)

“18. አለዚያ እግዚአብሔር ይህን አይቶ ደስ አይለውም፤ቍጣውንም ከእርሱ ይመልሳል።
19. በጨካኞች ድርጊት አትጨነቅ፤በክፉዎችም አትቅና፤”(አ.መ.ት)

የክፉዎች ስኬትና ብልፅግና ሲያዩት የሚያስቀና ቢሆንም አወዳደቃቸው ግን ድንገተኛ ነው ፡ የፍፃሜ ተስፋም የላቸውም “መብራታቸው ድርግም ብላ ትጠፋለች”

“3ቤት በጥበብ ይሠራል፤
በማስተዋልም ይጸናል፤
4በዕውቀትም ውድና ውብ በሆነ ንብረት፣
ክፍሎቹ ይሞላሉ።”(አ.ት)

ቤት ማለት ፡- ቤተሰብ ፡ የነገ ህይወት ማለትም ሊሆን ይችላል

- በጥበብ ይገነባል

- በማስተዋል(understaning) ይፀናል

- በእውቀት (ሆን ተብሎ) ይሞላል

- ጠንካራ ቤተሰብ (ህይወት) በአጋጣሚ አይገነባም በስሜት አይፀናም ፡ በእድል አይሞላም

- ጥበብ ፡ ማስተዋልና እውቀት ያስፈልጋል

“5ጠቢብ ሰው ታላቅ ኀይል አለው፤
ዕውቀት ያለውም ሰው ብርታትን ይጨምራል፤
6ጦርነት ለመግጠም መልካም ምክር፣
ድል ለማድረግም ብዙ አማካሪዎች ያስፈልጋሉ።”(አ.ት)

ጥበብ ሀይል ነው ፡ ምክር ድል ይሰጣል

“7 ጥበብ ለሰነፍ ከፍ ብላ የራቀች ናት፤ በበርም አፉን አይከፍትም።”

ቀድሞውንም ተላላ የሆነው ጥበብን ባለመውደዱ ነው ጥበብ የምትቀርበው በትህትና የሚቀበሏትንና የሚወዷትን ነው

“8. ክፋት የሚያውጠነጥን፣‘ተንኰለኛ’ በመባል ይታወቃል።
9. የተላላ ዕቅድ ኀጢአት ነው፤ሰዎችም ፌዘኛን ይጸየፋሉ።”(አ.መ.ት)

ክፋት የሚጀምረው ልብ (ሀሳብ) ላይ ነው

ክፉ ሀሳብ ወደ ክፉ ድርጊት ይመራል

እግዚአብሔርም ድርጊትን ብቻ ሳይሆን የልብን ሀሳብ ያያል

“10በመከራ ጊዜ ፈራ ተባ ካልህ፣
ዐቅምህ ምንኛ ደካማ ነው!”(አ.ት)

መከራ አቅማችንን ይገልጣል

ካልተነቀነቅን ምን እንደተሞላን ማወቅ አይቻልም ሲገፉን የሚፈሰው የተሞላነው ነገር ነው

ስር መስደድ ያለብን ንፋሱ ከመጣ በኋላ ሳይሆን አስቀድመን ነው

“11ወደ ሞት የሚነዱትን ታደጋቸው፤
እየተጐተቱ ለዕርድ የሚሄዱትን አድናቸው።
12አንተም፣ “ስለዚህ ነገር ምንም አላውቅም” ብትል፣
ልብን የሚመረምር እርሱ አያስተውልምን?
ሕይወትህን የሚጠብቃት እርሱ አያውቅምን?
ለእያንዳንዱ ሰው እንደ ሥራው መጠን አይከፍለውምን?”(አ.ት)

አካላዊም መንፈሳዊም ሞት ለተጋረጠባቸው ሰዎች እንድንደርስላቸው ይጠበቅብናል

እኛ አላውቅሁም ብንል እግዚአብሔር ግን እንደምናውቅ ያውቃል

ከቁጥር 13-14 ጥበብ ጣፋጭ ነው ኑሮንም ያቀናል

ጥበብ አስፈላጊ ብቻ ሳይሆን የሚያረካና ተስፋ ሰጪም ነው

“15. በጻድቅ ሰው ቤት ላይ እንደ ወንበዴ አታድፍጥ፤መኖሪያውንም በድንገት አታጥቃ፤
16.

Nikodimos Christian center

May 9, 2026, 11:15 PM

https://youtu.be/Tg-tjENc2M8?si=neqQlWjbFekGYnrG

631

Nikodimos Christian center

May 9, 2026, 11:15 PM

መጽሐፈ ምሳሌ ምዕራፍ 22-24

ጠቢብ በትህትና እና እግዚአብሔርን በመፍራት ይሄዳል እንጂ በአቋራጭ ለመክበር ሌሎችን አይጨቁንም

“1. መልካም ስም ከብዙ ብልጽግና ይመረጣል፤መከበርም ከብርና ከወርቅ ይበልጣል።”(አ.መ.ት)

በሰዎች ዘንድ የምንታወቅበት ነገር ካካበትነው ሀብት በላይ ዋጋ አለው

የጠፋ ስምን ማደስ የጠፋ ገንዘብን እንደመመለስ ቀላል አይደለም

የሌሎችን ስም የሚያጠፋ ነገር ስንናነገር የማይጠገን ነገር እየሰበርን እንደሆነ እንወቅ

“2ባለጠጋና ድኻ የሚጋሩት ነገር፣
እግዚአብሔር የሁላቸውም ፈጣሪ መሆኑ ነው።”(አ.ት)

ሰው ሁሉ ምንጩ አንድ ነው ፡ በመጨረሻም ሁሉም በሰሪው ፊት እኩል ይቆማል

የሰው ተመኑ በመልኩ የሰራው እግዚአብሔር እንጂ የሰበሰበው ገንዝብ አይደለም

“3አስተዋይ ክፉን አይቶ ራሱን ይሸሽጋል፤
አላዋቂዎች ግን በዚያው ይቀጥላሉ፤ ይቀጡበታልም።”(አ.ት)

መጋፈጥ ብቻ ሳይሆን መሸሸግ ጥበብ የሚሆንበት ጊዜ አለ ፡ እግዚአብሔር አንዳንድ ጊዜ አብሮን ሆኖ በችግሩ ውስጥ እንድናልፍ ይረዳናል፡፡ አንዳንዴ ደግሞ ሸሽጎ ያስመልጠናል

“5በክፉዎች መንገድ ላይ እሾኽና ወጥመድ አለ፤
ነፍሱን የሚጠብቅ ግን ከእነዚህ ይርቃል።”(አ.ት)

በማይመች አካሄድ ተጠምደን የሌሎችን ቅጣት ልንቀበል እንችላለን

“6ልጅን የሚሄድበትን መንገድ አስተምረው፤
በሚሸመግልበት ጊዜ ከዚያ ፈቀቅ አይልም።”(አ.ት)

በስጋ ብቻ ሳይሆን በመንፈስ ልጆች የሆኑም ለህይወት ዘመን የሚሆን መርህ የሚቀዱት በልጅነት ወራት ነው

“7ባለጠጋ ድኻን ይገዛል፤
ተበዳሪም የአበዳሪ ባሪያ ነው።
8ክፋትን የሚዘራ መከራን ያጭዳል፤
የቍጣውም በትር ይጠፋል።”(አ.ት)

ሀጢአት እንደብድር ነው አድራጊው እንደተበዳሪ ነው የሚከፍለውም መከራ ነው

ሰው ሀጢአትን ተበድሮ መከራ አልከፍልም ብሎ ቢቆጣ የትም አያመልጥም

“10. ፌዘኛን አስወጣው፤ ጠብ ይወገዳል፤ጥልና ስድብም ያከትማል።”(አ.መ.ት)

ጥበብ ችግር ፈጣሪውን በማስተዋል ነቅሶ ማውጣትና የመንጋውን ሰላም ማስጠበቅ እንጂ ሁሉን በአንድነት መፈረጅ አይደለም

“12 የእግዚአብሔር ዓይኖች እውቀትን ይጠብቃሉ፤ እርሱ ግን የወስላታውን ቃል ይገለብጣል።”

እግዚአብሔር እውቅትን (እውነትን) ከሚጠብቅባቸው መንገዶች አንዱ ውሸትን በማጋለጥ (ከንቱ በማድረግ) ነው

“13ሰነፍ፣ “አንበሳ በውጭ አለ፤
በጐዳና ላይ እገደላለሁ” ይላል።”(አ.ት)

ማመካኘት የሰነፎች መገለጫ ነው

“15 ስንፍና በሕፃን ልብ ታስሮአል፤ የተግሣጽ በትር ግን ከእርሱ ያርቃታል።”

ህፃናት ማድረግ የሚገባቸውን ነገር የማድረግ ተነሳሽነት በራሳቸው እንዲኖራቸው መጠበቅ ተገቢ አይደለም ፡ ይልቁንም ተቃራኒ የሆነው ስንፍና በሁሉም ህፃን ልብ ውስጥ ስላለ ያንን ማስወገድ የወላጅ ሀላፊነት ነው

“16ሀብቱን ለማካበት ድኻን የሚበድል፣
ለባለጠጋም ስጦታ የሚያቀርብ፣ ሁለቱም ይደኸያሉ።”(አ.ት)

ልወደድ ባይነት በእግዚአብሔር ፊት አፀያፊ ምግባር ነው

ከቁጥር 17-19 የጠቢባን ምክር

በዚህ ክፍል የምናገኛቸው አጫጭርና የተነጣጠሉ ንግግሮች ሳይሆኑ ረዘም ያሉና ተያያዥነት ያላቸው ትምህርቶችን ነው

ከቁጥር 17-21 ተማሪ ከአስተማሪው እንዴት ሊሰማ እንደሚገባ ያስተምራል

“17. የጠቢባንን ቃል ልብ ብለህ ስማ፤ልብህም ወደ ትምህርቴ ያዘንብል፤
18. በልብህ ስትጠብቃቸው፣ሁሉም በከንፈሮችህ ላይ የተዘጋጁ ሲሆኑ ደስ ይላልና።
19. ስለዚህ እምነትህ በእግዚአብሔር ላይ እንዲሆን፣ዛሬ አንተን ራስህን አስተምርሃለሁ።
20. የምክርና የዕውቀት ቃል የሆኑ፣መልካም ትምህርቶችን አልጻፍሁልህምን?
21. ለላከህ ተገቢውን መልስ ትሰጥ ዘንድ፣እውነተኛውና የታመኑ ቃሎችን እንዳስተምርህ አይደለምን?”(አ.መ.ት)

- ጆሮን ማዘንበል(ልብን መስጠት)

- በልብ መጠበቅ(ማሰላሰል)

- በቃል መያዝ(በአንደበት ማዘጋጀት)

እነዚህን ማድረግ ለሁለት ነገሮች ይጠቅማል

1. እምነታችን በእግዚአብሔር ላይ እንዲሆን

2. ለተላክንበት ትክክለኛውን መልስ እንድንሰጥ

ከቁጥር 22-24 ድሆችን በተመለከተ ማድረግ ያለብህ ይህን ነው

አትበዝብዛቸው ፡ አታጉላላቸው

ምክንያቱም እግዚአብሔር “እኔ” ላይ አደረግኸው ብሎ ይፋረድሀል

ከቁጥር 24-25 ከማን ጋር ወዳጅነት እንደምትመሰረት ተጠንቀቅ

የባልንጀራህ ጠባይ ነገ ያንተም ጠባይ እንደሚሆን አትጠራጠር ፡ ልትመስለው የማትፈልገውን ሰው አትከተል

26-27 (learn to say no)

አጉል ይሉኝታ ለአላስፈላጊ ዋጋ መክፈል ይዳርግሀል

“28. የቀድሞ አባቶችህ ያስቀመጡትን፣የጥንቱን የወሰን ምልክት አታፋልስ።”(አ.መ.ት)

አንዳንድ ጊዜ ስልጣኔ ወይንም የተሻለ እውቀት ያገኘን መስሎን አባቶች በምክንያትና በብዙ ፀሎት ያስቀመጡትን ወሰን በማንሳት እራሳችንን ለአደጋ እናጋልጣለን

“29በሙያው ሥልጡን የሆነውን ሰው አይተሃልን?
በነገሥታት ዘንድ ባለሟል ይሆናል፤
አልባሌ ሰዎችን አያገለግልም።” (አ.ት)

በተሰማራንበት በየትኛውም መስክ የተሻልንና ብቁ ሆነን መገኘት የምንቆምበትን ስፍራ ይወስነዋል

ሁልጊዜ ተአምራት ጠባቂ መሆን ተገቢ አይደለም ብቃትን በማሳደግ ማደግም መፅሀፍ ቅዱሳዊ ነው

ምን እንማር ?

1. ከስኬት በላይ ለህይወት ምልልሳችን ትኩረት እንስጥ ስማችን በምልልሳችን እንጂ በገንዘባችን አይለካም

2. መከራ እንዳንከፍል ከሀጢአት እዳ እንራቅ

3. ሌሎች ላይ ስለምናሳርፈውም ሆነ ሌሎች እኛ ላይ ስለሚያሳርፉት ተፅእኖ እንጠንቀቅ

4. ቅጥርን ማፍረስ በእባብ ያስነድፋል

መጽሐፈ ምሳሌ ምዕራፍ 23

ምእራፍ 22፡17 የጀመረው የጠቢባን ምክር ነው

ከቁጥር 1-3 ፍላጎትን ስለመቆጣጠር ነው

“1. ከገዥ ጋር ለመብላት በምትቀመጥበት ጊዜ፣በፊትህ ያለውን በሚገባ አስተውል፤
2. ስግብግብም ብትሆን እንኳ፣በጒሮሮህ ላይ ካራ አጋድምበት፤
3. የእርሱ ጣፋጭ መብል አያስጐምጅህ፤ምግቡ አታላይ ነውና።”(አ.መ.ት)

የምግብ ፍላጎታችንን መቆጣጠር ካልቻልን በሌላ ነገር እራሳችንን እንገዛለን ማለት አስቸጋሪ ነው

“4. ሀብት ለማግኘት ስትል ራስህን አታድክም፤ሐሳብህን የመግታት ጥበብ ይኑርህ።
5. በሀብት ላይ ዐይንህን ብትጥል፤ወዲያው ይጠፋል፤ወደ ሰማይ እንደሚበርር ንስር፣ በርግጥ ክንፍ አውጥቶ ይበራል፤”(አ.መ.ት)

እኛ የተፈጠርነው እግዚአብሔርን ለመከተል ብቻ ነው ሌላው ሁሉ እኛን ሊከተል የተፈጠረ ነው

የማቴዎስ ወንጌል 6
19 ብልና ዝገት በሚያጠፉት ሌቦችም ቆፍረው በሚሠርቁት ዘንድ ለእናንተ በምድር ላይ መዝገብ አትሰብስቡ፤
20 ነገር ግን ብልም ዝገትም በማያጠፉት ሌቦችም ቆፍረው በማይሠርቁት ዘንድ ለእናንተ በሰማይ መዝገብ ሰብስቡ፤
21 መዝገብህ ባለበት ልብህ ደግሞ በዚያ ይሆናልና።

“6የሥሥታምን ምግብ አትብላ፤
ጣፋጭ መብሉም አያስጐምጅህ፤
7ሁልጊዜ ስለ ዋጋ የሚያሰላ ሰው ነውና፤
“ብላ፣ ጠጣ” ይልሃል፤
ልቡ ግን ከአንተ ጋራ አይደለም።”(አ.ት)

ስጦታን ብቻ ሳይሆን ከስጦታው ጀርባ ያለውን የመነሻ ሀሳብ መለየት እንድንችል እንፀልይ

የሐዋርያት ሥራ 16
16 ወደ ጸሎት ስፍራም ስንሄድ፥ የምዋርተኝነት መንፈስ የነበረባት ለጌቶችዋም እየጠነቈለች ብዙ ትርፍ ታመጣ የነበረች አንዲት ገረድ አገኘችን።
17 እርስዋ ጳውሎስንና እኛን እየተከተለች። የመዳንን መንገድ የሚነግሩአችሁ እነዚህ ሰዎች የልዑል አምላክ ባሪያዎች ናቸው ብላ ትጮኽ ነበር።

Nikodimos Christian center

May 9, 2026, 11:15 PM

ማክበር የሚለው ቃል መደገፍ የሚለውን ሀሳብ ይጠቀልላል

ለቤተክርስቲያን የምናደርገው ነገር ለእናትና ለአባታችን ማድረግ ያለብንን ነገር አይተካም

“24. የሰው አካሄዱ በእግዚአብሔር ይመራል፤ሰውስ የገዛ መንገዱን እንዴት ማስተዋል ይችላል?”(አ.መ.ት)

ህይወታችን ሙሉ በሙሉ በእኛ ቁጥጥር ስር አይደለም አቅጣጫውን ማወቅ የምንችለው ለእግዚብሔር በመገዛት ነው

“27 የሰው መንፈስ የእግዚአብሔር መብራት ነው የሆዱን ጕርጆች ሁሉ የሚመረምር።”

የሰው መንፈስ (ህያው ያደረገን የእግዚአብሔር እስትንፋስ ) ትክክል የሆነውንና ያልሆነውን የሚያሳይ በውስጣችን ያለ የእግዚአብሔር መብራት ነው፡፡ ሰው ከእንስሳት የሚለየው በዚህ ነው

ምን እንማር ?

1. እራሳችንን የምንገዛ እንጂ በስሜት የምንነዳ አንሁን

2. ከአላስፈላጊ ክርክር በመራቅ ሰላምን እንምረጥ

3. ሁሉን በሚያይ አምላክ ፊት እንደሚኖር ሰው እንኑር

4. ሁሉን አናውቅም ! ግን ሁሉን አዋቂውን በመታዘዝና በማመን እንኑር

መጽሐፈ ምሳሌ ምዕራፍ 21

እግዚአብሔር በሁሉ ሉአላዊ አምላክ ነው ውጫዊ ስኬትን ሳይሆን ውስጣዊ ሀሳብን ይመዝናል

“1 የንጉሥ ልብ እንደ ውኃ ፈሳሾች በእግዚአብሔር እጅ ነው፤ ወደ ወደደውም ያዘነብለዋል።”

ከእግዚአብሔር ቁጥጥር ውጪ የሆነ ነገር የለም ፡ በሰው አቆጣጠር የመጨረሻው የስልጣን ማማ ላይ ያሉ ሰዎች እንኳን ከእግዚአብሔር ቁጥጥር ውጪ አይደሉም

መጽሐፈ አስቴር 6
1 በዚያም ሌሊት እንቅልፍ ከንጉሡ ሸሸ፤ የዘመኑንም ታሪክ መጽሐፍ ያመጡ ዘንድ አዘዘ፥ በንጉሡም ፊት ተነበበ።
2 ፤ ደጁንም ከሚጠብቁት ከንጉሡ ጃንደረቦች ሁለቱ ገበታና ታራ እጃቸውን በንጉሡ በአርጤክስስ ላይ ያነሡ ዘንድ እንደ ፈለጉ፥ መርዶክዮስ እንደ ነገረው ተጽፎ ተገኘ።
3 ፤ ንጉሡም። ስለዚህ ነገር ለመርዶክዮስ ምን ክብርና በጎነት ተደረገለት? አለ። ንጉሡንም የሚያገለግሉ ብላቴኖች። ምንም አልተደረገለትም አሉት።

“2ለሰው መንገዱ ሁሉ ቀና ይመስለዋል፤
እግዚአብሔር ግን ልብን ይመዝናል።”(አ.ት)

ትክክል መስለውን ከምናደርጋቸው ነገሮች የምንረዳው እራሳችንን ለማሳት የተጋለጥን እንደሆንን ነው፡፡ ስለዚህ እግዚአብሔር የመነሻ ሀሳባችንን እንዲመረምር በፊቱ ልንቀርብ ይገባል

መዝሙረ ዳዊት 139
23 አቤቱ፥ መርምረኝ ልቤንም እወቅ፤ ፍተነኝ መንገዴንም እወቅ፤
24 በደልንም በእኔ ውስጥ ብታገኝ እይ፤ የዘላለምንም መንገድ ምራኝ።

“3. ከመሥዋዕት ይልቅ ጽድቅንና ፍትሕን ማድረግ፣ በእግዚአብሔር ዘንድ ተቀባይነት አለው።”(አ.መ.ት)

ሀይማኖታዊ ስርአት ከመፈፀም ህይወት ሊቀድም ይገባል

የማቴዎስ ወንጌል 9
13 ነገር ግን ሄዳችሁ። ምሕረትን እወዳለሁ መሥዋዕትንም አይደለም ያለው ምን እንደ ሆነ ተማሩ፤ ኃጢአተኞችን ወደ ንስሐ እንጂ ጻድቃንን ልጠራ አልመጣሁምና አላቸው።

“4ትዕቢተኛ ዐይን፣ እብሪተኛ ልብ፣
የክፉዎችም መብራት ኀጢአት ናቸው።”(አ.ት)

ትዕቢት የመጀመሪያው ሀጢአት የሀጢአቶችም ሁሉ አባት ነው

“5 የትጉህ አሳብ ወደ ጥጋብ ያደርሳል፤ ችኵል ሰው ሁሉ ግን ለመጕደል ይቸኩላል።”

ከትጋት ይልቅ አቋራጭን መምረጥ ኪሳራ ያስከትላል የእግዚአብሔር መንገድ ዘላቂ ናት እንጂ አቋራጭ የላትም

“11ፌዘኛ ሲቀጣ፣ አላዋቂ ጥበብን ያተርፋል፤
ጠቢብ ሰው ቢማር ዕውቀትን ያገኛል።”(አ.ት)

ቅጣት አጥፊውን ስርአት ከማስያዙም በላይ በዚያ መንገድ ላይ ያሉ ሌሎችም ትምህርት እንዲወስዱ ያደርጋል

“9 ከጠበኛ ሴት ጋር በአንድ ቤት ከመቀመጥ በውጪ በቤት ማዕዘን ላይ መቀመጥ ይሻላል።”

ቁጥር 19 ላይም ይደግመዋል
“19 ከጠበኛና ከቍጡ ሴት ጋር ከመቀመጥ በምድረ በዳ መቀመጥ ይሻላል።”

ሰላም ከምቾት ይበልጣል ፡ ሰላማችንን ሽጠን ብንገዛው የሚያዋጣን ነገር የለም

“13 የድሀውን ጩኸት እንዳይሰማ ጆሮውን የሚደፍን ሰው፥ እርሱ ራሱ ይጮኻል አይሰማለትምም።”

“21 ጽድቅንና ምሕረትን የሚከተል ሕይወትንና ጽድቅን ክብርንም ያገኛል።”

ለሌሎች ጉድለት መራራት ምርጫ ሳይሆን የእግዚአብሔርን ልብ የምንገልጥበት ዋና መንገድ ነው

የያዕቆብ መልእክት 1
27 ንጹሕ የሆነ ነውርም የሌለበት አምልኮ በእግዚአብሔር አብ ዘንድ ይህ ነው፤ ወላጆች የሌላቸውን ልጆች ባልቴቶችንም በመከራቸው መጠየቅ፥ በዓለምም ከሚገኝ እድፍ ሰውነቱን መጠበቅ ነው።

“14. በስውር የተደረገ ስጦታ ቊጣን ያበርዳል፤በጒያ የተሸሸገ እጅ መንሻም ታላቅ ቊጣን ጸጥ ያደርጋል።”(አ.መ.ት)

ነባራዊውን ሁኔታ ለመግለጥ እንጂ ነገሩን ለማፅደቅ አይደለም

“15ፍትሕ ሲሰፍን ጻድቁን ደስ ያሠኘዋል፤
ክፉ አድራጊዎችን ግን ያሸብራል።”(አ.ት)

ደጋጎች ሆይ ፍትህ ሲሰፍን ደስ ይበላችሁ !

“30. እግዚአብሔርን ለመቋቋም የሚያስችል፣አንዳችም ጥበብ ማስተዋልና ዕቅድ የለም።”(አ.መ.ት)

የሰው ጥበብ ገደብ አለው እግዚአብሔር በፊቱ ሲቆም ለምን ማለት የሚችልበት አቅም የለውም

“31ፈረስ ለጦርነት ቀን ይዘጋጃል፤
ድል ግን ከእግዚአብሔር ዘንድ ነው።”(አ.ት)

እኛ እንዘጋጃለን ፡ ውጤት የሚሰጥ ግን እግዚአብሔር ነው

መዘጋጀት አስፈላጊ ቢሆንም እግዚአብሔርን መተማመን ደግሞ እጅግ በጣም አስፈላጊ ነው

ምን እንማር ?

1. ትክክል የሆንን ቢመስለንም እግዚአብሔር ልባችንን እንዲመረምርና ያላየነውን እንዲያሳየን እንጠይቀው

2. ከሀይማኖታዊ ልምምድ ይልቅ እውነተኛ ህይወትን እናስቀድም

3. በየእለቱ ትዕቢትን እያስወገድን ትህትናን እንምረጥ

4. በታማኝነት እንዘጋጅ ፡ ለውጤቱ ግን እግዚአብሔርን እንመን

Nikodimos Christian center

May 9, 2026, 11:15 PM

📷 Photo

239ኛ ቀን
በኢትዮጵያ ሰዓት አቆጣጠር ዘወትር ከምሽቱ 3:00 ሰዓት ቲክቶክ live እና ቴሌግራም ላይ  ኑ የእግዚአብሔርን ቃል እናጥና::

ዛሬ የምናነበው ክፍል ትንቢተ ኤርምያስ ምዕራፍ  28-30

የዩቱብ  የቲክቶክ እና የቴሌግራም ሊንኮችን ከታች  ታገኛላችሁ👇

YOUTUBE#1:- http://www.youtube.com/NikodimosShow
YOUTUBE#2:- http://www.youtube.com/@thewordwithtg316
TIKTOK#1:- http://tiktok.com/tigistejiguwondmu
TIKTOK#2:-  http://tiktok.com/nikodimoschrstiancenter
TELEGRAM:-

659

Nikodimos Christian center

May 9, 2026, 11:15 PM

https://youtu.be/BCTRGpKaeCc?si=lXgyAjyaY7JIBzM3

607

Nikodimos Christian center

May 9, 2026, 11:15 PM

መጽሐፈ ምሳሌ ምዕራፍ 19-21

መስለን ለመታየት ከመሞከር የሆንነውን መሆን ይሻላል

ሲጀምር “ውሸታም ከመሆን ድሀ መሆን ይሻላል” ብሎ ነው

ከቁጥር 2-3 ቅንአት (ትጋት) ያለጥበብ ወደ ስህተት ይመራል

“2 ነፍስ እውቀት የሌለባት ትሆን ዘንድ መልካም አይደለም፤ እግሩንም የሚያፈጥን ከመንገድ ይስታል።”

እውቀትን መጥላት (መግፋት) መንፈሳዊነት አይደለም

ትንቢተ ሆሴዕ 4
6 ፤ ሕዝቤ እውቀት ከማጣቱ የተነሣ ጠፍቶአል፤ አንተም እውቀትን ጠልተሃልና እኔ ካህን እንዳትሆነኝ እጠላሃለሁ፤ የአምላክህንም ሕግ ረስተሃልና እኔ ደግሞ ልጆችህን እረሳለሁ።

“3. ሰው በራሱ ተላላነት ሕይወቱን ያበላሻል፤በልቡ ግን እግዚአብሔርን ያማርራል።”(አ.መ.ት)

እውቀት በማጣት የምንገባባቸው ችግሮች የምድር ኑሮአችንን ከመጉዳት አልፈው መንፈሳዊ ህይወታችንን (ከእግዚአብሔር ጋር ያለንን ግንኙነት) ሊያበላሹብን ይችላሉ መንፈሳዊ ቅንአት በመንፈሳዊ (በመጽሐፍ ቅዱሳዊ) እውቀት ካልታገዘ ኢየሱስን እየተከለተልን መስሎን ስናሳድደው እንገኛለን

ከቁጥር 4-7 ሀብትና ከሰዎች ጋር ያለ ግንኙነት

ሀብት ብዙ ወዳጅ እንዲበዛ ያደርጋል

እዚህ ክፍል ላይ በሀጢአት የወደቀውን የሰውን ባህሪ እየገለጠ ነው እንጂ መሆን ያለበት ይህ ነው እያለ ወይንም እያበረታታ አይደለም

እንዲያውም ወዳጅነት(ጓደኝነት) ሁሉ ሊፈተሽ እንደሚገባ ያመላክታል

“11. ጥበብ ሰውን ታጋሽ ታደርገዋለች፤በደልን ንቆ መተውም መከበሪያው ነው።”(አ.መ.ት)

“11ጥበብ ሰውን ታጋሽ ታደርገዋለች፤
በደልን ንቆ መተውም መከበሪያው ነው።”(አ.ት)

የጥበብ መገለጫው ትዕግስት ፡ እራስን መግዛትና አይቶ ማለፍ እንጂ ለሁሉ ነገር አፀፋዊ ምላሽ መስጠት አይደለም

የያዕቆብ መልእክት 1
19 ስለዚህ፥ የተወደዳችሁ ወንድሞቼ ሆይ፥ ሰው ሁሉ ለመስማት የፈጠነ ለመናገርም የዘገየ ለቍጣም የዘገየ ይሁን፤

“14ቤትና ሀብት ከወላጆች ይወረሳሉ፤
አስተዋይ ሚስት ግን ከእግዚአብሔር ዘንድ ናት።”(አ.ት)

እግዚአብሔር ላይ ብቻ እንድንደገፍ ከሚያደርጉን ነገሮች አንዱ መልካም (ትክክለኛ) ትዳር ነው፡፡

መጽሐፈ ምሳሌ 18
22ሚስት የሚያገኝ መልካም ነገርን ያገኛል፤
ከእግዚአብሔርም ዘንድ ሞገስን ይቀበላል።(አ.ት)

“17 ለድሀ ቸርነትን የሚያደርግ ለእግዚአብሔር ያበድራል፥ በጎነቱንም መልሶ ይከፍለዋል።”

እግዚአብሔር ድሆችን “እኔ” ነው የሚላቸው፡፡ ለድሆች የሚደረገውን የትኛውም ነገር ለእርሱ እንደተደረገ ይቆጥራል

የማቴዎስ ወንጌል 25
40 ንጉሡም መልሶ። እውነት እላችኋለሁ፥ ከሁሉ ከሚያንሱ ከእነዚህ ወንድሞቼ ለአንዱ እንኳ ስላደረጋችሁት ለእኔ አደረጋችሁት ይላቸዋል።

ከቁጥር 18-20 የተግሳፅና የቅጣት አስፈላጊነት

“18ገና ተስፋ ሳለ፣ ልጅህን ሥርዐት አስይዘው፤
ሲሞት ዝም ብለህ አትየው።”(አ.ት)

ሲሚንቶ በእርጥብነቱ ቅርፅ እንደሚይዝ ልጆችም በልጅነት ሲቀጡ መያዝ ያለባቸውን ቅርፅ ይይዛሉ

“19ግልፍተኛ ሰው ቅጣትን መቀበል ይገባዋል፤
በምሕረት ካለፍኸው ሌላም ጊዜ አይቀርልህም።” (አ.ት)

ሰዎች ከፍሬያቸው እንዲማሩ መፍቀድ የሚገባን ጊዜ አለ

“20. ምክርን ስማ፤ ተግሣጽን ተቀበል፤በመጨረሻም ጠቢብ ትሆናለህ።”(አ.መ.ት)

የዛሬ መስማትህ የነገ ጠቢብ እንድትሆን ነው የሚያደርግህ

“21በሰው ልብ ብዙ ሐሳብ አለ፤
የሚፈጸመው ግን የእግዚአብሔር ሐሳብ ነው።”(አ.ት)

የሰው ፈቃድ ምንም ስፍራ የለውም ለማለት ሳይሆን እግዚአብሔር ሳይፈቅድ የሚሆን ነገር የለም ለማለት ነው

-እርሱ ለእኛ ያለው እቅድ ስለሆነ ሊፈቅድ ይችላል

-ስለ ንዝነዛችንን ሊፈቅድ ይችላል

የሚሻለው ግን የንዝነዛችን ሳይሆን የእርሱን ፈቃድ መፈጸም ነው

የሉቃስ ወንጌል 22
42 ብትፈቅድ ይህችን ጽዋ ከእኔ ውሰድ፤ ነገር ግን የእኔ ፈቃድ አይሁን የአንተ እንጂ እያለ ይጸልይ ነበር።

“27ልጄ ሆይ፤ እስኪ ምክርን ማዳመጥ ተው፤
ከዕውቀትም ቃል ትስታለህ።”(አ.ት)

የእግዚአብሔር ቃል ትናንት ሰምቻለሁ የምንለው አይደለም፡፡ መስማት ስናቆም መሳት እንጀምራለን

ምን እንማር ?

1. መስለን ስለምንታየው ሳይሆን ስለሆንነው እንጨነቅ

2. እውቀት የሌለበት ቅንአት ተከትለን ዋጋ አንክፈል

3. ሁልጊዜ የሚማር ልብ ይኑረን

4. ከፍላጎታችን ይልቅ እግዚአብሔር በእኛ ህይወት ያለው አላማ የሚልቅና መልካም እንደሆነ እንመን

መጽሐፈ ምሳሌ ምዕራፍ 20

በጥበብ የተቃኘ ህይወት

“1. የወይን ጠጅ ፌዘኛ፣ ብርቱ መጠጥም ጠበኛ ያደርጋል፤በእነዚህ የሳተ ሁሉ ጠቢብ አይደለም።”(አ.መ.ት)

ወይንጠጅ የሚፈልግ ሰው ከጠቢብነት በተቃራኒ አቅጣጫ እየሄደ ነው

ጠቢብ እራሱን ይገዛል ፡ ፍላጎቱንም ይቆጣጠራል ፡ አንድ ነገር ከተቆጣጠረን ወደ ፈለገው አቅጣጫ ይመራናልና ህይወታችንን እንዲቆጣጠሩ ስለምንፈቅድላቸው ነገሮች እንጠንቀቅ

ቁጥር 2-3 ከጠብና ከክርክር ራቅ

“3ከጠብ መራቅ ለሰው ክብሩ ነው፤
ቂል ሁሉ ግን ለጥል ይቸኵላል።”(አ.ት)

መጣላት ጠቢብ መሆን አይጠይቅም ፡ አንዳንድ ጊዜ ተከራካሪውን ገንዘብ ለማድረግ ክርክሩን መተው ሊያስፈልግ ይችላል

ቁጥር 4 እና 13 ስለ ስንፍና እና ትጋት

የስንፍና ትልቁ ጉዳት ከትክክለኛው ጊዜ ጋር እንድንተላለፍ ያደርገናል

“4. ሰነፍ ሰው በወቅቱ አያርስም፤ስለዚህ በመከር ወራት ይፈልጋል፤አንዳችም አያገኝም።”(አ.መ.ት)

ትጋት ማለት ማድረግ ብቻ ሳይሆን በትክክለኛው ጊዜ ማድረግ ነው

“5 ምክር በሰው ልብ እንደ ጠሊቅ ውኃ ነው፤ አእምሮ ያለው ሰው ግን ይቀዳዋል።”

ምክርን መስጠት ብቻ ሳይሆን መቀበልም አእምሮ ይጠይቃል

ከቁጥር 6-7 ታማኝነት የከበረ ነገር ነው የታማኝ ሰው ልጆቹ እንኳን የተባረኩ ናቸው

ከቁጥር 8-10 ከንጉሱ አይን የሚሰወር ነገር የለም

ክፉ የሆነውን አበጥሮ ያያል

ወደ ዕብራውያን 4
13 እኛን በሚቆጣጠር በእርሱ ዓይኖቹ ፊት ሁሉ ነገር የተራቆተና የተገለጠ ነው እንጂ፥ በእርሱ ፊት የተሰወረ ፍጥረት የለም።

ኦሪት ዘፍጥረት 39
9 ፤ ለዚህ ቤት ከእኔ የሚበልጥ ሰው የለም፤ ሚስቱ ስለ ሆንሽ ከአንቺም በቀር ያልሰጠኝ ነገር የለም፤ እንዴት ይህን ትልቅ ክፉ ነገር አደርጋለሁ? በእግዚአብሔር ፊት እንዴት ኃጢአትን እሠራለሁ?

ዮሴፍ የሚያደርገውን ሁሉ በእግዚአብሔር ፊት እንደሚያደርግ የሚያስብ የነቃ ህሊና ነበረው

“11. ሕፃን እንኳ ጠባዩ ንጹሕና ቅን መሆኑ፣ከአድራጎቱ ይታወቃል።
12. የሚሰሙ ጆሮዎች፣ የሚያዩ ዐይኖች፣ሁለቱንም እግዚአብሔር ሠርቷቸዋል።”(አ.መ.ት)

ነገሮችን አይተንና ሰምተን ንፁህና ቅን መሆናቸውን መለየት የምንችልበትን አቅም እግዚአብሔር ሰጥቶናል

“20 አባቱን ወይም እናቱን የሚሰድብ፥ በጽቅድቅ ጨለማ መብራቱ ይጠፋል።”

እናትና አባትን ማክበር የተስፋ ቃል ያላት ትዕዛዝ ናት

ወደ ኤፌሶን ሰዎች 6
2 -3 መልካም እንዲሆንልህ ዕድሜህም በምድር ላይ እንዲረዝም አባትህንና እናትህን አክብር፤ እርስዋም የተስፋ ቃል ያላት ፊተኛይቱ ትእዛዝ ናት።

የማቴዎስ ወንጌል 15
4. እግዚአብሔር፣ ‘አባትህንና እናትህን አክብር፤ በአባቱ ወይም በእናቱ ላይ ክፉ ቃል የሚናገር ይገደል’ ብሎ ሲያዝ፣
5. እናንተ ግን፣ ማንም ሰው አባቱን ወይም እናቱን፣ ‘ላደርግላችሁ የሚገባውን ማንኛውንም ነገር ለእግዚአብሔር መባ አድርጌ አቅርቤአለሁ’ ቢላቸው፣
6. ‘አንድ ሰው ይህን ካደረገ ዘንድ አባቱን ወይም እናቱን አክብሮአል’ ትላላችሁ። ስለዚህ ለወጋችሁ ብላችሁ የእግዚአብሔርን ቃል ትሽራላችሁ።(አ.መ.ት)

Nikodimos Christian center

May 9, 2026, 11:15 PM

https://youtu.be/XgoZk2H5Kyk

646

Nikodimos Christian center

May 9, 2026, 11:15 PM

https://youtu.be/KoJ69DuU2Fs?si=bCZ_S0gAQddx3Hop

641

Nikodimos Christian center

May 2, 2026, 11:26 AM

መጽሐፈ ምሳሌ ምዕራፍ 10

በዚህ ክፍል ውስጥ በርካታ ንፅፅሮችን እናያለን

ለምሳሌ ፡-ጽድቅ እና ሀጢአት

ጠቢብ እና ሞኝ

ትጉህ እና ሰነፍ….ወዘተ እያለ 2 እጅግ ተቃራኒ የሆኑ ነገሮችን እያነፃፀረ ያሳየናል

የምሳሌ መጽሐፍ መርህን ነው የሚሰጠን እንጂ ቃልኪዳን የሚገባልን ነገር የለውም

በየእለተ ተእለት ኑሮአችንን እንዴት መኖር እንዳለብን መርህን ይሰጠናል

“1. የሰሎሞን ምሳሌዎች፤ጠቢብ ልጅ አባቱን ደስ ያሰኛል፤ተላላ ልጅ ግን ለእናቱ ሐዘንን ያተርፋል።”(አ.መ.ት)

ጠቢብ መሆን ማለት ለራስ ብቻ ሳይሆን እርስ በእርስም ላለንም ግኑኘነት ደስ የሚያሰኝ ነገር ነው

ጥበብ ለራሳችን ብቻ ሳይሆን በዙሪያችንም ላሉ ሰዎች የሚጠቅም እና ደስ የሚያሰኝ ነገር ነው

ከቁጥር 2-3 የጽድቅንና የሀብትን ንፅፅር እናያለን

እግዚአብሔር ሀብት ማግኘታችን ብቻ ሳይሆን ያገኘንበትም መንገድ ግድ ይለዋል

“2. ያላግባብ የተገኘ ሀብት አይጠቅምም፤ጽድቅ ግን ከሞት ይታደጋል።”(አ.መ.ት)

ከ 4-5 የስንፍናን እና የትጉህን ንፅፅር ያሳየናል

መንፈሳዊነት ተግተን ስራችንን እንዳንወጣ የሚያደርግን መደበቂያ ቦታ አይደለም

“6. በረከት በጻድቃን ራስ ላይ ነው፤መዓት ግን የክፉዎችን አፍ ይዘጋል።”(አ.መ.ት)

ጻዲቅ ከሆነ ነገር የተነሳ አይደለም የሚባረከው በረከቱ እራሱ ላይ ነው ያለው

ከቁጥር 8-14 የአንደበትን ሀይል እናያለን

“11. የጻድቅ አንደበት የሕይወት ምንጭ ናት፤መዓት ግን የክፉዎችን አፍ ይዘጋል።”(አ.መ.ት)

የያዕቆብ መልእክት 3
6 አንደበትም እሳት ነው። አንደበት በብልቶቻችን መካከል ዓመፀኛ ዓለም ሆኖአል፤ ሥጋን ሁሉ ያሳድፋልና፥ የፍጥረትንም ሩጫ ያቃጥላል፥ በገሃነምም ይቃጠላል።

አውቀንም ሆነ ሳናውቅ የምንናገረው ቃልና ከአፋችን የሚወጣው ንግግር ወይ ይሰብራል ወይ ይጠግናል ልንጠነቀቅ ያስፈልጋል

“12. ጥላቻ ጠብን ያነሣሣል፤ፍቅር ግን ስሕተትን ሁሉ ይሸፍናል።”(አ.መ.ት)

ፍቅር ስህተትን ይሸፍናል

1ኛ የጴጥሮስ መልእክት 4
8 ትጸልዩም ዘንድ በመጠን ኑሩ፤ ፍቅር የኃጢአትን ብዛት ይሸፍናልና ከሁሉ በፊት እርስ በርሳችሁ አጥብቃችሁ ተዋደዱ።

“17. ተግሣጽን ነቅቶ የሚጠብቅ የሕይወትን መንገድ ያሳያል፤ዕርምትን የማይቀበል ግን ሌሎችን ወደ ስሕተት ይመራል።”(አ.መ.ት)

ተግሳፅ እግዚአብሔር እኛ ጠፍተን እንዳንቀር የሚያደርግበት አንዱ መንገድ ነው

“18. ጥላቻውን የሚሸሽግ ሐሰተኛ አንደበት ያለው ነው፤ሐሜትን የሚዘራ ሁሉ ተላላ ነው።”(አ.መ.ት)

ሐሜት ውስጥ የተሸሸገ ጥላቻ እንዳለ ማወቅ ይገባናል

“19. ከቃላት ብዛት ኀጢአት አይታጣም፤አንደበቱን የሚገታ ግን ጠቢብ ነው።”(አ.መ.ት)

ብዙ የሚያወራ ሰው ስህተት ከአፉ አይታጣም ንግግራችንን መቆጣጠር ተገቢ ነው

የያዕቆብ መልእክት 1
19 ስለዚህ፥ የተወደዳችሁ ወንድሞቼ ሆይ፥ ሰው ሁሉ ለመስማት የፈጠነ ለመናገርም የዘገየ ለቍጣም የዘገየ ይሁን፤
20 የሰው ቍጣ የእግዚአብሔርን ጽድቅ አይሠራምና።

“22. የእግዚአብሔር በረከት ብልጽግናን ታመጣለች፤መከራንም አያክልባትም።”(አ.መ.ት)

እግዚአብሔር ሲባረክ በመንፈሳዊ በረከት ብቻ ሳይሆን በስጋዊም በረከት ይባርካል

የእግዚአብሔርን በረከት በ 5 አቅጣጫ ማየት እንችላለን

1. መንፈሰዊ በረከት፡- ማለትም ከእግዚአብሔር ጋር መታረቅ ፡ የዘላለም ህይወት ማግኘት ፡ ከእግዚአብሔር ጋር ባለን ግኑኘነት በመንፈሱ ባርኮናል

2. አእምሯዊ በረከት ፡-የአዕምሮ ሰላም ፡ መልካም ነገር ማሰብ የሚችል አእምሮ ፡ ረጋ ያለ አእምሮ ማለት ነው

3. አካላዊ በረከት ፡- ጤናማ ፡ ብቁ መሆን እግዚአብሔር በዚህም ይባርካል

4. የሰው በረከት ፡- በትዳር ፡ በቤተሰብ ፡ በተለያዩ ቦታዎች ላይ እግዚአብሔር በሰውም ይባርካል

5. ቁሳዊ በረከት ፡- እግዚአብሔር በገንዝብም ይባርካል

የእግዚአብሔር በረከት እነዚህን ሁሉ ያቀፈ ነው

“23. ተላላ ሰው በክፉ ተግባር ይደሰታል፤አስተዋይ ሰው ግን በጥበብ ደስ ይለዋል።”(አ.መ.ት)

በሀጢአት ደስ የሚለው እና የሚዝናና ሰው ሞኝ ነው ይለናል

“25. ዐውሎ ነፋስ ሲነሣ ክፉዎች ተጠራርገው ይወሰዳሉ፤ጻድቃን ግን ለዘላለም ጸንተው ይኖራሉ።”(አ.መ.ት)

ዐውሎ ንፋስ ለሁሉም ይመጣል እንጂ አይለይም ነገር ግን ፀንተው የቆሙት ምን ላይ ነው የተተከሉት የሚለውን ይገልጣል

ፀንተን እንድኖር የሚያደርግን ነገር የቆምንበት መሰረት ነው

የማቴዎስ ወንጌል 7
24 ስለዚህ ይህን ቃሌን ሰምቶ የሚያደርገው ሁሉ ቤቱን በዓለት ላይ የሠራ ልባም ሰውን ይመስላል።
25 ዝናብም ወረደ ጎርፍም መጣ ነፋስም ነፈሰ ያንም ቤት ገፋው፥ በዓለት ላይም ስለ ተመሠረተ አልወደቀም።
26 ይህንም ቃሌን ሰምቶ የማያደርገው ሰው ሁሉ ቤቱን በአሸዋ ላይ የሠራ ሰነፍ ሰውን ይመስላል።
27 ዝናብም ወረደ ጎርፍም መጣ ነፋስም ነፈሰ ያንም ቤት መታው፥ ወደቀም፥ አወዳደቁም ታላቅ ሆነ።

ከ28-32 እያንዳንዱ መንገድ የራሱ የሆነ መዳረሻ አለው

“29. የእግዚአብሔር መንገድ ለጻድቃን መጠጊያ፣ክፉ ለሚያደርጉ ግን መጥፊያቸው ነው።”(አ.መ.ት)

የምንሄድበት መንገድ መጨረሻችንን ይወስነዋል

ምን እንማር

1. የእለተ እለት ውሳኔያችን (መንገዳችን) ፍጻሜያችንን ይወስነዋል

2. ጥበብ በንግግራችን ብቻ ሳይሆን በድርጊታችን ይገለጣል

3. ትጋት የመንፈሳዊነት መገለጫ እንጂ መንፈሳዊነት ለስንፍና መደበቂያ አይደለም

4. በጽድቅ መኖር ደስታችንን እና ሰላማችንን ዘላቂ ያደርገዋል

Nikodimos Christian center

May 2, 2026, 11:26 AM

https://youtu.be/FxC4npED7Lc?si=w2OjvLm7ow0K5VEu

665

Nikodimos Christian center

May 2, 2026, 11:26 AM

https://youtu.be/Q13m-it_cvE?si=57t6Yj8S8DQrpGRW

699

Nikodimos Christian center

May 2, 2026, 11:26 AM

መጽሐፈ ምሳሌ ምዕራፍ 9

ሁለቱ ጥሪዎች (የጥበብና የስንፍና ግብዣ)

ይህ ግብዣ በእያንዳንዱ ቀን ለእያንዳንዳችን ይቀርብልናል

ከቁጥር 1-6 የጥበብ ጥሪ(ግብዣ) ነው

ከቁጥር 13-18 የስንፍና ጥሪ(ግብዣ) ነው

ሁለቱም በተመሳሳይ ሁኔታ ይጣራሉ ነገር ግን ወደተለያየ መዳረሻ ይወስዳሉ

ጥበብ

1 “ቤቷን ሰራች” የተደላደለች ናት

2 “ፍሪዳ አረደች” የተትረፈረፈ አቅራቦት አላት

3 “እውቀት የጎደላቸውን ሁሉ ጠራች” ያስፈልገኛል ለሚሉ ትገኛለች

ጥበብን ለማግኘት የሚያስፈልገው ቅድመ ሁኔታ ታስፈልገኛለች የሚል ትህትና ብቻ ነው

የማቴዎስ ወንጌል 11
28 እናንተ ደካሞች ሸክማችሁ የከበደ ሁሉ፥ ወደ እኔ ኑ፥ እኔም አሳርፋችኋለሁ።

የሉቃስ ወንጌል 14
15 ከተቀመጡትም አንዱ ይህን ሰምቶ። በእግዚአብሔር መንግሥት እንጀራ የሚበላ ብፁዕ ነው አለው።
16 እርሱ ግን እንዲህ አለው። አንድ ሰው ታላቅ እራት አድርጎ ብዙዎችን ጠራ፤
17 በእራትም ሰዓት የታደሙትን። አሁን ተዘጋጅቶአልና ኑ እንዲላቸው ባሪያውን ላከ።
18 ሁላቸውም በአንድነት ያመካኙ ጀመር። የፊተኛው። መሬት ገዝቼአለሁ ወጥቼም ላየው በግድ ያስፈልገኛል፤ ይቅር እንድትለኝ እለምንሃለሁ አለው።
19 ሌላውም። አምስት ጥምድ በሬዎች ገዝቼአለሁ ልፈትናቸውም እሄዳለሁ፤ ይቅር እንድትለኝ እለምንሃለሁ አለው።
20 ሌላውም። ሚስት አግብቼአለሁ ስለዚህም ልመጣ አልችልም አለው።
21 ባሪያውም ደርሶ ይህን ለጌታው ነገረው። በዚያን ጊዜ ባለቤቱ ተቆጥቶ ባሪያውን። ወደ ከተማ ጎዳናና ወደ ስላች ፈጥነህ ውጣ ድሆችንና ጕንድሾችን አንካሶችንና ዕውሮችንም ወደዚህ አግባ አለው።
22 ባሪያውም። ጌታ ሆይ፥ እንዳዘዝኸኝ ተደርጎአል፥ ገናም ስፍራ አለ አለው።
23 ጌታውም ባሪያውን። ቤቴ እንዲሞላ ወደ መንገድና ወደ ቅጥር ውጣና ይገቡ ዘንድ ግድ በላቸው፤
24 እላችኋለሁና፥ ከታደሙት ከእነዚያ ሰዎች አንድ ስንኳ እራቴን አይቀምስም አለው።

ከቁጥር 7-12 ለጥሪው የምንሰጠውን ምላሽ ወሳኝነት እናያለን

ክፍሉ ሁለት አይነት ሰዎችን ያሳየናል(ፌዘኞችና ጥበብኞች)

1. ፌዘኛ ፡- ተግሳፅን (እርማትን) ይጠላል እንዲያውም በሚገስፁት ላይ ጉዳት ያደርሳል ፡ በመጨረሻም እራሱን ይጎዳል

2. ጠቢብ፡- የሚገስፁትን ይወዳል ፡ ጥበብን ይጨምራል (ይማራል) እራሱን ይጠቅማል

መማር የአላዋቂነት ሳይሆን የአዋቂነት መለያ ነው ባወቀን ቁጥር ብዙ ያላወቅነው ነገር እንዳለ እናውቃለን

ለተግሳፅ የምንሰጠው ምላሽ ፍጻሜያችንን ይወስነዋል

የያዕቆብ መልእክት 1
21 ስለዚህ ርኵሰትን ሁሉ የክፋትንም ትርፍ አስወግዳችሁ፥ ነፍሳችሁን ማዳን የሚችለውን በውስጣችሁም የተተከለውን ቃል በየዋህነት ተቀበሉ።

ቁጥር 13-18 የስንፍና ጥሪ

“13ዕውቀትን ማጣት፥ እንደ ለፍላፊ፥ ምንም ነገር እንደማታውቅ ደንቈሮና ኀፍረተቢስ ሴት መሆን ነው።”(አ.ት)

ስንፍና ሲጣራ ጮክ ብሎ ነው ፡ ደግሞም ያለሀፍረት ነው

“16“እናንተ ዕውቀት የጐደላችሁ ሰዎች ወደ እኔ ኑ!” ሞኙንም ሰው እንዲህ ትለዋለች፦” (አ.ት)

ስንፍናም የምትጣራው እውቀት የጎደላቸውን ነው ግብዣዋ ግን የተለየ ነው

“17 የስርቆት ውኃ ይጣፍጣል፥ የተሸሸገም እንጀራ ደስ ያሰኛል።”

ስንፍና የምትጣራው የተሰወረ (ሚስጥራዊ) ደስታን እሰጣለሁ ብላ በማስጎምጀት ነው

“18እርሱም ወደ ቤትዋ የሚሄዱ ሁሉ እንደሚሞቱና እስከ አሁንም ወደ ቤትዋ የገቡ ወደ ሙታን ዓለም ተሽቈልቊለው እንደወረዱ አያውቅም።”(አ.ት)

ከዚህ ቀደም ጥሪዋን ተቀብለው በመንገዷ የሄዱ የት ደረሱ ብሎ አይጠይቅም

መጽሐፈ ሳሙኤል ካልዕ 1
25 ፤ ኃያላንም በሰልፍ ውስጥ እንዴት ወደቁ! ዮናታንም በኮረብቶችህ ላይ ወድቆአል።

ይህንን ጥያቄ መጠየቅ ወድቆ ከመማር(ከመቅረት) ይጠብቃል

ወደ ሮሜ ሰዎች 6
23 የኃጢአት ደመወዝ ሞት ነውና፤ የእግዚአብሔር የጸጋ ስጦታ ግን በክርስቶስ ኢየሱስ በጌታችን የዘላለም ሕይወት ነው።

ጥበብ

- ቤቷን ትሰራለች

- ማዕዷን ታዘጋጃለች

- ወደ ህይወት ትመራለች

- ትህትናን ትጠይቃለች

ስንፍና

- በበር ላይ ትቀመጣለች

- የስርቆሽ ደስታን እሰጣለሁ ትላለች

- ወደ ሞት ታስገባለች

- ለስጋ ትመቻለች

ምን እንማር

1. የህይወት አቅጣጫችን በምንሰማው ድምፅ ይቀረፃል

2. ለእድገትም ሆነ ለውደቀት ወሳኙ ትሁት መሆን ወይንም ትዕቢተኝነት ነው

3. ሀጢአት በአቀራራቡ የሚስብ ነው ፍፃሜው ግን ሞት ነው

4. ለጥበብ በትህትና ምላሽ መስጠት ወደ ህይወት መድረሻው ብቸኛ መንገድ ነው

Nikodimos Christian center

May 2, 2026, 11:26 AM

📷 Photo

231ኛ ቀን
በኢትዮጵያ ሰዓት አቆጣጠር ዘወትር ከምሽቱ 3:00 ሰዓት ቲክቶክ live እና ቴሌግራም ላይ  ኑ የእግዚአብሔርን ቃል እናጥና::

ዛሬ የምናነበው ክፍል ትንቢተ ኤርምያስ ምዕራፍ  4-6

የዩቱብ  የቲክቶክ እና የቴሌግራም ሊንኮችን ከታች  ታገኛላችሁ👇

YOUTUBE#1:- http://www.youtube.com/NikodimosShow
YOUTUBE#2:- http://www.youtube.com/@thewordwithtg316
TIKTOK#1:- http://tiktok.com/tigistejiguwondmu
TIKTOK#2:-  http://tiktok.com/nikodimoschrstiancenter
TELEGRAM:-

695

Nikodimos Christian center

May 2, 2026, 11:26 AM

መጽሐፈ ምሳሌ ምዕራፍ 8

ጥበብ ከጉዳት (ከጥፋት) እንደማምለጫ ምሽግ ብቻ ሳይሆን እንደ አንድ ህላዌ (person) የተገለጠበት ክፍል ነው

ከቁጥር 1-5 ጥበብ ትጣራለች

“1. ጥበብ ጮኻ አትጣራምን?ማስተዋልስ ድምፅዋን ከፍ አድርጋ አታሰማምን?
2. በመንገድ አጠገብ ባሉ ኰረብቶች፣መንገዶቹ በሚገናኙበትም ላይ ትቆማለች፤
3. ወደ ከተማዪቱ በሚያስገቡት በሮች አጠገብ፣በመግቢያዎቹ ላይ፣ ድምጿን ከፍ አድርጋ እንዲህ ስትል ትጮኻለች፤
4. “ሰዎች ሆይ፤ የምጠራውኮ እናንተን ነው፤ለሰው ልጆች ሁሉ ድምፄን ከፍ አደርጋለሁ።
5. እናንተ ብስለት የጐደላችሁ፤ ጠንቃቃነትን ገንዘብ አድርጉ፤እናንተ ተላሎች፤ ማስተዋልን አትርፉ።”(አ.መ.ት)

ሀጢአት በስውር ታደባላች ፡ ጥበብ ግን በአደባባይ ትጣራለች

እግዚአብሔር ጥበብን ከሰው ልጆች የሚሰውር አምላክ ሳይሆን ሰዎች ሁሉ ጥበብን እንዲቀበሉ ጥሪ የሚያደርግ አምላክ ነው

ቁጥር 6-11 የጥበብ ንፅህና

“6የምናገረው ቁም ነገር ስላለኝ አድምጡ፤
ከአንደበቴ ትክክለኛ ነገር ይወጣል።
7እኔ እውነት የሆነውን እናገራለሁ፤
ክፋት በእኔ ዘንድ የተጠላ ነው።
8እኔ የምናገረው ሁሉ እውነት ነው፤
ጠማማ ወይም ወልጋዳ አይደለም።
9ማስተዋል ላለው ሰው ሁሉም ግልጥ ነው፤
ዕውቀትም ላለው ሰው ትክክል ነው።”(አ.ት)


- ትክክለኛ (ቅን)

- እውነት የሆነ

- ከክፋት የፀዳ

- ግልፅ የሆነ (ጠማማና ዘወርዋራ ያልሆነ)

እውነተኛው ጥበብ እነዚህን ያሟላ (የማያጓድል) ነው

“10ከብር ይልቅ ምክሬን ምረጡ፤
ከንጹሕ ወርቅ ይልቅ ዕውቀትን ምረጡ።
11“እኔ ጥበብ፥ ከዕንቊ የምበልጥ ስለ ሆንኩ
ምንም ነገር ብትመኙ ከእኔ የሚወዳደር አንድም ነገር የለም።”(አ.ት)

ጥበብ ጠቃሚ ብቻ ሳይሆን ከጠቃሚ ነገሮች ሁሉ የላቀ ዋጋ ያለው ነው

ወደ ቆላስይስ ሰዎች 2
3 የተሰወረ የጥበብና የእውቀት መዝገብ ሁሉ በእርሱ ነውና።

ቁጥር 12-21 ጥበብና እግዚአብሔርን መምሰል

-ማስተዋልና ትክክለኛ እውቀት

-ክፋትን ፡ እብሪትን ጠማማ ንግግርን መጥላት

-ትክክለኛ (በፅድቅ የሆነ) ፍርድ መፍረድ

-ጥበብ ሀጢአትን መጥላትና ፅድቅን መውደድ እንጂ ማቻቻል አይደለም

“17 እኔ የሚወድዱኝን እወድዳለሁ፥ ተግተው የሚሹኝም ያገኙኛል።”

የሰው ልጆች ሁሉ ጥበብ እንዲያገኙ የእግዚአብሔር ፍቃድ ነው ነገር ግን በዘፈቀደ የሚገኝ ነገር አይደለም

የያዕቆብ መልእክት 1
5 ከእናንተ ግን ማንም ጥበብ ቢጎድለው፥ ሳይነቅፍ በልግስና ለሁሉ የሚሰጠውን እግዚአብሔርን ይለምን፥ ለእርሱም ይሰጠዋል።

“18ብልጽግናና ክብር በእኔ ዘንድ ይገኛሉ፤
ዘላቂ ሀብትና ዕድገት የእኔ ናቸው።”(አ.ት)

ጥበብን ያገኘ ሌላው አይጎድልበትም : እንዲያውም ዘላቂነት ባለው መልኩ ይጨመርለታል

ከቁጥር 22-31 የጥበብ ዘላለማዊ ኑባሬ

“22. እግዚአብሔር ከቀድሞ ሥራዎቹ በፊት፣የተግባሮቹ መጀመሪያ አድርጎ አመጣኝ፡”(አ.መ.ት)

በዚህ ክፍል ጥበብ ከፍጥረት በፊት እንደነበረችና ፍጥረትን በመፍጠር ሂደት ውስጥም ዋና ሠራተኛ እንደነበረች ይናገራል

“...በዚያን ጊዜ ከጎኑ ዋና ባለሙያ ነበረኩ”

የዮሐንስ ወንጌል 1
1 በመጀመሪያው ቃል ነበረ፥ ቃልም በእግዚአብሔር ዘንድ ነበረ፥ ቃልም እግዚአብሔር ነበረ።
2 ይህ በመጀመሪያው በእግዚአብሔር ዘንድ ነበረ።
3 ሁሉ በእርሱ ሆነ፥ ከሆነውም አንዳች ስንኳ ያለ እርሱ አልሆነም።

ወደ ቆላስይስ ሰዎች 1
16 እርሱም የማይታይ አምላክ ምሳሌ ነው። የሚታዩትና የማይታዩትም፥ ዙፋናት ቢሆኑ ወይም ጌትነት ወይም አለቅነት ወይም ሥልጣናት፥ በሰማይና በምድር ያሉት ሁሉ በእርሱ ተፈጥረዋልና ከፍጥረት ሁሉ በፊት በኵር ነው። ሁሉ በእርሱና ለእርሱ ተፈጥሮአል።

እዚህ ክፍል ላይ የተጠቀሰው “ጥበብ” በቀጥታ ወደ ክርስቶስ ኢየሱስ ነው የሚያመላክተው

ከቁጥር 32-36 ጥበብን አግኟት(ምረጧት)

“35. የሚያገኘኝ ሁሉ ሕይወትን ያገኛልና፤ከእግዚአብሔርም ዘንድ ሞገስን ይቀበላል።
36. የሚያጣኝ ሁሉ ግን ራሱ ይጐዳል፤የሚጠሉኝም ሁሉ ሞትን ይወዳሉ።”(አ.መ.ት)

ጥበብ እዚህ ጋር የሞትና የህይወት ጉዳይ ሆና ቀርባለች ወደ ህይወት የሚወስድ ሌላ አማራጭ መንገድ የለም

የዮሐንስ ወንጌል 14
6 ኢየሱስም። እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም።

ምን እንማር ?

1. ጥበብ በየእለቱ ትጣራለችና ምላሽ እንስጥ

2. ከገንዘብ ከዝና ወይንም ከየትኛውም ስኬት በላይ ለጥበብ ዋጋ እንስጥ

3. ጥበብን ሆን ብለን በትጋት ልንፈልግ ይገባል

4. ብቸኛ የህይወት መንገድ የእግዚአብሔር ጥበብ የሆነው ኢየሱስ ክርስቶስ ነው

Nikodimos Christian center

May 2, 2026, 11:26 AM

ከምዕራፍ 7-9 ያለውን ስናጠና በስፋት የምናገኛት ጥበብ ማናት(ምንድናት)የሚል ሐሳብ ነው

ምሳሌ መጽሐፍ ላይ የምናያት ጥበብ እውቀት ብቻ አይደለችም

ጥበብ ከእውቀት ባለፈ የየእለት ኑሮአችንና ምርጫችን እግዚአብሔርን በመፍራት ላይ የተመሰረተ እንዲሆን ያደርጋል

እውነተኛይቱ ጥበብ የምትገኘው ከእግዚአብሔር ዘንድ(ከቃሉ) ነው

ጥበብ ሁለንተናችንን (ከእግዚአብሔር ጋር ያለንን መንፈሳዊ ግንኙነት ፡ አሰተሳሰባችንና ድርጊታችንን) እንደ እግዚአብሔር ቃል የሚቃኝ አይነተኛ መሳሪያ ነው

ጥበብ በር አለው

መጽሐፈ ምሳሌ 1
7 የጥበብ መጀመሪያ እግዚአብሔርን መፍራት ነው፤ ሰነፎች ግን ጥበብንና ተግሣጽን ይንቃሉ።

እግዚአብሔርን የማይፈራ ሰው ወደ ጥበብ መግቢያውን በር ስቶታል እግዚአብሔርን ከመፍራት ያልጀመረ ጥበብም ጥበብ አይደለም

ጥበብ ተግባራዊ እውነት (applied truth) ነው

የማቴዎስ ወንጌል 7
24 ስለዚህ ይህን ቃሌን ሰምቶ የሚያደርገው ሁሉ ቤቱን በዓለት ላይ የሠራ ልባም ሰውን ይመስላል።

ጥበብ ክርስቶስ ነው

ከምዕራፍ 1-9 እንደ ህላዌ (የራሱ ማንነት እንዳለው) አካል (person) ጥበብን ስትጣራ እናያታለን ምሳሌነቱም ለክርስቶስ ነው

1ኛ ወደ ቆሮንቶስ ሰዎች 1
24 ለተጠሩት ግን፥ አይሁድ ቢሆኑ የግሪክ ሰዎችም ቢሆኑ፥ የእግዚአብሔር ኃይልና የእግዚአብሔር ጥበብ የሆነው ክርስቶስ ነው።

ጥበብ ወደ ህይወት ፡ ጥበብን መግፋት ወደ ጥፋት ያደርሳል

መጽሐፈ ምሳሌ 4
7 ጥበብ ዓይነተኛ ነገር ናትና ጥበብን አግኝ፤ ከሀብትህም ሁሉ ማስተዋልን አትርፍ።

ጥበብ በዘፈቀደ ሳይሆን ፈልገን የምናገኘው ነው

መጽሐፈ ምሳሌ 2
4 እርስዋንም እንደ ብር ብትፈላልጋት፥ እርስዋንም እንደ ተቀበረ ገንዘብ ብትሻት፤

ጥበብ ማናት(ምንድናት)

1. እግዚአብሔርን በመፍራት እንድንኖር ሁለንተናችንን እንደ ቃሉ የምትቃኝ አይነተኛ መሳሪያ ናት

2. ከእግዚአብሔር (ከቃሉ) የምትገኝ ሰማያዊ ስጦታ ናት

3. ወደ እርሱ መግቢያው ትክክለኛው በር እግዚአብሔርን መፍራት ነው

4. በዘፈቀደ ሳይሆን በፍለጋ የምትገኝ ናት

5. የእግዚአብሔር ጥበብ ክርስቶስ ነው ፡፡ የሚያገኙት ወደ ህይወት የሚገፋት ወደ ጥፋት ይሄዳሉ

መጽሐፈ ምሳሌ ምዕራፍ 7

የዝሙትን ሀጢአት ወጥመድ አሰራርና ጥበብ እንዴት ከዚያ ወጥመድ እንደሚያስመልጥ ያስተምረናል

ከቁጥር 1-5 ጥበብ እንደ ከለላ(protection)

“1. ልጄ ሆይ፤ ቃሌን ጠብቅ፤ትእዛዜንም በውስጥህ አኑር።”(አ.መ.ት)

የሚጠብቀን በአእምሮአችን የያዝነው መረጃ ሳይሆን በልባችን ያኖርነው ጥበብ ነው

ከቁጥር 1-5 ጥበብን በልብ ስለ መሰወር የቀረበ ጥሪ ነው

“3 በጣቶችህ እሰራቸው፤ በልብህ ጽላት ጻፋቸው።”

ከእግዚአብሔር ቃል ጋር ሊኖረን የሚገባውን ቁርኝት ያሳየናል ፡ ቃሉ ከአእምሮአችን ወደ ልባችን ከልባችን ወደ ተግባራችን ሊያልፍ ይገባል

ከሀጢአት ማምለጥ የምንችለው በገዛ ሀይላችን ሳይሆን በእግዚአብሔር ቃልና በመንፈስ ቅዱስ አማካኝነት የእግዚአብሔር ጥበብ ከሆነው ከክርስቶስ ጋር ባለን ጥብቅ ቁርኝት ነው

የዮሐንስ ወንጌል 14
26. አብ በስሜ የሚልከው አጽናኙ መንፈስ ቅዱስ ግን ሁሉን ነገር ያስተምራችኋል፤ እኔ የነገርኋችሁንም ሁሉ ያሳስባችኋል።(አ.መ.ት)

መንፈስ ቅዱስ ከቃሉ ተለይቶ አይሰራም የሰማነውን የክርስቶስን ቃል ነው የሚያሳስበን

ከቁጥር 6-9 ማስተዋል የጎደለው ሰው መገለጫዎች

“8. የቤቷን አቅጣጫ ይዞ፣በቤቷ ማእዘን አጠገብ ባለው መንገድ ያልፍ ነበር፤
9. ቀኑ መሸትሸት ሲል፣በውድቅት ሌሊት፣ በጽኑ ጨለማ።”(አ.መ.ት)

በተሳሳተ (ለፈተና በሚያጋልጥ) ጊዜና ቦታ መገኘት !

የእግዚአብሔር ቃል ሽሹ ወዳለን ነገር ተጠግተን እራሳችንን ለፈተና ማጋለጥ የለብንም

ጌታ ያስተማረን ተመራጩ ፀሎት ወደ ፈተና እየገቡ አውጣኝ ማለት ሳይሆን እንዳንገባ መጸለይ(መጠንቀቅ) ነው

የማቴዎስ ወንጌል 26
41 ወደ ፈተና እንዳትገቡ ትጉና ጸልዩ፤ መንፈስስ ተዘጋጅታለች ሥጋ ግን ደካማ ነው አለው።

ብዙ ውድቀቶች ከአመፀኝነት ሳይሆን ከግዴለሽነት ነው የጀመሩት፡፡ “ምናለበት ?” ሞት አለበት

መድረስ ወደ ማንፈልግበት ስፍራ የሚወስደውን መንገድ (አቅጣጫ) ይዘን አንሂድ

ከቁጥር 10-20 የፈተናውን ስልቶች ያሳየናል

1. “አንተን ለማግኘት ወጣሁ” የተለየ እንደሆነና ለእሱ የተለየ ቦታ እንዳላት ማስመሰል

2. መንፈሳዊ ካባ መድረብ

“14 መሥዋዕትንና የደኅንነት ቍርባንን ማቅረብ ነበረብኝ፤ ዛሬ ስእለቴን ፈጸምሁ።”

3. ማስጎምጀት

“18 ና፥ እስኪነጋ ድረስ በፍቅር እንርካ፥ በተወደደ መተቃቀፍም ደስ ይበለን።”

4 የውሸት ዋስትና(ማንም አያውቅም !)

“19 ባለቤቴ በቤቱ የለምና፥ ወደ ሩቅ መንገድ ሄዶአልና፤”

መጽሐፈ ምሳሌ 6
29 ወደ ሰው ሚስት የሚገባም እንዲሁ ነው፤ የሚነካትም ሁሉ ሳይቀጣ አይቀርም።

ፈተና ወደ ህይወታችን ሲመጣ ስሜታችንን የሚማርክ ግማሽ እውነት ይዞ ነው የሚመጣው

መንፈስ ቅዱስን ከሰማነው ግን ያስጠነቅቀናል ፡ የተሰወረውን ወጥመድ በቃሉ አማካኝነት ይገልጥልናል

ከቁጥር 21-23 አስከፊው አወዳደቅ !

“22በሬ ወደሚታረድበት ስፍራ እንደሚነዳ፥ አጋዘንም ቸኲሎ ወደ ወጥመድ እንደሚገባ፥ ወዲያውኑ እርስዋን ተከትሎ ሄደ፤ 23ፍላጻም ሆድ ዕቃውን እንደሚወጋው ዐይነት ሆነ፤ ወደ ወጥመድ እንደሚገባ ወፍ መሰለ፤ ይህ ሁሉ ሲሆን ሕይወቱ በአደጋ ላይ ለመውደቅ መቃረቡን አላወቀም።”(አ.ት)

“ወዲያውኑ እርሷን ተከትሎ ሄደ”

እራሱን መግዛት እንደተሳነው እናያለን

“ወደ መታረድ እንደሚገባ በሬ…….ወደ ወጥመድ እንደሚገባ ወፍ ሆነ”

መታለል(ሽንገላን) ያሳያል

“ህይወቱ በአደጋ ላይ ለመውደቅ መቃረቡን አላወቀም”

መንፈሳዊ እውርነትን ያሳያል

ፀጋ በስጋ የዘራነውን እንዳናጭድ የሚያደርግ ሳይሆን ከገባንበት ወጥመድ እንድንወጣ የሚያስችል ሀይል ነው

ከሀጢአት መውጣት እንጂ በሀጢአት መኖር ፀጋ አይጠይቅም

ሁልጊዜም የቆምንበትን መንገድ ወዴት እንደሚወስድ እንጠይቅ

ከቁጥር 24-27 የመጨረሻ ማስጠንቀቂያ

“25 ልብህ ወደ መንገድዋ አያዘንብል በጎዳናዋ አትሳት።”

አስቀድመን መስራት ያለብን የልባችን ዝንባሌ ላይ ነው እግራችን የሚሄደው ልባችን ወዳዘነበለበት ነው

“26. አዋርዳ የጣለቻቸው ብዙ ናቸው፤የገደለቻቸውም ስፍር ቊጥር የላቸውም።”(አ.መ.ት)

(you are not special)

“ስፍር ቁጥር የላቸውም”

ደሊላ ሶምሶምን ፍቅር የምትሰጥ መስላ በየእለቱ እንዴት ልታዋርደው እንደምትችል እንዲነግራት ትወተውተው ነበረ

ሲሳካላት ፀጉሩን ላጨችው ፡ አይኑን አወጡት ፡ ወፍጮ ፈጪና አጫዋች አደረጉት

“27ወደ እርስዋ ቤት የሚወስደው መንገድ ወደ ሞትና ወደ መቃብር የሚያወርድ ጐዳና ነው።”(አ.ት)

የቤቷ መንገድ ሲያዩት የፍቅር መንገድ ቢመስልም መዳረሻው ሞት ነው !

ምን እንማር ?

1. እለት እለት የእግዚአብሔርን ቃል በልባችን እንሰውር “ተብሎ ተፅፏል” ማለት የምንችለው “ተብሎ የተፃፈውን” ስናውቅ ነው

2. ለፈተና በሚያጋልጥ ጊዜና ቦታ አንገኝ ፡ በእኛና ሊፈትኑን በሚችሉ ሁኔታዎች መካከል ደማቅ መስመር እናስምር

3. ደስ የሚያሰኝና መንፈሳዊ ካባ የለበሰ ሁሉ ከእግዚአብሔር አይደለም

4. እራሳችንን መግዛት ሳይሳነን በፊት ፈጥነን እርምጃ እንውሰድ መዘግየት ዋጋ ያስከፍላል ፡ በቆየን ቁጥር አቅማችን ይፈተናል

Nikodimos Christian center

May 2, 2026, 11:26 AM

ሻሎም ቅዱሳን የኤርሚያስ መፅሐፍ ንባብ እቅዳችን ይህ ነው

ሚያዝያ 20 ኤርምያስ 1-3
ሚያዝያ 21 ኤርምያስ 4-6
ሚያዝያ 22 ኤርምያስ 7-9
ሚያዝያ 23 ኤርምያስ 10-12
ሚያዝያ 24 ኤርምያስ 13-15
ሚያዝያ 25 ኤርምያስ 16-18
ሚያዝያ 26 ኤርምያስ 19-21
ሚያዝያ 27 ኤርምያስ 22-24
ሚያዝያ 28 ኤርምያስ 25-27
ሚያዝያ 29 ኤርምያስ 28-30
ሚያዝያ 30 ኤርምያስ 31-33
ግንቦት 1 ኤርምያስ 32-34
ግንቦት 2 ኤርምያስ 35-37
ግንቦት 3 ኤርምያስ 38-40
ግንቦት 4 ኤርምያስ 41-43
ግንቦት 5 ኤርምያስ 44-46
ግንቦት 6 ኤርምያስ 47-49
ግንቦት 7 ኤርምያስ 50-52

ግንቦት 8 ሰቆቃው ኤርምያስ 1-5

610

Nikodimos Christian center

May 2, 2026, 11:26 AM

https://youtu.be/oiszDqjxspU

752

Nikodimos Christian center

May 2, 2026, 11:26 AM

https://youtu.be/VMVShsMK8Tg?si=QqCq3cNB16eS7Jgk

767

Showing 30 of 70 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Related Telegram Channels

x8

Geografiya va geoaxborot tizimlari fakulteti

8791

Loading recommended channels...

Nikodimos Christian center

Nikodimos Christian center

Ranking

Participant Growth (Last 6 Days)

Latest Posts

Rating

User Reviews (0)

Related Telegram Channels

Anime Nation Ongoing • 2025 Ongoing Animes • Anime Ongoing Spring

Otamatsuri

Digimon Adventure 1999 + 1999 movie

Manhwa Apex

Livinia

Anime Aesthetic Pictures | Anime Wallpapers | Anime Pictures ®️

x8

Geografiya va geoaxborot tizimlari fakulteti

Related Telegram Channels

Anime Nation Ongoing • 2025 Ongoing Animes • Anime Ongoing Spring

Otamatsuri

Digimon Adventure 1999 + 1999 movie

Manhwa Apex

Livinia

Anime Aesthetic Pictures | Anime Wallpapers | Anime Pictures ®️

x8

Geografiya va geoaxborot tizimlari fakulteti

User Reviews (0)

Latest Posts